رواية عشقت ابنتي الفصل الرابع عشر 14 - بقلم دنيا ثروت

أرسلان ساق بسرعة كبيرة ووقف العربية في مكان، خوف رهف جداً. رهف بخوف: إحنا جينا هنا ليه؟ أرسلان وهو بيفك حزام الأمان وبكل برود: انزلي. رهف بعياط: مش هنزل. أرسلان مسمعهاش ونزل. المكان كان قمة جبل، لو بصيت من فوق هتشوف معظم العالم، مكنش فيه غير رهف وأرسلان. رهف نزلت وقدمت ليه خطوة وبتتكلم بخوف ورعب وجسمها بيترعش: جينا هنا ليه؟ أرسلان: انتي شايفة اللي انتي شايفاه؟ رهف حاولت تصمت بقوة: شايفة إيه؟

أرسلان: شايفة اللي تحت الجبل ده. رهف: بيوت صغيرة. أرسلان: لا، دي حياة. كل بيت فيه حياة، كل بيت فيه مشاكل وكل بيت ليه حكاية طويلة وعريضة. رهف قربت منه وبصت لتحت الجبل: جايبني هنا ليه، مش فاهمة. أرسلان بهدوء: عشان أوريكي، أوريكي إن كل واحد وعنده حياته الخاصة. رهف: مش فاهمة. أرسلان: بصي يارهف، أنا لازم أقولك إن مفيش حد في الدنيا هيدخل بينا أو هيفرقنا حتى لو بكلمة.

رهف هديت خالص: يعني انت مش زعلان إنك خسرت الصفقة اللي جيت عشانها؟ أرسلان: أبداً، طالما انتي عندك حق ورديتي عليها. هو آه كان الرد قاسي، بس هي تستاهل. رهف حضنته بحب: أنا بحبك. أرسلان وهو حاضنها على قمة الجبل: وأنا بعشقك ياروحي. وبعد عدة دقائق، أرسلان أخد رهف ووصلوا الفندق. رهف أول ما دخلت الأوضة: أنا هاخد دوش وأجي. أرسلان: تمام، وأنا هظبط الشنط. رهف بتفاجؤ: هنروح فين؟ أرسلان: هنرجع. رهف بزعل: طيب.

خلصوا هما الاتنين وجهزوا، وأرسلان أخد الشنط. وبعد عدة ساعات، رهف كانت نايمة. أرسلان طبطب عليها: رهوفه، قومي وصلنا. رهف بنوم: عايزة أنام. أرسلان حاول يفوقها: وصلنا ياأميرة. رهف بتبص بره العربية، انصدمت.