رواية عشقها رغما عنه الفصل الأول 1 - بقلم سولييه نصار

مبروك يا عموري على خطوبتك. قولتها وأنا بقرب من جوزي وبحضنه. توتر عمر وبعدني عنه. بصتلي خطيبته بصدمة وصرخت: مين دي يا عمر؟ بصتلها من فوق لتحت وقولت: أنا مراته يا عمري. بعدت شوية وعيونها دمعت وبصت لعمر وقالت: انت متجوز يا عمر؟ متجوز ومقولتش؟ خدعتني؟ أنت اللي ماسألتنيش يا هايدي. لا مدام ماسألتش يبقى عموري عداه العيب. انتي اللي غلطانة يا هايدي. بصلها عمر وقال: عديها وحياة أبوكي وخلينا نكمل الخطوبة وبعدين أفهمك.

يا بحاجتك يا أخي. صرخت فيه وبعدين مسكت التورتة الصغيرة اللي جمبها ولبستها في وشه. ضحكت وأنا بقول: خسارة التورتة والله. انتي مش هتبطلي حركاتك دي؟ ضيعتي مني البنت اللي بحبها. صرخ فيا عمر بعصبية بعد ما حفل خطوبته باظت. بصتله ببراءة وقولت: الله ما انت اللي معزمتنيش على خطوبتك. لو كنت صريح مكانش ده حصل. بصلي بغيظ وقال: ما تخلي عندك كرامة ونتطلق ها؟

الحب مش عافية يا حسناء وأنا عندي أموت ولا أحبك. لو عندك كرامة اتنازلي عن المؤخر اللي جدي دبسني فيه أو تاخدي نصه وتسيبيني في حالي. حسيت بو*جع بسبب كلامه بس ابتسمت بإستفزاز وأنا بقوم وأقوله: لا يا عمر انت ملكي بس مستحيل اخلي أي واحدة تاني تاخدك مني. مسكني وقعد يهز فيا. انتي ايه معندكيش كرامة خالص؟ بقولك مبحبكيش ولا عمري هحبك. وبالطريقة دي محدش هيحبك يا عديمة الكرامة. حسيت أن عيني هتدمع بس مسكت نفسي كويس وقربت

منه وقولت وأنا ببتسم: هتحبني يا عمر صدقني. هتيجي في يوم وتترجاني إني أكمل معاك وأنا عشان بحبك هوافق. اتغاظ ومشي. وأنا قعدت على الانتريه وأنا بمسح دموعي. عمر يبقي حب حياتي. حب الطفولة. جده كان يعرف وأهلي. وبعد موت أهلي قرر يجوزني حفيده. واللي عرفته بعد فرحنا أنه انغصب على الجوازة دي. وطبعًا المؤخر اللي خلاه جده يمضي عليه كبير عشان يضمن أنه مش هيطلقني.

بعد فرحنا حاولت أخليه يحبني بس فشلت. كنت مصممة أنه يحبني. عمري ما فقدت الأمل. كنت عارفة أنه مش معتبرني مراته وده مخليه يقابل بنات تاني. بس كل مرة كنت بخربها عليه. فجأة حسيت إني تعبت. حسيت إني هستسلم. عمر بقى صعب. بقى يجرحني وأنا صعب استحمل ده كله. اتصلت بجد عمر. ازيك يا حسناء. وصلي اللي عملتيه في خطوبة عمر. بجد برافو. أنا كنت عارف إنك الوحيدة اللي هتقدري تسيطري عليه. سكت شوية وأنا بحاول أتماسك وقولت:

بس أنا تعبت. تعبت يا جدي من الجري وراه. تعبت من كلامه الجارح من كس*ره ليا. خلاص أنا هستسلم. لا لا يا مجنونة. استني بس. استسلام إيه؟ اهدي يا حسناء انتي كده ماشية صح. مش باين. طيب اهدي أنا هقولك تعملي إيه. بالليل كنت مستنية عمر عشان ننفذ خطة جدي. لما لقيته داخل عليا بواحدة. مين دي يا عمر؟ ابتسم وقال: حسناء أحب أعرفك بشاهي مراتي التانية. ويا شاهي دي حسناء مراتي الأولى. هتعيشوا مع بعض!