رواية عشقت ابن السيوفي الفصل العاشر 10 - بقلم جنى محمد

لقت قرايبهم من البلد كلهم برجالتهم بكله بالبنات بكله لما عرفوا إنهم اتبنوا طفل. مريم: في إيه، اتفضلوا بس بتخبطوا جامد ليه. الجد: انتوا اتبنيتوا طفلة صح. مريم: آه، فيها إيه يا جدي. الجد: ما ينفعش الناس تقول إيه، ما بتخلفوش مثلًا. مريم: وهما مالهم يا جدي، أنا حرة في حياتي خلاص. وعمر جه لقى الباب مفتوح والعيلة كلها موجودة وقال: إيه التجمع ده. مريم: جدو مدايق عشان مسك. ومسك كل ده

واقفة بتعيط وبعدها قالت: ماما، هو انتوا هتسيبوني تاني لوحدي. عمر اتعصب وقال بزعيق: ادخلي جوه. وانتي، ومريم يلا. وبعدها قال للجد: مفيش فيها حاجة يا جدي، مسك بنتي ومحدش يقول عليها غير كده. الجد: لأ، هنقول إيه يعني. عمر: عادي يا جدي، مستحيل هرجع أسيب مسك ولا مريم، هتسبوها دي حفيتك من النهاردة. الجد بهدوء: ليه البنت دي بالذات. عمر: جدي، هي ملهاش غيري وأنا أبوها، واستحالة هسيبها. الجد: براحتك يا ابني، بس ممكن أسلم عليها.

عمر نادى لمريم وجابت مسك معاها. الجد قام وقف وبصلها وهي خايفة وبتعيط، وبعدها حضنها جامد قوي وقال: ما تعيطيش يا قلب جدك، مالك. مسك: يعني انت جدو صح ومش هتخليهم يسيبوني. الجد بحنية: لأ، مش هخليهم يسيبوكي. نطت في حضن جدها وكله فرح. وبعدين الجد قال: أنا لازم أمشي يا ولاد من هنا، مش هنام غير في سريري. عمر محبش يعانده لأن جده عزيز: تمام يا جدي. *** وبليل مريم نيمت مسك وبعدها راحت تنام. عمر: مريم. مريم: نعم يا عمر.

عمر: مريم، هو انتي هتسبيني أنا ومسك. مريم: لأ، ليه. عمر فرح: لأ عادي بسأل. مريم زعلت، أصلًا عرفت إنه مبيحبهاش بس عايزها أم لمسك وخلاص. وتاني يوم صحت ولقيت ورقة مكتوب فيها: عندك فستانين في الدولاب زي بعض، واحد ليكي والتاني لمسك. مريم راحت لقتهم زي بعض وحلوين جدًا، ومسك شافتها برضه وجرت عليهم.

لقت فستان بينك هادي خالص من الوسط ضيق باستك ونازل منفوش وعليه طرحة لونه بكم واستك والكم منفوش ومرسوم عليه وردة وعليه فصوص ألماس وشكله كان جامد. وبتاع مسك زيه، مسك فرحت وقعدت تنطط. ولقت ورقة مكتوب فيها. تجهز هي ومسك على الساعة تمانية بالظبط. وهي فرحت جدًا وحضنت الفستان وقعدت تلف بيه، وبعدها حضرت الفطار وفطروا وقعدت تسمع أغاني مهرجانات هي ومسك، وبعدها الجرس رن فتحت لقت بوكس هدية ومكتوب عليه.