رواية عشقها اذاب جبروتي الفصل الثاني عشر 12 - بقلم جاسمين محمد

زينة بحرج وحزن: تمام، آسفة، طيب أنا هنزل أستناكم في العربية. مازن: تمام، روحي. فارس: مش عايز ممرضين، زينة هتاخد بالها مني. مازن: بس زينة... فارس: أنا قولت وقررت خلاص، يلا فين الدكتور عشان يفحصني ونمشي عشان هي قاعدة مستنية تحت. مازن بعصبية: تمام يا فارس، هنده الدكتور. فارس: تمام.

الدكتور كشف على فارس ووافق على تصريح خروجه، بس شرط عليه لازم ياخد ممرضة معاه عشان هتاخد باله منه، وهو وافق بس بعد إلحاح كتير من مازن والدكتور. في البيت. زينة واقفة بعيد وغيرانة والممرضة بتدي لفارس العلاج وبتظبطله المحاليل. الممرضة بمحن: بس كدا تمام يا فارس. فارس ببرود: تمام، شكراً. مازن واقف بيبص على تصرفات زينة وصابر، بس صبره نفذ. راح ماسكها من إيدها وطلع بيها بره قبل ما فارس ينطق.

فارس اتعصب لما مازن مسك زينة وخدها وطلع بيها. زينة بعصبية: انت إزاي تسمح لنفسك تمسكني كدا؟ انت اتجننت؟ مازن بصدمة: إيه ده؟ أنا بمسك إيدك عادي ولا إيه اللي حصل؟ ولا أقول إن أصلاً السنيورة بتحاول تقرب من فارس وشكلها حبته، صح ولا لأ؟ زينة بتوتر: ها؟ بحب فارس؟ انت بتقول إيه؟ لأ طبعاً. مازن بعصبية: زينة، أنا مش عيل صغير ولا عبيط عشان مفرقش بين بتحبيه ولا لأ. زينة: حتى لو بحبه، وانت مالك أصلاً؟

مازن: لأ، مالي ونص، عشان أنا الأهبل اللي حبيتك من وقت ما شوفتك. زينة بصدمة: حبيتني؟ مازن: آه حبيتك، ليه انتي مش واخدة بالك من تصرفاتي معاكي دايماً وإني واقف معاكي على طول؟ لأ، وانتي روحتي حبيتي اللي بيكرهك. زينة: بس مازن دلوقتي مش بيكرهني. مازن بسخرية: ههههههه، مازن يا حلوة مستحيل يحب حد أبداً، عشان هو جرب الحب مرة واتكسر ومش بيطمن لأي بنت وبيشوفهم كلهم رخاص زي بعض، فـ فوقي يا حلوة. زينة: لأ، انت أكيد كداب.

مازن: تمام، أنا هثبتلك إنه مش بيحبك ولا معجب حتى بيكي. تعالي أوريكي. ومسك إيدها وقربها من الباب وشافت فارس وهو بيهزر ومقرب من الممرضة. فارس: ههههه، طيب تعالي بس خلاص، متبعديش. الممرضة: لأ يا عم، مينفعش. فارس: هههه، متخافيش، بس تعالي. مازن قفل الباب: ها، شوفتي اللي حبيته بيعمل إيه؟ فارس: جو؟ زينة نزلت جري على أوضته من غير ما تتكلم، وقفل الباب، واترمت على السرير تعيط.

فارس: براحتك، والله الكلب مكنش هيكلمك مدام أنا ماسكه. الممرضة: بجد؟ طيب خلاص، أنا هعالجك بس من بعيد، أنا مش ناقصة أخسر حياتي. فارس: هههه، براحتك، المهم عايز منك طلب. الممرضة: اتفضل، اطلب. فارس: تطلعي تشوفيلي زينة فين وتندهيليها. الممرضة: بس كدا، إشطا، حاضر. بعد إذنك. بعد شوية. فارس: اتأخرتي ليه كدا؟

الممرضة: آسفة، مكنتش لاقياها، ودورت عليها كتير، ولقيتها قاعدة هي ومازن بيه بيتكلموا وماسك إيدها وبيهرزلوا ويضحكوا مع بعض، ولما قولتلها إن حضرتك عايزها، قالتلي قوليلوا مش فاضي. فارس غضب جداً وعينه احمرت من الغضب.