رواية عشقت ابن عمي من الصغر الفصل السابع 7 - بقلم جاسمين محمد

بعد اسبوع. فاطمة: يلا يا فرح، انهارده أول يوم، مينفعش نتأخر. (فاطمة كانت لابسة دريس أبيض وفيه ورد صغير وردي، ولابسة خمار ونقاب لونهم وردي، وكانت قمر) فرح: يا بنتي دي جامعة مش مدرسة، تروحي بدري في أول يوم عشان تقعدي في الأول. فاطمة: عارفة يا أم لسان طويل، بس يلا مينفعش نتأخر على أول محاضرة. فرح: 😉 إيه القمر ده؟ لا كدا انتي اللي هتتعاكسي لو مشيتي معايا. فاطمة: أتعاكس ليه؟ هو أنا للدرجة لبسي أوفر؟ فرح: أوفر مين؟

دانتي عاملة زي الحوريات. فاطمة: بجد يعني حلو؟ فرح: عسل. فاطمة: طيب يلا عشان منتأخرش. فرح: يلا يا أختي، بقولك... فاطمة: قولي. فرح: المحروس أخوكي مجاش ليه للكلية؟ فاطمة: عنده شغل وهيخلص ويجي بكرة. فرح: شغل برضو؟ فاطمة: آه والله شغل. 🤣🤣 فرح: طيب يلا عشان نمشي. فاطمة: يلا. أحمد: بسم الله ما شاء الله، إيه القمر ده. فاطمة: صباح الخير يا عمو. أحمد: صباح النور والجمال يا قلب عمو.

فرح: هههههه، مش قولتلك انتي اللي هتتعاكسي وأنا مفيش حد هيعبرني. فاطمة: هههههه، بتغيري يا بيضة. فرح: آه. 🥺 فاطمة: 🤣🤣🤣🤣 أحمد: هههههه، تعالي يا قلب بابا، وانتي كمان قمر. فرح: حبيبي يا بابا، تسلملي. أحمد: حبيبتي، يلا تعالوا افطروا معايا قبل ما تمشوا. فرح: هههههه، مش هينفع. فاطمة: مش عايزة أتاخر وعايزة أروح بدري. أحمد: بس مينفعش تطلعوا من غير فطار. فرح: نبقى نفطر هناك في الكافتيريا.

فاطمة: آه يا عمي، نبقى نفطر هناك، يلا سلام. أحمد: سلام، خلوا بالكم من نفسكم. فرح وفاطمة: حاضر. *** زين كان نايم والتليفون بتاعه عمال يرن. زين: مين؟ ملك: إيه يا زين؟ انت لسه مصحيتش؟ زين: ليه؟ هي الساعة كام؟ ملك: 8. زين: تمام، هلبس وأجي، بس يارب مشوفهاش وأنا طالع من البيت. ملك: هي مين دي؟ زين: بنت عمي. ملك: اممممم، تمام، يلا بسرعة. زين: تمام. زين قفل مع ملك، خد دش، لبس بدلة كحلي، لبست ساعته المميزة، وحط برفان وطلع.

(في حاجة نسيت أقولها، جامعة فرح جنب جامعة فاطمة، يعني الجامعتين جنب بعض) *** فرح: وصلنا يا أختي، يلا نروح نفطر وبعدين نروح الجامعة. فاطمة: كدا هنتأخر، يلا على الجامعة. فرح: لا بقا، أفطر الأول. فاطمة: طيب يلا. فرح: اشطاااا، يلا. إيه: صباح الخير، إيه ده؟ انتوا بتفطروا؟ البت دي هتفشلك يا فاطمة، ابعدي عنه. فاطمة: صباح النور، هتفشلني؟ دانا هطرد من الجامعة على إيدها. فرح: إيه ده؟ انتوا اتفقتوا عليه ولا إيه؟ لا كدا هزعلكم.

فاطمة: هههه، لا بس كلي خلينا نمشي. فرح: خالصت؟ يلا نمشي. إيه: الحمد لله، أول مرة تخلصي بسرعة، يلا يا أختي. فاطمة: يلا. *** فاطمة: سلام عليكم، ممكن أدخل يا دكتور؟ زين: ادخلي، وإياك تتأخري تاني. (وراح لف وشه) فاطمة: 😳😳😳 زين: فيه إيه؟ بتبصي ليه كدا؟ فاطمة: ها، لا، ولا حاجة. زين: هو انتي البنت اللي خبطت فيه من أسبوع؟ فاطمة: بنت؟ بنت مين دي؟ زين: الكذب حرام، وانتي منتقبة كمان، يعني عارفة إنه حرام.

فاطمة: آه، أنا البنت اللي أنت خبطت فيه، ممكن أدخل؟ زين: (بابتسامة) اتفضلي طبعاً. فاطمة دخلت قعدت جنب بنت. البنت: ازيك يا جميل؟ فاطمة: الله يسلمك. البنت: انتي اسمك إيه؟ فاطمة: اسمي مها، وبيقولولي يا فاطمة. البنت: اتشرفت بيكي يا فاطمة، وأنا منه. فاطمة: الشرف ليا يا قمر. منه: تسلمي يا قمر. زين: إنتي مش تكوني جاية متأخرة وتتكلمي كمان في المحاضرة؟ (وشاور عليها) فاطمة: انت بتكلمني أنا؟ زين: لا، بكلم نفسي أكيد، انتي.

فاطمة: نعم؟ زين: انتي جاية متأخرة، وكمان سمحتلك أدخل، وبتكلمي اللي جنبك ليه؟ فاطمة: دي كانت بتسألني على اسمي، وأنا آسفة. زين: اسمك ليه؟ هطلعوا لبعض بطايق هنا ولا إيه؟ الكل: 🤣🤣🤣🤣 زين: محدش يضحك. فاطمة: أنا آسفة. (وسابت المدرج وطلعت) منه: على فكرة يا دكتور زين، هي ملهاش ذنب، أنا اللي بدأت في الكلام معاها، وهي كانت مركزة معاك. زين: حس إنه اتعصب عليها أوي، وهي ملهاش ذنب، اوف بقا، خلاص بعد ما أطلع أبقى أشوفها وأعتذر لها.

زين: تمام، وابقى خليه تجيلي المكتب. منه: حاضر. زين: يلا بقا نكمل المحاضرة. *** فاطمة: (بعياط) الو، أيوه يا فرح. فرح: مالك بتعيطي ليه؟ إيه اللي حصل؟ انتي فين؟ فاطمة: أنا في الدور التاني، تعالي لو فاضية. فرح: أنا جايه أهو. فاطمة: تمام، وأنا مستنياكي. فرح: تمام. *** حاتم: سلام عليكم. فاطمة: وعليكم السلام، نعم؟ حاتم: إيه ده؟ انتي مش فكراني ولا إيه؟ أنا دكتور حاتم اللي عملتلك ورق التقديم. فاطمة: آه، ازيك يا دكتور.

حاتم: انتي كنتي بتعيطي، مالك؟ مين زعلك؟ فاطمة: ها، لا، عادي. حاتم: في إيه بس؟ فاطمة: حصل إن الدكتور اللي جوه... حاتم: طيب، اهدي بس، وأنا أكلمه وأجيبلك حقك، كيف يكلمك كدا؟ اهدي. فاطمة: حاضر، وشكراً. حاتم: العفو ياستي، وأنا لسه عملت حاجة. فاطمة: ما أنت هتعمل. حاتم: تمام، هو انتي مستنية حد؟ فاطمة: آه، مستنية بنت عمي. حاتم: تماام، ومتخافيش، حقك هجبهولك. فاطمة: تمام، شكراً، ومتشغليش بالك بيه، هو أصلاً دكتور رزل وبارد.

وفي الوقت ده زين كان خلص المحاضرة ومعدي رايح على مكتبه، وسمعها وهي بتكلمه وبتقول عليه كدا وبتهزر معاه. زين: ههههه، قولي كدا بقا، مانتي منهم أهو، وعاملة لي فيها المحترمة؟ دانتي خسارة فيكي النقاب. (وراح دخل المكتب) فاطمة: تمام، شكراً يا دكتور حاتم، بعد إذنك عشان بنت عمي جت. حاتم: تمام، اتفضلي، ولو عاوزة حاجة تعالي مكتبي، تمام. فاطمة: تمام. *** حاتم راح على مكتب زين. حاتم: أبو الصحاب، عامل إيه؟

زين: كويس، ازيك انت يا حاتم؟ عامل إيه؟ والموزز عاملين إيه؟ حاتم: أنا كويس، والموزز كويسين. زين: مفيش حاجة جديدة ولا إيه؟ حاتم: هههه، فيه، بس إيه حتت بنت، وكمان منتقبة، بس إيه ملاك، بس. بقولك، هتيجي بليل؟ زين: إن شاء الله، هاجي. حاتم: تمام، أستناك. زين: تمام.