رواية عشق تحت ظل القمر الفصل السادس عشر 16 - بقلم ايمان رأفت

صالح: متشكرين يا رجالة. عدوا على الحاج عوض، هيديكموا الحلاوة. دخل الحاج صالح أوضة البنات هو وحفيده زين وحفيده سمير وحفيده سليم وحفيده مروان. سمير أعجب جداً بأمل، ومروان أعجب بوفاء، وسليم أعجب بتغريد، وأكيد طبعاً زين أعجب بولاء. ولاء بعياط: عايز مني إيه تاني؟ سبتلكوا البلد ومشيت وارتحتوا مني، سيبوني في حالي بقى. صالح ضربها كف، خلي بقها نزف. صالح: بالظبط، جبت لنا العار ومشيتي. وبعد يومين فرحك على زين.

ولاء بصدمة: بس أنا متجوزة. صالح بشر: فيها إيه؟ اتجوزي تاني. أمل: أنتوا ناس مريضة. صفعها زين بقوة، جعل خدها متورم وأنفاها ينزف. سمير بخبث: جدي، أنا خلاص قررت أتجوّز. وهو يشاور على أمل. الجد بخبث أكتر: كل واحد ينقّي له عروسة. تحت بكاء الجميع، تغريد وولاء وأمل ووفاء قاموا عليهم، مسكوا فيهم عشان يضربوهم. فجأة، كل واحد طلع حزام ونزلوا ضرب عليهم لحد ما جسمهم فضل ينزف دم. بعد يوم. عند ريان في روسيا.

ريان: وائل وقع تحت إيدي يا لوسيفر. لوسيفر وهو مربوط، وكل شبر في جسمه بينزف ووشه مبقاش فيه ملامح: أهلاً بالطاووس، اشتقت لك يا رجل، ولحبيبتك اللي قتلتها قدام عينيك. وهنا لم يشعر ريان بنفسه إلا وهو يضرب رصاصة في وسط رأسه. عدي ضرب ريان بالبوكس: ليه، ليه عملت كده؟ كنت عايز أعذبه الأول، ليه يا ريان؟ ريان سابهم وطلع. كلهم مشيوا ووصلوا بعد يوم للقصر. مالك: أنا هروح أجيب البنات. ريان: تمام.

بعد ساعتين، رن تليفون ريان برقم غريب. ريان: الو. صوت يملؤه البكاء: ريان. اتنفض ريان وحس إن قلبه اتمزق: أمل. أمل: الحقني يا ريان. وفجأة سمع ريان صفعة على خد أمل. الشخص: يا بنت المركوب، كيف خدتي التليفون بتاعي؟ ريان بغضب وزعيق: هقتلكم كلكم. وفجأة قفل الشخص في وشه، وهنا غضب ريان سيطر عليه، لكن جه مالك. مالك بفزع: الحراس كلهم اتقتلوا وهما مش موجودين.

عدي: حاول تعرف هما فين، ومهما كان اللي عمل كده، أنا هخليه يندم على كل لحظة حسس ولاء بالرعب فيها. حسام بغضب: أنا عرفت هما فين. بالسلسلة اللي اديتها لوفاء يوم فرحنا، حاطط برنامج تتبع، وهما دلوقتي في الصعيد. احمرت عين عدي وقال: صالح القناوي. ومشي قبل ما يسمع رد، وخرجو كلهم وراه. كانوا بيسبقوا الريح بالعربيات. في الصعيد. حورية بزعيق: حطوا أي ميك أب على خلقتكم عشان مزرق ووارم، والبسوا يلا. أمل: أنا مستحيل أعمل كده.

حورية: خلاص، تعالوا يا ستات. ودخلت الستات، لبسوهم فساتين فرح تحت صراخ الجميع، ونزلوهم تحت. غيروا ميك أب، وكان في أربع مأذونين. كل واحد كان بيبص لعروسته، وبدأ كل مأذون يكتب الكتاب. تغريد قبل نهاية كتب الكتاب، شافت مسدس، مسكته وقفت وضربت سليم في رجله. فجأة ضربها صالح كف، وقعها على الأرض، أو بالأصح وقعت على حد. تغريد بصوت كله ضعف وبكاء: حسام.