رواية عشقت ابن المارد الفصل الثالث عشر 13 - بقلم مارينا عبود

هشام بغل وحقد: هقتلك يا فاجرة هقتلك واغسل عاري. حور استخبت ورا أسر. أسر بعصبية: انت اتجننت يا راجل انت؟ انت إزاي تتجرأ وتقحمني فيلا أسر السيوفي؟ هشام بغضب: انت تخرس خالص بدل ما أقتلك دلوقتي وبالأدب كده تسلمنا بنت ال**** اللي وراك دي. أسر بص لحور اللي مستخبية وراه ودموعها مغرقة وشها. حمزة جه ياخد حور، أسر مسك إيده وزقه وقعه في الأرض.

أسر بغضب جحيمي: لو فكرت لحظة تمد إيدك مرة تانية على مرات أسر باشا السيوفي، وقتها هقتلك بإيدي، فاهم؟ حمزة بصدمة: مراتك؟ مراتك؟ إزاي ها؟ أسر ببرود: رعد. رعد: إيه يا أسر؟ أسر ببرود: خد الزبالة دول وطلعهم بره الفيلا يلا. رعد: تمام. حمزة بغل وحقد: ماشي يا بنت عمي، بس افتكري إني هرجعلك عشان انتي ليا أنا وبس يا حور، فاهمة؟ ومحدش هيقدر ياخدك مني. هرجعلك يا حور. رعد والحرس أخدوهم وطردوهم بره الفيلا. حمزة بحقد: إزاي يا عمي؟

إزاي يتجوزها؟ هشام: اهدى يا حمزة، انت مش شايف الحرس بتاعه ولا هيبته؟ ده ممكن ينهينا في لحظة، فالأفضل نمشي دلوقتي ونفكر في خطة تانية عشان ناخدها من هنا. حمزة بحقد: تمام، بس مستحيل أسيبها، حتى لو على موتي يا عمي. هشام بخبث: متقلقش يا ولدي، مهما حصل حور ليك وهتفضل ليك. *** في فيلا السيوفي. أسر خد حور وطلع أوضته وقعدها على حافة السرير، وحور كان جسمها بيرتعش وبتعيط بهستيريا وصوت شهقاتها بقى عالي. أسر قعد جنبها ومسك إيدها.

أسر بهدوء: مالك بتعيطي ليه؟ ها؟ فهميني إيه اللي بيخليكي تعيطي؟ انتي معايا متخافيش، محدش يقدر يقربلك، أنا جنبك. حور اترمت في حضن أسر وفضلت تعيط. حور بدموع: متسبنيش يا أسر، ارجوك متسبنيش. أسر حاوطها بدراعه وفضل يمشي إيده على شعرها. أسر بحب: اهدى يا حور، أنا مستحيل أسيبك، متخافيش، محدش يقدر يقربلك. حور كانت متشبتة فيه زي الأطفال لحد ما نامت. أسر نومها على السرير وغطاها وطلع من الأوضة.

أسر: نبيلة، قولي لرعد يجيلي على مكتبي. نبيلة: حاضر يا أسر بيه. *** في فيلا مراد الجارحي. روان: الخطة اللي هعملها إنه هروح أقعد عند بابا في الفيلا وأراقبه كويس وأجيبلك كل المعلومات اللي عاوزها، وكمان هعرفلك مين الشخص اللي بيدعم بابا في كل اللي بيعمله. مراد بغضب: ده مستحيل! أنا مستحيل أخاطر مخاطرة زي دي. روان: متخافش، مهمتك مش هتفشل يا حضرت الرائد، حتى لو على موتي. مراد بعصبية: انتي بتقولي إيه؟

انتي فاكرة أنا رافض عشان خايف المهمة تفشل؟ روان، انتي لو روحتي هناك وهو عرف هدف رجوعك ليه هيخلص عليكي. انتي ليه مش قادرة تفهميني؟ روان بحزن: هه، مبقتش فارقة يا مراد. يخلص عليه أو لأ، أنا مبقتش فارقة معايا. أبويا اللي كنت ديما بفتخر بيه طلع مجرم وتاجر سلاح، وأمي سابتني لوحدي، ههه. والشخص اللي حبيته طلع مبيحبنيش ومتجوزني، انتقام. هعيش لمين ها؟ مراد قلبه وجعه من كلامها لأنه هو السبب في حالتها دي. قرب وخدها في حضنه.

مراد: أنا مش هخليكي تخاطري بحياتك يا روان، مستحيل، فاهمة؟ يلا اقعدي دلوقتي وأنا هروح الشركة، وإياكي تفكري تطلعي من هنا. روان: تمام. مراد طلع من الفيلا وركب عربيته وراح الشركة. روان: لا يا مراد، سامحني، بس أنا مستحيل أسيب الراجل اللي قتل أمي وحرمني منها، حتى لو على موتي. روان قامت جابت شنطتها ولبست ونزلت سلمت على مامت مراد ونزلت أخدت عربية وراحت فيلا طلعت خيري. *** في مكان آخر.

الشخص: يا باشا، وصلتنا أخبار إنه بنت طلعت خيري اتجوزت ابن الجارحي. المجهول بغضب: انت بتقول إيه؟ دي مصيبة! إزاي طلعت يسمح لبنته تتجوز عدوه؟ هو ناسي إن مراد الجارحي يبقى عدوه ولا إيه؟ كلم لي طلعت وقول له إني أقابله في المخزن النهارده. الشخص: تمام يا باشا. المجهول بحقد: شكلي مش هخلص منك يا ابن الجارحي. *** في فيلا طلعت خيري. روان دخلت الفيلا لقت باباها قاعد على الكرسي. بصتله بحزن وضيق وخذلان ودموعها نزلت.

طلعت التفت لقى روان واقفة وبتعيط. طلعت بصدمة: روان بنتي. روان بدموع: بابا. طلعت بضيق: انتي إيه جابك يا روان؟ مش اتجوزتي عدوي؟ روان بدموع وتمثيل: انت إزاي تصدق يا بابا إني اتجوز الحيوان اللي اسمه مراد؟ يا بابا ده خطفني غصب عني وكمان خلاني وقعت على قسيمة جواز وأنا مش في وعيي. أنا بصعوبة قدرت أهرب من الوحش ده. ارجوك يا بابا انقذني منه. طلعت بخبث: طيب اهدى يا بنتي، اطلعي دلوقتي أوضتك وأنا أوعدك هجيبلك حقك.

روان بدموع: حاضر يا بابا. روان أخدت شنطتها وطلعت السلم ورجعت بصتله. روان لنفسها: أوعدك هسلمك بإيدي وهاخد حق الناس البريئة اللي قتلتها. روان طلعت أوضتها وفضلت تعيط. *** بعد مرور وقت في فيلا الأسيوطي. تميم وأهله كانوا قاعدين والكل بيضحك. وفجأة. المحمدي: فهد، عاوز أقولك حاجة. فهد: قول يا خوي. المحمدي: في عريس جاي لجوري. تميم بص لعمه وجوري بصدمة. فهد بصدمة: مين؟ المحمدي بابتسامة: حسام الباشا. تميم بغضب جحيمي: نعمممم؟

ده مستحيل! الجوازة دي مستحيل تتم. جوري ببرود: وده ليه؟ حسام شاب محترم وأنا موافقة عليه. تميم بغضب: انتي واحدة غبية ومش فاهمة حاجة، وأنا قلت وخلاص، الجوازة دي مش هتم. المحمدي: لا يا تميم، الجواز هيتم وأنا موافق وجوري كمان موافقة. تميم بعصبية: بس حسـ. سوزان بمقاطعة: خلاص يا تميم، عمك وبنته أخدوا قرار. تميم بغضب: تمام، بعد إذنكم. تميم طلع أوضته وهو متعصب. مسك موبيله لقى حسام بيرن. تميم فتح الفون.

تميم بغضب: يابن ال***، طب وديني ما هرحمك. حسام بسخرية: هههه، دي بس البداية يا صديقي، ولسه اللي جاي تقيل أوي. تميم رماه الفون وفضل يكسر في كل حاجة حواليه. تميم بغضب ووجع: لا يا جوري، انتي مستحيل تكوني لحد غيري، مستحييييييل. جوري طلعت أوضتها وفجأة سمعت صوت من أوضة تميم. جوري خافت عليه وجرت بسرعة فتحت الأوضة واتصدمت. *** في فيلا مراد الجارحي.

مراد رجع الفيلا وطلع أوضته ملقاش روان. نزل تحت يدور عليها. مامته قالتله إنها أخدت شنطتها وراحت لخالتها. مراد رجع الأوضة وفضل يكسر كل حاجة. مراد بغضب وصوت جهوري: رررررروان. *** في فيلا السيوفي. أسر رجع من الشغل وطلع أوضته. فتح الأوضة واتصدم لما شاف.