رواية عشقت ابن عمي من الصغر الفصل التاسع 9 - بقلم جاسمين محمد

بعد أسبوع في الكلية. زين: صباح الخير. الكل: صباح النور. زين: عايز كام واحد كدا هيجي يدرب. الطلاب رفعوا إيديهم واللي ما رفعش. زين: أنا هختار عشوائي. _تمام اتفضل يا دكتور اختار. زين: هاخد حسام ومنه وكريم وفاطمة. فاطمة أول ما سمعت اسمه استغربت وحست إن في حاجة، عشانه هو مش بيطيقه خالص. زين: آنسة فاطمة. فاطمة: نعم يا دكتور.

زين: حضرتك تبعتيلي المسند بتاعك اللي فيه كل بياناتك، ويا ريت في أقرب وقت. وأنتو كمان كلكم عشان أحط أعمال السنة. فاطمة: حاضر يا دكتور. في حاجة تاني؟ زين: كدا تمام. جهزوا نفسكم عشان بكرة هوديكم المكان اللي هتتدربوا فيه. تمام؟ الطلاب: تمام. بعد المحاضرة في الكافيه. فاطمة كانت قاعدة مستنية فرح، بس حسام جه. حسام: إزيك يا فاطمة؟ فاطمة: الحمد لله يا حسام. حسام: بقولك أنا وانتي هنبقى في المشروع ده، وأنا عايز منك طلب.

فاطمة: اطلب. حسام: بصراحة أنا مش بفهم مادة الدكتور ده، وعايز لو حاجة وقفت معايا تفهمهالي. فاطمة: ههههههه حاضر يا فاشل. تدفع كام؟ زين كان واقف بعيد وسامعها وهي عمالة تضحك وتهزر مع حسام. زين: أنا هصورهم وأوريهم لحاتم عشان يعرف إنهم كلهم زي بعض، ويعرف إنه شمال مش محترمة. وصورها وهي بتضحك مع حسام وراح عند حاتم. فاطمة: يخربيتك يا حسام، أنا فصلت ضحك والله. أنا عمري ما اتكلمت مع شاب كدا. فرح: خيانـــــــــة!

فاطمة: يخربيتك أنتِ التانية. خيانة إيه؟ فرح: مين الموز دي؟ 😉 بس، ولا وبتعرفي تنقي يا أختي. فاطمة: أنقي إيه يا أختي، اتوكسي. ده حسام بيكون معايا في القسم، والدكتور الرزل طالب مننا تدريب هنعمله. فهو كان قاعد عايز مساعدة، وكنا بنهزر على الدكتور. بس يا أختي يعني أنا أصوم أصوم وأفطر على ده. حسام: وه وه، كدا فيه غلط؟ فرح: 🤣🤣🤣 ده العادي. مدام عرفت فاطمة يبقى اتشتمت وانت ساكت عادي.

فاطمة: 🤣🤣🤣 خلاص يا عم. بس أنت زي أخويا، فمش هتجوز أخويا يعني. حسام: أيوه كدا الكلام ممكن يتبلع، بس اللي قبله ميتبلعش. فرح: نبقى نديك شوية ميه 🤣🤣🤣🤣 فاطمة: بس كفاية. يلا نروح. كفاية كدا. فرح: يلا. فاطمة: سلام عليكم يا حسام. حسام: وعليكم السلام. زين: إزيك يا حاتم؟ حاتم: إزيك يا صاحبي؟ ماله وشك كدا؟ زين: خد شوف ست الحسن اللي عمال تقولي محترمة محترمة. حاتم: فيه إيه يا زين؟ وقولت متغلطش فيه عشان هنزعل.

ملك دخلت عليهم المكتب. ملك: فيه إيه؟ صوتكم عالي ليه كدا؟ زين: الأستاذة مش مصدقة إن البت اللي اسمها فاطمة مش محترمة. حاتم: زين، قولت متقولش عليه مش محترمة. ملك: اهد بس يا حاتم. وانت بتقول عليه كدا ليه يا زين؟ زين: أنا مش هتكلم. خد. أنا صورت الأستاذة وهي قاعدة مع شاب في الكافيه وبتضحك وتهزر براحتها. حاتم: فين ده؟ زين: اهو.

حاتم مسك تليفون زين واتفرج على الفيديو. مش مصدق خالص إن فاطمة اللي كل ما ييجي يتكلم معاها تصده وتطلع بتهزر مع الشاب وتضحك. ملك: دي طلعت شاطرة بقا. بتعمل معاك كدا عشان توقعك في حبه. حاتم: مين الولد ده؟ زين: ده ولد زميله في الدفعة. حاتم: تمام. ابعتلي الفيديو دلوقتي. ملك: وأنا كمان. حاتم: وانتِ عايزاه ليه؟ ملك: عادي. زين: خلاص ماشي. هبعتهولكم انتوا الاتنين. بس اهد يا حاتم.

حاتم: مفيش حاجة. يلا عشان نروح عشان نجهز نفسنا للحفلة بتاعت بليل. زين: يلا. ملك: اشطااا. يلا. تاني يوم. زين قام لبس ونزل راح الجامعة. فاطمة: يلا يا فرح. هنأخر كدا. كل يوم لازم نتأخر بسببك. وهو أصلاً حاططني في دماغه. فرح: خلصت خلاص. يلا. فاطمة: يلا. فرح: فاطمة، عايزة أقولك حاجة بس متزعليش. فاطمة: قولي. بس خلي بالك من نفسك وأنتِ سايقة. فرح: حاضر. المهم مش ناوية تكلمي زين وتتصالحي؟ فاطمة: نتصالح؟

أنا معملتلوش حاجة. هو اللي بعد. فرح: كله بيغلط. واللي مطلوب نعرفهم غلطهم ونحاول نرجع زي الأول. فاطمة: حاضر. هحاول. مع إنه من ساعة ما جيت مشفتهوش ولا هو شافني. فرح: زي بعضه. بس أنتِ عارفة بيتجنبك ليه؟ عشان أنتِ عارفة إنه لما بيتعصب أو في حاجة، ممكن يزعل اللي قدامه بكلامه. فاطمة: عارفة. وحاضر. هكلمه. بس مش النهارده. خليه بكرة. فرح: اشطااا. ماشي. يلا بقا انزلي. وصلنا. فاطمة: تمام. يلا.

ملك: بت يا يارا. هي دي البت اللي اسمها فاطمة؟ يارا: آه يا ملك. ليه؟ ملك: عادي. بس مش حابة خالص. طول على طول زين بيجيب سيرته. أيوه هو مش بيحبه، بس طول على طول بيتكلم عليه. يارا: طيب هنعمل إيه دلوقتي؟ ملك: مش عارفة. أبقى أفكر. فاطمة وهي خبطت في ملك. ملك: أنتِ هبلة! متحاسبي! فاطمة: أنا اللي أحاسب؟ أنتِ اللي واقفة هنا، ومينفعش حد يقف هنا أصلاً.

ملك: لا. أنا أقف في أي مكان أنا عايزه وعاجبني. أنتِ مالكيش دعوة. وما فيش غيرك أنتِ يا فلاحة تيجي تعرفني أقف فين ومكفش فين. فاطمة: الله يسامحك. بس الفلاحة دي أحسن منك على فكرة. على الأقل مش لابسة ضيق زيك، ولا بتتكلم مع الشباب وتهزر ومش محترمة. ملك: أنا اللي مش محترمة؟ ماشي. أنا أعرفك مين اللي مش محترمة. بس استني عليه. وسابته ومشت. منه: فيه إيه يا فاطمة؟

فاطمة: مفيش حاجة. يلا بس نحضر المحاضرة بتاعت دكتور أحمد عشان نمشي. منه: يلا. ملك: راحت عند زين ودخلت المكتب من غير ما تخبط. زين: فيه إيه؟ ودخلة ليه كدا؟ ملك: عايزة الفيديو اللي صورته للفلاحة. زين: أهدي طيب. إيه اللي حصل؟ ملك: بتقول عليه بكلم شباب وإني مش محترمة. زين: طيب أهدي شوية. هتعملي إيه بالفيديو؟ ملك: هاتيه بس. وبعدين تعرف. زين: تمام. خذيه. اهو. ملك: تمام. وصل. يلا باي. زين: ملك، أوعي تعملي حاجة تضرها بالفيديو.

ملك: بضحكة صفر. مش هعمل حاجة. متخافش. يلا باي. زين: باي. فاطمة خلصت محاضرات وروحت هي وفرح على البيت. فرح: متيجي تروحي معايا نطلع نتمشى شوية. فاطمة: يلا. أصلاً زهقانة. فرح: اشطااا. يلا. على البحر. فرح: فاطمة. كدا بكرة هنحاول نبدأ جديد صح؟ فاطمة: إن شاء الله. أنتِ عارفة أنا هبقى فرحانة لو زين سمعني وصدقني ورجعنا زي الأول تاني. فرح: وأنا كمان هبقى فرحانة. _وأنا كمان هبقى فرحان أووووي. فاطمة: مين؟ مصطفى! حبيبي!

وجرت عليه وحضنته. مصطفى: حبيبتي. عاملة إيه؟ فاطمة: بقيت كويسة لما شوفتك دلوقتي. فرح: ليه؟ هو أنتِ مكنتيش كويسة يعني قبل ما يجي؟ مصطفى: وأنتِ متغاظة ليه يعني؟ فرح: ولا متغاظة ولا حاجة. وانت بتكلمني ليه؟ فاطمة: بس كفاية. أنتوا هتتخانقوا ولا إيه؟ يلا سلموا على بعض. فرح مدت إيدها تسلم على مصطفى، بس مصطفى شدها في حضنه. فرح فتحت بوقها من الصدمة. مصطفى: 🤣🤣🤣 أنتِ بقيتي زي الصنم ليه كدا؟ فرح: مصطفى ابعد. مصطفى: وحشتيني أوووي.

فرح: مصطفى ابعد كدا. عيب. مصطفى: أديني بعدت. فاطمة: غلط اللي أنت عملته ده. مصطفى: هههههه عارف. بس وحشتني. وكمان أنا المرة دي هطلبه من عمي. فرح: وأنا مش موافقة. مصطفى: هتوافقي وغصب عنك. واسكتي بدل ما أكمل اللي كنت بعمله من شوية عشان أنتِ وحشاني أوووي أوووي. 😉😉 فرح: فاطمة. أخوكي ده قليل الأدب.

فاطمة: يا أختي اسكتي. دانتوا عاملين زي القط والفار. لما تشوفه بعد، ولما تبعدوا عن بعض بتبقى هتموتوا تشوفوا بعض. أنتِ كل يوم تسألي عليه وهو يسألني عليكي. متوجعوش دماغي بقا. مصطفى: بقا بتسألي عليه كل يوم وتقوليلي موحشتنيش؟ فرح: ماشي يا فاطمة. لما نروح بس. فاطمة: المهم دلوقتي هنعمل إيه عشان نعرف زين الحقيقة؟ مصطفى: بكرة أنا هجيب زين هنا. وانتو تعالوا. ونحاول نكلمه هنا إحنا التلاتة ونعرفه الحقيقة.

فاطمة: تمام. بكرة نعرفه الحقيقة هنا. ملك: أيوه. عملت إيه؟ _خدي. صورتهالك وهي حاضنة شاب على البحر. ملك: يابنت ال.... وعاملة فيه المحترمة الطاهرة. وأنتِ امبارح بتهزري مع واحد، والنهاردة في آخر الليل على البحر في حضن واحد. أنا لازم أعرف الناس حقيقتك، وبكرة كله هيعرف الطاهرة دي إيه. _كدا فيه حاجة تانية يا هانم؟ ملك: لا. خد الفلوس اللي كنا متفقين عليها. ومشي. كفاية عليك كدا. ولما أعوزك أبقى أرن عليك. _تمام يا هانم. سلام.

ملك: بكرة الجامعة. كله هيشوفك على حقيقتك. بس استني عليه للصبح.