رواية عشق تحت ظل القمر الفصل السادس والعشرون 26 - بقلم ايمان رأفت

ثم فتح الباب فجأة وظهر رجل قصير للغاية أشبه بالقزم. فتوقف الرجل عما يفعل وترك إيمان ونظر للأرض خشوعاً لهذا القزم ويقول: -أزيك يا ماهر بيه. قال ماهر بعصبية: -أنت بتعمل إيه يا عين أمك. الرجل بتوتر: -دي واحدة كده عجبتني وكنت عايز. وهنا ضربه ماهر بالقلم: -وميحلاش الحاجة اللي أنت عايزها إلا في وقت التسليم يا غبي. ثم نظر إلى تلك الواقفة التي تضع يدها على فمها تكتم ضحكها. تناست إيمان اللي حصل من قليل وانفجرت في الضحك وتقول:

-هو أنت اللي بيغنولك إزاي بس يا شبر ونص ههههههههه لا مش مصدقة ولا أنت اللي بيقولولو الضحكة دي يا ناسو كوتي كوتي يا خلاصو حفاضة جود كير هههههههههه مش قادرة أبطل. وهنا نظر لها بعصبية ثم اقترب ببطء شديد وهدوء قاتل: -فعلاً ليك حق. وينظر للرجل ويقول: -اربطها وكتفها وسيبها لليل هحب أوي أبقى معاكي بليل يا وردتي. إيمان وهي تحاول إن تكون قوية وبصوت أوشك على البكاء:

-أناااا مبقتش أخاف زي الأول أنا بقولك أهو أنا بقيت أخاف أكتر من الأول ينهر أسود بص بقولك إيه سيبني أمشي وأنا مش عايزة حق الأوردر وأنا هسيب أم الشغلانة بنت الجزمة دي اللي جيبالي الفقر. ضحك ماهر وقال: -أنا فعلاً هتسلى أوي. ثم غمز وذهب. وهنا اقترب لها الرجل مرة أخرى فأخرجت إيمان من جيب الجاكيت شيء ثم رشت بوجهه وقالت بفخر: -شكراً يا سوبر ميرو الحمدلله سمعت الحلقة كاملة. وهنا يصرخ الرجل بوجع من عينه.

وهنا لاحظت إيمان إن فرصة نجاتها كبيرة وتركته لتتجه نحو الباب فيتضح إن الباب مغلق فتنظر للرجل وكاد إنه يري وكانت على ملامحه غضب شديد ثم قالت بخوف قليل: -استهدي بالله يا وحش الكون في الحظات دي بيظهر البطل عشان ينقذ البطلة بنت الفقرية بس مفيش بطل هنا غيري أعمل إيه أعمل إيه. وهنا لاحظت إيمان مزهرية بعيدة قليل فأمسكتها والقتها على الرجل حتى وقع مغشي عليه. وقالت إيمان:

-عشان بعد كده تشك في قدراتي يا حبة حمير والله أنا خسارة في حقوق الإنسان. وأمسكت مزهرية أخرى عندما سمعت أحد يقترب من الباب ووقفت وهي مستعدة على وضع الهجوم. عند كنان الذي كان يستعد للهجوم على المنزل الذي يحتوي على أحد رجال الزعيم والذي يحمل أهم الأوراق لتهدف به إلى السجن مدى الحياة. واقترب من الباب ثم قام بفتحه بقوة لتقع مزهرية فوق رأسه ليرى هذه البلهاء اللي رآها في الصباح ويقول وهو على وشك الإغماء:

-أشوف فيكي يوم يا بعيدة. وهب ووقع. إيمان بفزع: -قوم يا بطل مصر مصر محتاجاك أنا أحاول أشيلك كده ونطلع. وجاءت لتحمله ثم وقعت عليه لثقل جسمه بسبب عضلاته. إيمان بوجع: -يخربيت الواحد لما تبهدله الأيام ليه يا مصر بتيجي عليه كده أعاااااااااااا. ثم يفوق الرجل اللي في العصابة ليقترب من إيمان دون إن تلاحظ وعيناه مليئة بالشر ليقوم بوضع منديل يوجد به منوم ليغمي عليها ليقترب عليها ليحملها ثم وجد من يمنع يده ويقول بعيون جحيمية:

-فكر بس تلمس إيديها وأنا أقطعلك راسك وأحرقها. ليرتعب الرجل من نظرته وكلامه بشدة. ليقوم بإطلاق رصاصة على قدمه. وأخذ الأوراق اللي يحتاجها وحمل إيمان على كتفه. وخرج. في الناحية الأخرى في بيت ريان الذي يقوم حسام بمسكه وعدي الذي يمسك ولاء. ولاء برَدْح: -بقولك إيه يا حيليتهeaaا بقى أنت كل شوية تمسكلي البت أمل تبوس فيها في الصااالون أنا لااا أسمح يا حبيبييي والله أبلغ عنكو الآداب. ريان بعصبية:

-واقسم بالله لو مسكتك يا ولاء الكلب لاعلقك زي زمان فاكرة ولا تحبي أوريكي. ولاء بسخرية: -يمي يمي يمي خايف يا عيد. وبعد خمس دقائق. ولاء: -حقك عليا يا غالي أحياة عيالك نزلني بص والله أنا هقولك الحقيقة البت أمل اللي واقفة تضحك جمبك دي كانت بتقولي على المواعيد اللي كنت بتبوسها فيها في الصالون وأنا غلبانة بقى وأنت عارفني فكنت هعمل خير وأجيبلكو اتنين لمون بس كده يا باشا. عدي: -ريان أخويا حبيبي وأنا ذمب أمي إيه عشان تعلقني.

ريان ببرود لا يليق غير به: -عشان فكرت في يوم تتجوزي بنت المجانين دي بقى أنا ريان تدردحيلي يا ولاء ماشي ماشي أنا بقى هوريكو الطاووس الأسود تاني. ولاء: -حقك عليا يا يا ريان. ريان بتسلية: -ريان بيه. ولاء بعصبية: -حقك عليا يا ريان بيه. ريان ليستفزها: -ريان بيه باشا. ولاء: -متقرفنيش يخربيت أهلك. ريان: -هتقوليها 200 مرة على قلة أدبك دي. ولاء: -بقولك إيه ولااااا أصحى بدل ما طلع عين أهلك دلوقتي أنت متعرفنيش. بعد دقيقتين.

ولاء: -حقك عليا يا ريان باشا بيه للمرة الـ200. وهنا جاء اتصال من مكتب ريان وذهب ريان ليرد. ثم انصدم وقال بعصبية وعيون جحيمية وهو يجز على أسنانه: -مااارك. مارك: -مرحبا ريان هل تتذكرني عزيزي.