رواية عشق و دموع الفصل السابع 7 - بقلم رنا حسن

استيقظت ليلى من نومها وليست كعادتها تغازل والديها. استيقظت هادئة دون أن تتكلم. الأم: طب قولى صباح الخير. ليلى: صباح الخير. الأب: صباح الخير يا ليلى. ليلى: صباح النور يا بابا. استنى يا بابا علشان عايزاك انت وماما فى موضوع مهم. الأم والأب بصوت واحد: خير فى ايه؟ ليلى: ليه خبيتوا عليا انى فاقدة الذاكرة. الأم بإرتباك: مين اللى قال الكلام ده. مفيش فقدان ذاكرة ولا حاجة. الأب بتوتر: ايه اللى انتى بتقوليه ده يا ليلى.

ليلى: انا سألت سؤال وعايزة جواب صريح. الأم: عملنا كده علشان مصلحتك. الأب وهو ينظر إلى الأم بعتاب: ايه اللى انتى بتقوليه ده يا زينب. الأم: كده كده كان هييجى يوم من الايام وهتعرف. ليلى بهدوء: ليه خبيتوا. الأم: معلش مش هقدر أجاوبك. ليلى بغضب: يعنى ايه الكلام ده. انتوا كده بتدمرونى أكتر. أنا عايزة أعرف أنا مين وايه اللى حصل معايا فى الماضى. الأب: مش هينفع يا ليلى غصب عننا.

الأم: لأن الدكتور قال المفروض هي اللى تفتكر ماضيها. ليلى ضحكت بحزن: أنا كنت فى المستشفى امبارح والدكتور قالى أن المفروض أي حد يحكيلك عن ماضيكي علشان تفتكري كل حاجة. الأم: أنا آسفة مش هقدر. ليلى: ليه. الأم: لأن ماضيكي كان. ليلى: كان إيه قولى. الأم: كان بشع. ليلى: قصدك إيه. الأم: مش هقول أكتر من كده. ليلى: تمام. أنا هعرف بنفسي. الأم: قصدك إيه.

لم ترد عليها ليلى ودخلت غرفتها لكي تبدل ملابسها وتذهب إلى الكلية ثم إلى الشركة. خرجت ليلى وهى باكية. رن عليها آسر فى هذا الوقت. آسر: هااا حصل ايه. ليلى وهى تبكى: انت فين يا آسر أنا محتجالك اوى وعايزة اشوفك. آسر: طب انتى فين وانا آجيلك. ليلى: أنا فى. آسر: تمام. أنا جاي فى الطريق. ••••♪•••••••••••••♪••••••••♪••••••••••••♪•••••••••••• فى قصر يوسف الحديدي. يوسف: يعنى ايه يضربنى. ميار: أهدى بس.

يوسف: انتى متتكلميش خالص. انتى لازم تعمليلي أي حاجة تبعدي آسر عن ليلى. دول أكيد بيحبوا. انتي مش شايفة ضربني إزاي. ميار: عايزني أروح عنده أقوله ايه مثلا. أقوله ارجعلي أنا مظلومة. ده أنا خونته قدام عينه. يوسف: لو متصرفتيش هيكون موتك على إيدي. ميار بخوف: أنا هتصرف. ************************************************** ذهبت شروق إلى الشركة واول ما دخلت الشركة صعدت إلى ياسين. لأن الفضول سيقتلها. شروق كانت تدق على الباب.

ياسين: ادخل. شروق: اهلا يا فندم. ياسين: تعالى يا شروق. شروق: بص اعتبرنا برا الشركة وقولي على الموضوع امبارح. لأن الفضول هيموتني. ياسين: أنا بحبك. شروق وقد احمر وجهها وارتبكت وتوترة. شروق بتوتر: اي. ايو. ايوه يعني عايزني أعمل ايه. ياسين بضحك: اعترفيلي بحبك. بصي هتقوليلى مش بحبك فأنا عارف انك بتحبيني. شروق: أنا فعلا مش بحبك. ياسين: هاجي اتقدملك يوم بليل. ويلا اتفضلي على شغلك.

شروق بغضب: على فكرة مش هفتحلك الباب. قال جملتها وخرجت من المكتب. وظل ياسين يضحك على طفولتها. ********************************************** نذهب إلى مكتب هذه الجميلة ذات شعر أحمر. كانت سارة تترجم بعض أوراق خاصة بالصفقة. ثم دق الباب. سارة: ادخل. ازيك يا احمد. احمد: ازيك يا أستاذة سارة. سارة: اتفضل اقعد. احمد: شكرا. أنا كنت عايزك فى موضوع. سارة: اتفضل قول.

احمد: سارة أنا بحبك من زمان قوي وكنت بفكر اتقدملك بس قولت اقولك قبليها. سارة بخجل: أنا آسفة يا احمد بس أنا حاليا عندي ورق مهم. ينفع نتكلم في الموضوع ده بعدين. احمد بخجل: تمام عادي. عن إذنك. سارة: اتفضل. خرج احمد. وظلت سارة تفكر في مالك. هل تعترف له انها تحبه. ام أنها توافق على احمد وتنسى مالك. ياترى ماذا ستقرر سارة. ************************************************ وصل آسر إلى ليلى ثم ركبت بالسيارة.

آسر: احكي اللي حصل. حكت له ليلى كل شيء. آسر: بس المفروض كانوا قالوا. ليلى: المفروض. آسر: معلش يا ليلى هما عارفين مصلحتك أكتر منك. ليلى بغضب: انت كمان هتيجي معاهم. آسر: لا انا هفضل معاكي لحد ما تفتكري كل حاجة. ليلى: ليه هتفضل معايا ليه. آسر وقد نظر إليها وصمت. ليلى: أنا آسفة يا آسر. بس أنا مخنوقة اوى والمفروض اصلا اشكرك لانك كنت جنبي ولحد الان. آسر: لا عادي ولا يهمك. أنا عارف ان غصب عنك.

ليلى: أنا عارفة هترجعلي الذاكرة إزاي. آسر: إزاي. ليلى: الراجل اللي كان في الكافي اللي مسك إيدي. وقعد يقول أنا بحبك. وانت ضربته. آسر بغضب: اوعي تقولي أن احنا نروحله ويحكي كل حاجة. ليلى: أيوه بالظبط كده. آسر: وانا رافض. ليلى بعند: بس أنا هروح. آسر بغضب وبصوت عالى: ده ممكن يعملك حاجة. انتي متخلفة. ليلى: ليه هو انت هتسيبني أروح لوحدى. آسر: لا انا هبقى معاكي في كل مكان. بس مش هنروح الزفت ده. ليلى

وهى لا تفكر بما تقوله: اوعدني يا آسر انك تفضل جنبي. آسر وهو ينظر لها وهو صامت. آسر: وعد ان هفضل جنبك طول حياتك. وصَّل آسر ليلى إلى الشركة ثم ذهب هو إلى عمله. شروق وهى تنادى عليها: يا ليييييييييلى. ليلى: وطى صوتك فضحتيني. شروق: الحقيني يا ليلى. ليلى: في ايه احكي. حكت لها شروق كل ما حدث. ليلى: عبيطة. طول عمرك عبيطة. الواد حلو ومز. شروق: يعني عايزني أعمل ايه. ليلى: ما تعمليش أي حاجة غير لما ييجي يتقدم. شروق: حاضر.

ليلى: يلا بينا على التدريب.