رواية عشق وجنون الصياد الفصل الأربعون 40 - بقلم اسيل باسم

في فيلا الصياد كان الجميع سعداء بالطفل الجديد حور: هتسموه البيبي إيه يا حياة؟ حياة: هنسميه مراد على اسم باباه لسليم. داليدا: إن شاء الله يطلع شبهه في كل حاجة. حياة: إن شاء الله. حسام: عرفت إن زياد هياخد غادة ويرجعوا ألمانيا. صخر: وأنا مالي يا بابا. حسام: بقولك هياخد مراتك ومش هتشوفها بعد اليوم، فاهم يعني إيه؟ صخر ببرود: أنا بعتلها أوراق الطلاق. حسام بغضب: ما سمعتش أنت عملت إيه!

صخر: بقولك بعتلها أوراق الطلاق وهتخلص مني. حسام: هو أنت ناوي تجلطني يا صخر؟ غادة هي الوحيدة اللي هتعالجك وتخليك إنسان بجد، وأنت عايز تتخلى عنها بالسهولة دي؟ صخر: مش عايز أكون أناني للمرة الأولى في حياتي. حسام: اعمل اللي يريحك يا صخر، دي حياتك أنت في الأول والآخر، أنا بقى ما عدتش أدخل يا ابني. أنا بجد تعبت إني أصلح وألم وراك. سلام. كانت تجلس وتلمس على بطنها وهي شاردة في حديث غادة. فلاش باك

غادة ببكاء: زياد قال إننا هنسافر النهاردة. حور: وأنت مش عايزة تسافري يا غادة؟ غادة: لا بالعكس عايزة أسافر، أنا مشفتش يوم حلو في البلد دي، عايزة أنسى كل حاجة متعلقة بالبلد دي. حور: طب زعلانة ليه مدام ده اللي أنت عايزاه؟ غادة: قلبي واجعني على صخر أوي يا حور. أنا وعدته وقلت له إني هساعده يخف، بس خلفت بوعدي ليه، وهو للأسف مش هيروح ويتعالج.

بس أنت اقنعيه يا حور يروح عند أي دكتور مختص ويتعالج، هو هيسمع منك أنا متأكدة، عشان خاطري. حور: لما دموعك تنزل على شخص وقلبك يوجعك عليه، اعرفي إنه هو احتل قلبك وكل كيانك. أنتِ واقعة في حب صخر يا غادة، والشيء ده بحد ذاته بيوجع، إنك تحبي الشخص الأذى دي حاجة مؤلمة أوي. تنهدت حور وأكملت: أنا هتكلم مع صخر عشان خاطرك يا حبيبتي. باااااك حور لنفسها: أنا مش هسيبهم يبعدوا عن بعض، أنا لازم أتصرف حتى عشان خاطر غادة.

قامت تحيط بطنها بيديه وأخذت مفاتيح السيارة. حور بتردد: جاسر هيعذرني وهيعديها عشان خاطري أنا وابنه. ثم انطلقت بحماس لفيلا الحديدي. وصلت بعد دقائق، دلفت للداخل وجدت حسام يجلس ويقرأ في الجريدة. حور بتردد: خالي. رفع حسام بصره ناحيتها: حور حبيبتي، أهلاً وسهلاً، اتفضلي يا بنتي. حور: إزيك يا خالي. حسام: بقيت أحسن لما شفتك، الحمل إزاي معاكي؟ قربتي مش كده؟ حور: أيوه، دي آخر أيامي.

حسام بتردد: حبيبة خالها مش زعلانة مني، مش كده؟ حور: أنا عمري ما أزعل منك يا خالي، ده أنت زي أبويا الله يرحمه. احتضنها حسام بفرحة: كده طمنتيني يا قلبي، مقلتليش إيه اللي فكرك بخالك؟ حور بتردد: عايزة أتكلم مع صخر، هو موجود؟ حسام باستغراب: عايزة تتكلمي مع صخر ابني؟ صخر: مش عايز أتكلم مع حد يا بابا، خليها تروح بيتها، أكيد زوجها هيتعصب عليها لو عرفت إنها عندنا. حور: إحنا لازم نتكلم ضروري يا صخر.

صخر: مفيش حاجة نتكلم بيها أنا وأنتِ يا مدام حور. حسام: وأنا قلت هتتكلموا يا صخر. اتفضلي يا بنتي، أنا فوق لو عايزة مني حاجة. صخر بضيق: وحضرتك جاية تتكلمي معايا عن إيه؟ حور: غادة مراتك يا صخر، هي. صخر: هي كانت مراتي، ومفيش حاجة تلمنا مع بعض بعد كده.