رواية عشقها اذاب جبروتي الفصل الرابع 4 - بقلم جاسمين محمد

فارس كان بيجري وداخل من الباب سمع صوت ياسمين بتزعق. ياسمين: لا حرام عليك ابعد عني انت مين وعايز مني إيه؟ أرجوك سيبني أرجوككككك. فارس لما سمعها بتصوت، فتح الباب ودخل. لقاها نايمة وبتحلم. قرب منها وبدأ يفوق فيها. فارس: يا حاجة انتي فوقي. وجه يحط إيده على كتفها، مسكت إيده وخايفة. ياسمين: لا والنبي متجيش جنبي. وقامت حضنت فارس. انصدم من رد فعلها بس متحركش. ياسمين وهي حاضنة: انت عايز مني إيه؟ متجيش جنبي حرام عليك.

ابتسام دخلت عليهم لقت ياسمين حاضنة فارس. اتعصبت أوي. ابتسام بعصبية: هو إيه اللي أنا شايفاه ده؟ ياسمين فتحت عينها وانصدمت لما لقت نفسها حاضنة فارس. راحت بعدت عنه وهي مكسوفة ووشها في الأرض. ياسمين: أنا آسفة يا أستاذ فارس مكنتش في وعي. ابتسام: آه مثلي يا بت مثلي. ياسمين رفعت وشها بصت لابتسام اللي واقفة ولابسة لبس اللي يشوفها ميقولش إن أمها خدامة أبداً. لابسة جيبة لحد قصيره وفوقها بلوزة ضيقة وسايبة شعرها ولا اللي بنت.

ياسمين: بمثل إزاي أنا معرفش عملت كدا إزاي. أتكلم يا أستاذ فارس. فارس قاعد باصص لياسمين ومش بيتكلم خالص. ابتسام اتعصبت: آه ماهو هيرد يقول إيه لوحدها بترمي بلاها عليه. ياسمين: انتي بتقولي إيه وإنتي مين أصلاً؟ ابتسام: وإنتي... فارس وهو لسه باصص على ياسمين: بس ابتسام يلا اسبقيني على الشركة. ابتسام: إنت مش مسافر النهارده؟ فارس: لا أجلت السفر كام يوم. وسابها ومشي. ابتسام بصت لياسمين بقرف ومشت.

مازن: صباح صباح يا دادة فاطمة يا قمر. فاطمة: هههه صباح النور يا ابني. مازن: فارس فين؟ واه صح البنت اللي جوه دي فاقت؟ فاطمة: مش عارفة روح شوفها. مازن: حاضر. ومشي ولسه هيدخل الأوضة فارس شافه راح نادم عليه. فارس: مازن. مازن: شوية وأجيلك أشوف البنت. وخبط على الباب ودخل. مازن: صباح الخير. ياسمين: صباح النور. مازن: انتي كويسة دلوقتي؟ ياسمين: آه الحمد لله. أنا لازم أمشي كفاية لحد كدا. مازن: مينفعش تمشي. لو مشيتي هتروحي فين؟

ياسمين: بس مافيش حد بيحبني هنا. وفي بنت باين مرات أستاذ فارس بقت تزعقلي من شوية. مازن باستغراب: مرات فارس اسمها إيه دي؟ ياسمين: اسمها ابتسام. مازن قعد يضحك على السرير. ياسمين باستغراب: بتضحك على إيه؟ مازن: هههه متاخديش في بالك. هي مش مراته. بس بعدين هتعرفي. المهم دلوقتي المفروض يكون ليكي اسم. ياسمين بطفولة: مش فاكرة اسمي. أعمل إيه؟ مازن بابتسامة: طيب إيه رأيك نختار اسم ليكي جديد لحد ما تفتكري؟

ياسمين بابتسامة: قشطااا اختار اسم. مازن بفرح: إيه رأيك في خديجة؟ ياسمين: لا مش حلو. مازن بتفكير: طي إيه رأيك في أميرة؟ ياسمين: لا برضوا. فارس كان واقف على الباب وسامع كل حاجة. فارس: زينة حلو. ياسمين بفرح: آه زينة حلو. عجبني. واتفاجأت إنه فارس اللي قال. مازن بفرح: آه زينة حلو يا فارس. فارس مشي ومتكلمش. ياسمين: هو ماله مكشر ومش بيضحك ليه كدا؟ والا اللي حد ضاربه بوكس في وشه؟ ودايماً ماشي بتكبر ودايماً عصبي.

مازن بضحك: هههه هو دايماً كدا. مش بيضحك خالص. والأحسن للواحد إنه يبعد عنه. ياسمين: هههه حصل. الأستاذ المكشر هههه. مازن بلامبالاة: ضحكتك حلو أوي. ياسمين بكسوف: شكراً. مازن: احم احم يلا نروح نفطر. ياسمين: تمام يلا. وطلعوا قعدوا مع فارس على السفرة. مازن: فارس كنت عايزني في إيه؟ فارس بعصبية: ماهو إنت يا أستاذ مش فاضيلي ولسه فاكر تسأل دلوقتي. مازن بص لياسمين: معلش في إيه؟ يلا. فارس: مش أجلت السفر كام يوم.

مازن بفرح: بجد فكرة حلوة. فارس: آه. ويلا نروح الشركة أنا خلصت. ياسمين: بس إنت مقلتش الحمد لله. فارس بصلها وقام. فارس: مازن يلا ورايا. مازن: قولنا نسكت ونتجنبه. ياسمين: مش بعرف اسكت. المهم يلا وراه. مازن: ههه حاضر. سلام يا حلوة. وسابها وطلع ركب مع فارس العربية وراحوا الشركة. في الشركة. فارس: مازن رن على أحمد عايزه يجيب الملفات بتاع الصفقة عشان أشوفها. مازن: ابتسام فين أحمد؟

ابتسام: أحمد رنيت عليه كتير. وآخر مرة رد وقالي إن حاصل معاه مشاكل كتير. بس كان منهار من العياط. فارس باستغراب: منهار من العياط ليه؟ في إيه؟ مازن يلا نروح نشوف في إيه. مازن: اهدأ أكيد. فارس: لا مش أهدأ. لازم أطمن. ونزل جري ركب العربية ومازن معاه. روحوا عند أحمد.