رواية عشقها رغما عنه الفصل الثاني 2 - بقلم سولييه نصار

ايه ؟! قولتها وأنا مصدومة وعينيا اتملت دموع. بصلي عمر ببرود وقال: سمعتي يا حبيبتي، أنا وشاهي اتجوزنا النهاردة. عايزة تبقي على ذمتي ماشي، عايزة تتطلقي الباب يفوت جمل. دموعي نزلت وحسيت إني هغمى عليا. بصيت لعمر بحزن، حسيته اتأثر للحظات. بس هو مسك إيد شاهي وقال: عن إذنك يا حبيبتي، أصل النهاردة ليلة دخلتنا وأنتي عارفة بقا. وبعدين أخدها من قدامي ودخل. قعدت على الانتريه وأنا مش قادرة أنطق للحظات.

عمر عملها واتجوز. عملها وكسرني للدرجادي. أنا قلت من نفسي عشان يحبه. للدرجادي كرهته فيا للدرجة دي. كنت زعلانة على نفسي أوي. في الأوضة. حرام عليكي والله يا عمر، البنت بتحبك، شوفت كسرتها؟ قالتها شاهي وهي قاعدة على الانتريه بحزن. عارف. قالها عمر بتعب. اومال إيه بتعمل كده؟ أنا وافقتك على التمثيلية السخيفة دي عشان أنت ساعدتني كتير، لكن كده حرام يا أخي، إحنا بنكسر قلب واحدة ملهاش ذنب إلا إنها حبتك. مش هتلاقي حد يحبك زيها.

عارف. طيب طالما إنك عارف ليه بتعمل كده؟ لأني مش قادر أنسى إني اتجبرت عليها يا شاهي. وغير كده هي رامية نفسها عليا والرجالة مش بتحب كده. حسناء جميلة ولطيفة، دمها خفيف بس متخلية عن كرامتها وعايزاني أحبها بالعافية وده مش هيحصل. الرجالة مش بتحب الست اللي تترمي عليهم، بيحبوا الست اللي تطنشهم، تديهم على دماغهم. فهمتي ليه؟ آه فهمت. بقولك اتجوز يا جدي؟ اتجوز عليا. آهدي بس يا حسناء.

لا مش ههدي، أنا هطلب منه يطلقني خلاص، كفاية كده. كرامتي مش ممسحة عند حفيدك. أنا غلطانة إني اتنازلت عشان خاطره. طيب اهدي واسمعيني بس لآخر مرة. في اليوم التاني. كنت بعمل الفطار لما لقيت عمر ماسك إيد شاهي وداخل عليا. حسيت إني هنفجر من الغيرة بس كتمت في نفسي وقربت من شاهي وحضنتها وقولت: صباحية مباركة يا عروسة. بعدت عن شاهي وبصيت لعمر المصدوم وتجاهلته وأنا ماسكة إيديها. بقول:

آسفة امبارح معرفتش أرحب بيكي مظبوط، بس كل اللي أقدر أقوله إننا هنتفق مع بعض كويس أوي. اتصدم عمر وحتى هي اتصدمت، بس اتغلبت على صدمتها وقالت: أوي أوي يا حبيبتي. وبعدين عملتلهم الفطار وأنا بكلم شاهي بس وكأنه مش موجود. كنت حاسة إني لو كلمته بس هبكي، كنت بموت من جوايا وأنا بكلمها بس بتحمل. بس دي كانت آخر محاولة ليا وخلاص، كنت همشي.

مرت الأيام وأنا بتعامل مع شاهي عادي ومتجاهلة عمر تماماً. كل يوم بطلع وأبص في وشهم وأعمل نفسي سعيدة، بس طول الليل ببكي على حظي. الحب من طرف واحد لعنة. اتمنيت لو مكنتش حبيت عمر. وفي يوم حصل اللي خلاني أقتنع إني مليش مكان في حياة عمر. وكانت أول حاجة عملتها إني روحت لعمر وقولتله: عمر طلقني وأنا هتنازل عن المؤخر.