رواية عشقت ابنتي الفصل الثالث عشر 13 - بقلم دنيا ثروت

مختار جري على بنته وأرسلان طبعًا مشي معاه. شافوا منظر كان مختار أعصابه فوق وأرسلان بيضحك جوه قلبه. لاقوا رهف بتشد في شعر كنزي. أرسلان راح يحاول يشد رهف وهي مش عايزة تقوم من ضربه. رهف: سيييييبني. أرسلان وهو مكتفها ورجلها بتخبط في الهوا: اهديييي. رهف وهي بتخبط: لا لا سيبنييي عليها. كنزي بصوت عالي: انتي متربتيش ومشوفتيش التربية في حياتك يازبا*له. رهف بعصبية: شوفت شوفت... سيبنييييي. أرسلان بعصبية نزلها: اسكتيييي.

صوته خلي المطعم كله يلتفت ليه. رهف سكتت بدموع صامتة وكنزي فرحانة من قلبها. مختار: ممكن أعرف يا أستاذ أرسلان إيه اللي حصل؟ أرسلان: أستاذ مختار أنا كنت معاك فمعرفش زي زيك.... رهف احكي اللي حصل. رهف بدموع صامتة وبتمسحها كل لما تنزل: أنا كنت في الأسانسير ونازلة ليك.. وقابلتها كنت ساكتة ومرة واحدة لقيتها قالتلي هو انتي خدامة أرسلان ولا إيه؟

قولتلها أنا مراته ضحكت وقالتلي تلاقيه بيتسلى معاكي مش أكتر.. وبعد كده كل اللي حصل أنت شوفته. كنزي بصريخ: انتي مجنونة وكذابة. رهف كل ده واقفة بصمت لأنها متأكدة في بالها إنه مش هيقف جنبها. مختار بصرامة: ممكن تفسرلي إيه اللي حصل يا أستاذ أرسلان؟ أرسلان بعصبية وزعيق: أفسر إيه؟ مختار بعصبية أكتر: إيه اللي تفسر إيه.. لو مراتك دي اعتذرتش على اللي حصل وعلى الكذب اللي بتقوله لكنزي يبقى بلاها الصفقة. أرسلان ببرود: اممممم.

مختار بابتسامة: أيوه كده. أرسلان راح وجاب الورق بتاع الصفقة من على الأرض وقطعه لحد لما اتفتفت حتة. أرسلان: وكده الصفقة خلصت... وبالنسبة لمراتي فهي مستحيل تعتذر لحد. ومسك إيديها بحب وبص لعينيها اللي لمعت أول لما سمعته. أرسلان: ورهف تبقى مراتي وبنتي وحبيبتي ومش خدامة يا كنزي هانم. ومسك وش رهف وباس راسها. أرسلان: ياحبيبة قلبي أهنيكي على كل اللي عملتيه. ومسك إيديها ومشي.

ركبوا العربية في صمت تام وساق بسرعة كبيرة ورهف بتعيط وبتحاول توقفه. وهو موقفش برضو. وفجأة وقف في مكان هي ارتعبت أول لما شافته.