رواية عشق طفولتي - مي الفصل الرابع 4 - بقلم مي

أنا مدير الشركة اللي حضرتك بتشتغلي فيها دي. اتصدمت وحرفيًا لساني مقدرش ينطق. "يا دي الكسفة اللي أنت فيها يا حازم، طب وده يتقال له إيه دلوقتي؟ "طيب بص حضرتك، أنا مكنتش أعرف، وأنا اتأخرت عشر دقايق بس مش حكاية ومش هتتكرر، لكن لو حضرتك عايز ترفدني اتفضل." "اممم، بعد كده متحصلش، التزمي بالمواعيد." "تمام يافندم." روحت، وفي واحدة عرفتني على نوعية شغلي وبدأت. ويارتني ما بدأت، إيه الفرهدة دي!

أنا غلطانة إني قولت عايزة أشتغل. بس ولو ولو لازم أبقى سترونج. خلص أول يوم شغل أخيرًا. بعد ما طلعت روحي. أكيد هتعود في ما بعد يعني. وأنا خارجة وقفت مدة عشان ألاقي حاجة أركبها وأروح. لقيت عربية بتقف قدامي ومد راسه منها واحد وطلع المدير الرخم ده. "تحبي أوصلك؟ مظنش تلاقي مواصلات دلوقتي." "لا شكراً، هلاقِي أكيد هيجي حد يعني." "تمام، أنتي حرة." إيه ده؟ هو مش هيعزم تاني أساسًا؟ مكنتش هركب هه. هو مفكر نفسه مين يعني؟

أهو تاكسي بعد معاناة ركبت وروحت. "مامااا يا ست الكل، أنا جعانة، عاملة أكل إيه؟ "إيه يا بنتي كل الدوشة دي؟ اهدي، عملت مكرونة بالبشاميل." "قد إيه أنتِ أم عظيمة." "يا بنت الهبلة، خشي غيري وصلي على ما أحط الأكل يكون أبوكي رجع، ناكل سوا." "حاضر يا عسل." غيرت وصليت وجيه بابا. وطبعًا بعد ما قعدت معاهم، حقيقي بضحكة منهم بيتغير مودي. قمت بقى عشان أنام. وبعد تفكير كتير ومشاريع مش هتتحقق أساسًا نمت. يوم جديد.

"صباح الفل عليكم يا أحلى بابا وماما في الدنيا كلها." "عاملة إيه؟ "كويسة يا حبيبتي." "لا، عاملة أكل إيه؟ "تصدقي إنك بنت جزمة." "حبيبتي، تسلميلي برضه، عاملة أكل إيه؟ "اقعدي في حتة، قربت أخلص أهو، إنما عاملاك حتة بيض بالبسطرمة يجنن." "وربنا أنتِ اللي تجنني يا سكر أنتِ." "هههه، يا بت بس بقى وروحي عند أبوكي." "ماشي يا سكر."

خرجت وقعدت مع بابا، وبعدين أكلت. لبست دريس أبيض عليه ورد أزرق وعليهم طرحة بنفس لون الورد وخرجت. وأخيرًا وصلت الشغل في معادي. "صباح الخير يافندم." "عندنا ميتنج النهارده، حضري الملفات دي وبسرعة يا نورا." "إيه الراجل الرخم ده، مش يقولي حتة صباح النور ولا أي نيلة على دماغه." "على فكرة أنا لسه هنا، يعني استني أمشي." "احم، إيه ده؟ هو حضرتك لسه هنا؟ بعدين أنا بفكر، أنت إزاي عرفت؟ "لازمتها إيه حضرتك بقى؟

بعدين أنتِ صوت أفكارك مسمع الشركة كلها." سكت. أصلي هرد أقول إيه بقى. "متتكررش، فاهمة." "أسفة يافندم." "محرجني كالعادة يا جدعان، وبعتر كرامتي في الأرض. إيه ده يا جماعة، بعترتوا كرامتي في الأرض كده وأنا لسه ماسحة؟ خلصت ملفات الأخ البارد اللي جوا دا ودخلت أدهاله. "ممكن أدخل يافندم؟ "مانتي دخلتي خلاص." "احم، طب أنا خلصت الملفات، هو الميتنج هيبدأ إمتى؟ "كمان نص ساعة. متأكدة إنك خلصتي كل حاجة؟ أنا مش عايز غلطة واحدة."

"تمام يافندم، وهتأكد بنفسي مرة تانية." كنت لسه بلف عشان أخرج وشوفت آخر حاجة توقعت إني ممكن أشوفها في يوم. شوفت...