رواية عشقها اذاب جبروتي الفصل الثالث 3 - بقلم جاسمين محمد

ياسمين.... أنا فين؟ مازن... هقولك كل حاجة بس انتي اسمك إيه؟ ياسمين وهي ماسكة راسها... معرفش. مازن... متعرفيش؟ ياسمين بعياط... معرفش، أنا مش فاكرة أي حاجة خالص. مازن... فارس. فارس لف لاقى ياسمين بتعيط بزعيق... انتي بتعيطي ليه؟ ياسمين خافت وعيطت زيادة. مازن وقف جنب فارس وبصوت واطي... فارس في إيه؟ اهدى وهدي أعصابك. مازن ساب فارس وقرب عند ياسمين... اهدي بس، هو مش قصدو حاجة. طب انتي مش فاكرة أي حاجة خالص؟

حتي اسمك أو بنت مين؟ ياسمين بعياط... لا مش فاكرة حاجة. هو انتوا مين؟ مازن... بصي، انتي طلعتي قدام العربية بتاعتنا واحنا ماشيين، فراسك اتعورت وجبناكي هنا وعملنالك الجرح. ياسمين بعياط لفارس... يعني انت خبطني بالعربية وعورتني وبتزعقلي؟ يا برودك يا أخي. فارس بصلها بنص عين... انتي مجنونة يابت انتي. مازن قاعد بيضحك. ياسمين... انت بتضحك على إيه انت التاني ياهبل انت؟ مازن بصدمة... أنا أهبل؟ ياسمين...

آه، مهو شوف نفسك، واحد بيعيط وواحد بيزعقلها وعمال تضحك. أبو طويلة انت (وشاورت على فارس) . انتوا خاطفيني صح؟ أكيد مرات أبويا هي اللي بعتتكم عشان عايزة تخلص مني صح؟ وقعدت تعيط. مازن... لا، اهدي، احنا مش خاطفينك والله، بس انتي طلعتي قدام العربية. فارس بزهق... بس انت بتحلف ليه؟ بت انتي هي، مش ناقصة صداع وقرف، انتي صحيتي أهو وبقيتي كويسة، يلا يا شاطرة امشي روحي شوفي مين أهلك. ياسمين بعياط وخوف...

أنا مش فاكرة حاجة، وأروح فين دلوقتي؟ مازن... فارس، هي عندها حق، هتروح فين دلوقتي بالليل كدا يا فارس؟ فارس بعصبية... أنا مستحيل أخلي الأشكال دي تقعد هنا في بيتي، انت مش شايف منظرها ولا لبسها المقطع ده؟ ويا عالم كنت سهرانه مع مين ورميها بعد مخلص مصلحته منها. وبص لياسمين. مازن... فارس، إيه اللي بتقوله ده؟ ياسمين بحزن...

سيبه يقول اللي عايزه. كتر خيرك يا أستاذ فارس، بس أنا مش اللي في دماغك ده، ومش فاكرة أي حاجة خلاني كدا، بس شكراً. وأنا مستحيل أقعد هنا أبداً. بعد إذنكم. وجت تقوم تمشي. مازن مسكها من إيدها... اقفي، انتي مش هتمشي، احنا السبب في اللي انتي فيه ده، ومينفعش نسيبك كدا. ياسمين بعياط... آسفة يا أستاذ، بس مينفعش أفضل. بعد إذنك. وشالت إيده وماشية. مازن... فارس، حرام عليك، بطل جبروت بقى شوية، مينفعش تسيبها كدا.

فارس وهو مديهم ضهره... مازن، مش عايز أسمع صوتك. ياسمين وصلت لحد الباب وجت تفتح الباب، اغمى عليها ووقعت. مازن جري عليها... فارس، الحق. فارس واقف مكانه متحركش... يا عم، أكيد بتتمثل، أنا عارف الأشكال دي كويس. مازن بعصبية... بتتمثل إيه انت التاني؟ البت اغمى عليها فعلاً. وراح شايلها ودخلها الأوضة وسابها وطلع لفارس اللي واقف ومولع سيجارة وواقف يشرب فيها. مازن... فارس، انت من زمان مشربتش سجاير، في إيه؟

ومالك قاسي على البنت ليه كدا؟ متخدهاش بذنب حد يا فارس. فارس... رنيت على محمد وهايجي يكشف عليها. أنا طالع أنام. مازن... ربنا يهديك يا فارس. يا فاطمة، يا فاطمة. فاطمة... نعم يا مازن يا ابني. مازن... عايزك تجيبيلي أي لبس من بتاع ابتسام بنتك عشان تلبسيه للبنت اللي جوه دي عشان محمد جي في السكة يكشف عليها. فاطمة بزغفة... بنت مين دي يا ابني؟ وهيكشف عليها ليه؟ مين دي؟ مازن...

بعدين يا دادة، المهم دلوقتي اعملي اللي قولتلك عليه. فاطمة... حاضر يا ابني، أروح أجيبها. ومشت. مازن طلع فوق ورا فارس ودخل الأوضة من غير ما يخبط. وفارس كان بيخلع. فارس بعصبية... ما تخبط قبل ما تدخل. مازن... انت إيه وقلبك ده جامد وقاسي ليه كدا؟ مش كل البنات شمال زي اللي عرفتها. فارس اتعصب جامد وداس على إيده وعروق إيده بارزة جداً... مازن، لو فتحت بوقك تاني، وديني هنسى إنك صاحبي وابن عمي. مازن... ياااا، للدرجة دي؟ فارس...

مازن، مش عايز أسمع صوتك تاني، ويلا انزل. مازن... حاضر يا فارس، هنزل، بس انت كدا بتدمر نفسك وبتكره اللي حواليك فيك بأسلوبك ده. وسابه ونزل راح عند ياسمين. مازن... ها يا دادة، خلصتي؟ فاطمة... آه يا ابني، خلصت. مازن... تمام. والفون رن. .... الو. دكتور محمد واقف بره. مازن... سيبه يدخل. محمد... مين تعبان يا مازن؟ مازن... البنت دي، شوفها. اغمى عليها وفقدت الذاكرة بسبب إن فارس خبطها بالعربية. محمد...

حاضر، حاضر، استنى. وقعد يكشف عليها ودها حقنة. مازن... ها، أخبارها إيه؟ محمد... أنا اديتها حقنة مهدئ وهتفضل نايمة للصبح. مازن... تمام، شكراً يا محمد. دادة فاطمة، عايزك تفضلي معاها لحد ما تبقى كويسة. فاطمة... حاضر يا ابني. مازن... هروح أنام أنا بقى شوية. تصبحي على خير. فاطمة... وانت من أهل الخير يا ابني. الصبح. ياسمين..... لا حرام عليك، ابعد عني، انت مين وعايز مني إيه؟ أرجوك سيبني، اعععععععع.