رواية عشقت ابنتي الفصل الخامس 5 - بقلم دنيا ثروت

ارسلان ضرب رهف بالقلم. كان أقوى قلم حقيقي. رهف: لييه.. ليه؟ أنا عملتلك إيه؟ ارسلان بعصبية أمسك يديها: أياكي تفكري إنك تبعدي عني، مفهوم؟ رهف فكت يديه بقوة وزقته وقالت بصوت عالي: وأنت.. وأنت لما اتجوزت مفكرتش فيا ليه؟ هااا؟ مفكرتش ليه؟ ارسلان قرب منها: هقولك كل حاجة في الوقت المناسب.. اطلعي يا رهف على أوضتك. رهف: كمان هتأمرني؟ ارسلان: اطلعي يلااا. رهف طلعت وهو راح وحقيقي مسبش حاجة في المكتب إلا وكسرها.

ارسلان على التليفون: خلصت اللي قولتلك عليه. مراد: أه.. قريب جداً هتخلص. ارسلان بعصبية: متقولييييش قريييب.. قول وقت. مراد: اهدي يا ارسلان. ارسلان بدموع: أهدي.. أهدي وأنا بعذبها وبقطع قلبها.. أهدي إزاي فهمني؟ مراد: متقلقش.. بعد بكرة بليل عملية السلاح بتاعة رياض هنعمله فخ ونخلص منه. ارسلان: لو ده حصل حقيقي هرتاح.. يلا سلام وأشوفك يوم العملية. مراد: سلام يا صاحبي. وجه يوم العملية.. في تمام الساعة 5. ارسلان: الساعة كام؟

مراد: العملية الساعة 7. ارسلان: تمام.. متقلقش هجهزلك كل حاجة.. هقفل سلام. مراد: سلام. الباب خبط ورهف فتحت.. كانت نرمين. نرمين: ارسلان فين يا رهوفة؟ ارسلان جه من ورا رهف وحضن نرمين: حبيبتي تعالي المكتب معايا.. وأنتي يا رهف اطلعي أوضتك. رهف بدموع متحجرة في عينيها طلعت على الأوضة وقفلت الباب عليها. وارسلان أخد نرمين المكتب.. حاول يهزر معاها وقلبه مقطوع على رهف بس يعمل إيه؟ كله عشانها. وجت الساعة 7 ونص تلفون نرمين رن.

ارسلان بجدية وهو بيقعد على الكنبة بالكأس: ردي. نرمين: يا بيبي مكنا مكملين.. ارسلان: ردي يا نرمين. نرمين ردت والشرطة هي اللي كانت على التليفون: حضرتك أستاذ رضا في القسم. نرمين وقعت التليفون منها وبصريخ: أنت.. أنت اللي عملت كدا صححح؟ ارسلان قام ومسك شعرها: أنتي عارفة إني كنت بقرف في كل لحظة وأنتي معايا يا قذرة.. أنتي فاكرة إني اتجوزتك يا حبيبتي؟

الورقة دي كانت مزورة.. وأصلاً مكنتش ورقة جواز.. أنا أه متجوز بس مش متجوزك أنتي.. اطلعي براااا.. وأياكي أنتي وأبوكي تقربوا من رهف.. أنتو هددتوني برهف بس أنا ممثلتش كل ده عشان بحبك أو عشان خايف منكم.. أنا مثلت عشان أدي درس لأي حد في السوق أو في الكون كله لو حاول يقرب لرهف هيشوف سواد ليله. نرمين بتزقه: سيبني يا حيوان.. أنا هدفعك التمن غالي أوي.. وهتشوف..

نرمين مشيت وارسلان جري على فوق لرهف.. حاول يفتح الباب معرفش.. كسره.. وأول ما دخل. رهف وهي واقفة على حافة سور البلكونة: اياك تقرب. ارسلان بعصبية: رهف أنتي مجنونة؟ طب أهدي وهحكيلك كل حاجة.. طب بصي أنا أصلاً مش متجوزها ودي كانت لعبة.. يلا يلا. رهف بصدمة: أنت بتقول إيه؟ ارسلان حكالها كل الكلام اللي قاله لنرمين. رهف: أنت مش متجوز نرمين صح؟ ارسلان: أه.. يلا بقا تعالي.. وبدأ يقرب منها خطوة.

رهف بصريخ وعصبية: ايااااك تقرب.. اياااااك.. بعدين أنت قولت إنك متجوز بس مش متجوزها هي.. مييييين متجوزها؟ مين حبيتها أوي واتجوزتها؟ ممممييييين؟ ارسلان بعصبية وصريخ: انتيي.. انتيييي يا رهف. رهف مستحملتش واختل توازنها.