رواية عشقها اذاب جبروتي الفصل الحادي عشر 11 - بقلم جاسمين محمد

زينه... مش عارفه ليه بحس اوقات ان في حاجة اتجاهك من ناحيتي واوقات لا. ولسه بتكلم نفسها سمعت صوت زعيق: _يا فاطمة يافاطمة الحقي، في حد رن وبيقول إن فارس بيه عمل حادثة وفي المستشفى. زينه قامت تجري على جو. زينه بخوف: ماله فارس ياعمي محمد، احكي. محمد: والله يابنتي غير إن مازن بيه رن عليا وبيقولي فارس عمل حادثة وفي المستشفى. زينه بعياط وخوف: اسم المستشفى إيه طيب؟ محمد: اسمها... زينه: تمام، أنا رايحلُه.

فاطمة: استني، أنا جايه معاكي يابنتي. وطلعوا ركبوا العربية وراحوا عند فارس اللي في أوضته العمليات وحالته خطيرة. زينه وصلت المستشفى وطلعت تجري على العمليات، لقت مازن واقف قلقان ورايح جاي. زينه عمالة تنهج من كتر الجري والعياط: مازن، فارس عامل إيه؟ طمنّي. مازن: اهدي انتي بس الأول. زينه بقلق وزعيق: أهدي إيه بس انت التانية! فارس أخباره إيه؟ طمنّي عليه أرجوك.

مازن باستغراب من طريقتها: فارس في أوضة العمليات عشان حالته خطيرة، عشان الخبطة كانت صعبة. زينه مشت قدام أوضة العمليات وبتبص عليه من الإزاز وبتعيط وبتدعيله، ومازن واقف مستغرب من طريقة زينه. فاطمة وصلت: مازن يابني، فارس عامل إيه؟ مازن: بيعملوا له عملية، جو ارتاحي انتي بس وادعيله، وخير إن شاء الله. فاطمة: يارب يابني يقوم بالسلامة. وكلهم قاعدين في حالة قلق. الممرضة فتحت الباب وطلعت، الكل جري عليها.

زينه بخوف: فارس عامل إيه؟ طمنيني. الممرضة: إحنا عملناله عملية في رجله بسبب الحادث ودراعه، وإن شاء الله هيكون كويس وهننقلُه في الأوضة دلوقتي. زينه رفعت إيدها: ألف حمد وشكر يارب، طيّ هو أنا ينفع أدخلُه وأشوفه؟ الممرضة: آه، بس واحد بس اللي يدخل. زينه: تمام، أنا هدخل. مازن واقف ومستغرب من عمايل زينه. نقلوا فارس الأوضة وزينه فضلت قاعدة معاه وباتت معاه في المستشفى، وهو لسه ما فاقش. الصبح. فارس بتعب وهو بيفوق: زينه... زينه.

زينه قربت منه: نعم، أنا أهو جنبك. فارس فتح عينيه وبصلها وعينهم جت في عين بعض وسرحوا. مازن وصل وخبط على الباب ودخل علطول، لاقهم بالمنظر ده، بس زينه بعدت بسرعة. مازن وهو باصص على زينه: فارس، انت كويس؟ أخبارك إيه؟ فارس وهو باصص لزينه: آه، كويسة الحمد لله. مازن: تمام الحمد لله، حابب تفضل هنا ولا تروح؟ زينه بسرعة: لا، يروح أحسن، ليه؟ مازن: استني نشوفه هو عايز إيه، هو اللي تعبان. زينه بحراج: آسفة.

فارس: زي ما زينه قالت، هروح. مازن غار أوي: تمام يافارس، هنزل أخلص الإجراءات. وسابهم ونزل وهو غيران ومتعصب جامد بس ساكت ونازل يكلم نفسه. مازن: طيّ أنا غيران ليه؟ أنا مالي بيهم هما الاتنين؟ لا أكيد مش هقع في حبها، هي على رأي فارس، منعرفش هي جاية منين، بس الحكم هو يكون حبها وهي بتحبه، يوووه بقا أنا مالي. ونزل يعمل إجراءات الخروج. زينه بحب: حمد الله على سلامتك، قلقتنا عليك. فارس: الله يسلمك، وشكراً على وجودك جنبي.

زينه: مهم، أعمل إيه؟ هقضي حق إنك مقعدني في بيتك لحد دلوقتي مع إنك متعرفش أنا مين وجاية منين. فارس لسه هيتكلم، مازن دخل. مازن: خلاص خلصت كل حاجة، يلا عشان هنمشي دلوقتي، وكمان الدكتور جاي يفحصك دلوقتي قبل ما نمشي، وهيبعت معاك ممرضتين عشان يهتموا بيك. زينه: ليه؟ أنا موجودة وممكن أهتم بيه. مازن بغيره: مينفعش، انتي لازم ممرضة، انتي تفهمي إيه في العلاج وكل ده؟ زينه بحراج وبحزن: تمام، آسفة، طيّ أنا هنزل استناكم في العربية.

مازن: تمام، روحي. فارس: مش عايز ممرضين، زينه هتاخد بالها مني. مازن: بس... فارس: أنا قولت وقررت خلاص، يلا فين الدكتور عشان يفحصني ونمشي عشان هي قاعدة مستنية تحت. مازن بعصبية: تمام يافارس، هنده الدكتور.