رواية عشقت ابن السيوفي الفصل التاسع 9 - بقلم جنى محمد

عمر روح وبعدها. ب هدوء وبرود. عمر: مريم عايزك حبه. مريم: نعم يا عمر. يا ريت تاخدي السنة دي منزلي أحسن بكتير من التاني. مريم بهدوء: ليه حصل حاجة. عمر: لأ. مريم: تمام هشوف وأحاول وأقولك. واتغدوا وعدى شهر من غير أي جديد. تاني يوم مريم اتصلت بالبنت وقالت لها إنها عايزها تيجي لها البيت تديها الأدلة وكل حاجة وحطت لها مخدر بسيط يخليها تدّوخ فترة وتتكلم وبعدها بحبة تفوق.

مريم جابت الفون وبتصور صوت وصورة وكانت بتستدرجها عشان تتكلم وقالت كل حاجة وبعدها نامت. مريم بعتت التسجيل لعمر وجاب الشرطة وفوقوها وخدوها واتحبست. وبعدها بأسبوع كانت الامتحانات ومريم مش عارفة تذاكر. عمر: ذاكري بقى تعبتني. مريم: منا مش فاهمة الأستاذ ده عمال يتكلم ولا فاهمة حاجة وبعدين انت قاعد ليه قوم انزل. عمر: منا لو نزلت انتي مش هتذاكري يمريم. مريم: لأ هذاكر بس قوم انزل.

عمر نزل قعد مع أصحابه وهي مصدقت قامت عملت كيكة شوكولاتة وإندومي وحاجات حلوة كتير وفتحت فيلم وقعدت تتفرج ونامت. عمر: يخربيتك كنت سايبك تطبخي هنا. وصحاها وقعدها جنبه وقعد يذاكر لها. وتاني يوم حلت الامتحان كله وبعدها مشت والنتيجة طلعت ومريم جابت درجات حلوة وراحت لعمر لقيته بيتكلم في الفون وبيقول لأ حاولوا تنقذوها مليش غيرها هيا ومريم انقذوها. عمر بصدمة: مرييييم. قالت له مين اللي ملكش غيرها أنا وهيا.

عمر بحزن: هقولك بس توعديني يفضل سر. أنا في أمريكا كنت متبني طفلة كنت مشدود لها وهي الوقتي تعبانة جامد ومحتاجة عملية ومش عارفة أعمل إيه. مريم بطيبة: ابعت هاتها في طيارة خاصة تعد معانا هنا بدل ما هي لوحدها. هيا محتاجة عملية ليها وبعدها تتحسن. مريم: اعملها هنا وتوكل على الله. عمر بعت جابها ومريم شفتها وكانت قمر. (البنت اسمها مسك هيا بيضة وعيونها عسلي وقمر وقصيرة سيكا وشعرها بني وعندها عشر سنين)

والبنت حبت مريم جدا وكانت بتقولها ماما. وقبل العملية. مسك: ماما أنا خايفة. مريم: متخافيش إن شاء الله هتقومي بخير. وعدى ساعات وفعلاً العملية نجحت ومريم كانت مبسوطة أوي إنها نجحت. وبعدها عملت علاج طبيعي وخرجت من المستشفى وبدأت تمشي وكله كان فرحان بيها وسمر حبتها أوي وكله حبها. وتاني يوم كان فيه تخبيطات جامد مسك خافت ومريم بكل برود لبست الإسدال وراحت تفتح لقت.