رواية عشقت الإمبراطور القاسي الفصل الأول 1 - بقلم فاطمة الدالي

اشرقت شمس الصباح فى منزل قديم متهالك. كانت بطلتنا نائمه حتى تستيقظ على صوت المنبه المزعج لتغلقه بكسل. ثم تنهض من على الفراش وتدلف الى المرحاض للإستحمام. وبعد وقت قصير تخرج وهى تجفف شعرها ثم ترتدى ملابسها وتصفف خصلات شعرها الناعمه الكثيفه. وتخرج لتجد والدتها واختها جالسين على مائده الطعام. مريم بإبتسامه وهى بتقبل يد والدتها: صباح الفل والياسمين على احلى اتنين فى الدنيا.

ردت والدتها: يا صباح الجمال على اجمل مريومه فى العالم. مريم لمرام: ❤Good Morning MaraM. مرام: ❤Good morning My Heart. مريم بتسائل: هو مروان لسه مصحيش. حبيبه (مامت مريم) : لأ لسه نايم. مريم: اوكى انا هقوم اصحيه بطريقتي انا. مرام: تصحيه ولا تسرعيه ده الواد هيقطع الخلف منك. مريم بضحك وهى ماشيه: ده انا أشر مني مفيش. مرام وحبيبه ضحكوا عليها. مرام بضحك: والله مش عرفتي تربي يا بيبو.

حبيبه: اتخرسي يا بت انتي اعمل ايه يعني واحده جايبه تلاته مجانين في بطن واحده ربنا يصبرني. مرام بخفوت: هو انت لسه شوفتي جنان ده انهارده اول يوم دراسه والجنان هيبقى للركب. في غرفه مروان. بتدخل مريم غرفه مروان اللي لسه نايم. مريم بتتسحب لحد ما وصلت عند السرير بتميل على ودنه وبتصرخ مره واحده. مريم بصريخ: مروااااان اااللحققق خطييببتك يااااااسمميين يااااامررواااان. مروان بنوم: في ايه يا مريم مالها ياسمين يعني.

مريم بمكر: ياسمين عملت حادثه وماتت يلا يا مروان. بيصحى مروان مفزوع. مروان بزعيق: بتقولي ايه يا مريم ياسمين ايه. مريم: بقولك ياسمين ماتت يلا ادخل البس بسرعه. مروان بياخد لبسه وبيدخل الحمام جري. وكلمه واحده اللي على بتتردد على لسانه هي ياسمين. ليه يا ياسمين ياسمين ياسمين. عند مريم اول ما مروان دخل الحمام اترمت على السرير وهي فطسانه على نفسها ضحك. وبيسمعها مروان في الحمام

وهي بتضحك وبيقول لنفسه: معقوله تكون مريم بتضحك عليا دي ليله ابوها سوووده لو اللي في دماغي. في مكان اخر. في ڤيلا بل قصر اقل ما يقال عنه انه في غايه الجمال والروعه. في قصر عائلة الشرقاوي. ينزل بطلنا من على الدرج وقد تخطى كل مقاييس الجمال. ليجد عائلته ينتظرونه على الفطار. فمن لا يخاف الإمبراطور كما يلقبونه الذي أسس امبراطورية الشرقاوي وهو لم يتجاوز 18 سنه. عمر: السلام عليكم. رد الجميع باحترام: وعليكم السلام.

عمر: ايه اخبارك يا جدى. سالم (الجد) : الحمدلله على كل حال بخير يا ابني. عمر: تمام. وشرعوا في تناول الفطار. ومرت دقائق في صمت. وقطع هذا الصمت كنزى وكارما اخوات عمر وهم ينهضون من على مائده الطعام. كارما: الحمد لله نستأذن احنا عشان اتأخرنا على الجامعه. عمر: انتوا هتروحوا الجامعه معايا. كنزى بتوتر: هو مش حضرتك هتروح الشركه. عمر: أولا انتوا نسيتوا اني دكتور في الجامعه. ثانيا انا هروح الشركة بعد الجامعه عادي يعني.

كارما: ما هو حضرتك كده مش هترتاح يا ابيه. عمر: يلا عشان تلحقوا توصلوا ولا هنقضيها رغي كتير. ذهب عمر وخلفه كنزى وكارما اللي هيموتوا من الرعب. وركبوا السيارة وانطلقوا لجامعتهم. عند مريم ومروان. مروان خد شاور سريع خرج من الحمام. كانت مريم قاعده على المكتب وبتحاول تكتم الضحك. تقدم منها مروان وبدون اي مقدمات سحبها من ايدها واوقفها امامه. مروان بهدوء: انتي قولتي ياسمين حصلها ايه.

مريم: خلاص والله اخر مرة بس سيب ايدي والنبي. مروان: انتي لسه شوفتي حاجه. وفي نفس الوقت مرام دخلت. مرام: اووبا شكلي كده جيت في وقت مش مناسب. استأذن اا قاطعها مروان وهو يمسكها من لياقه التيشرت ومريم كذلك. مروان: ايه يا ست مرام هتخرجي من قبل ما اصبح عليكي لألألأ انا زعلت منك. مرام: ايه يا عمي هو انا اللي عملتلك المقلب ولا مريم.

مريم: مش انتي برضو اللي قولتيلي على فكره المقلب ولا هتدبسينى انا بس لأ يا روحي احنا في الهوا سوا يا عنيا. مرام: ده انتي اخت واطيه بصحيح يلا يا خباصه. مروان: بقا كده يعني مرام هي تفكر في المقالب وانتي تنفذي. مريم: عليك نور سيب قفايا بقى يا حضرة الظابط واوعدك مش هنعملها تاني. مرام: اه سيبنا بقى يا ميرو. مروان اول ما سابهم هما جريوا وهو جرى وراهم وخرجوا من الغرفه. كانت والدتهم جالسه على الاريكه ترتشف قهوتها.

مريم ومرام بيجروا ومروان وراهم وبيضحكوا. حبيبه بتدعي ربنا يدوم الفرحه والمحبه بين ابنائها. مروان بيقبل رأس ويدين والدته. مروان: عامله ايه يا ست الكل. حبيبه: بخير يا حبيبي. مروان: يارب دايما تؤمريني بحاجه يا بيبو. حبيبه: سلامتك يا حبيبي وخلي بالك من اخواتك. مروان: في عيني انتي هتوصيني وخصوصا مريم. حبيبه: ههههه انت هاتقولي يلا يا حبيبي عشان مش تتأخر. مروان ومريم ومرام: تمام خلي بالك من نفسك يا بيبو.

نزل مروان ومريم ومرام وذهبوا الى الجامعه. مروان و مريم و مرام اخوات توأم وهما في سنه 4 جامعه و عندهم 21 سنه. نرجع للبارت. عند عمر. بيدخل عمر الجامعه ومعاه كنزى وكارما. عمر: تلفوناتكم تفضل مفتوحة و لما ارن عليكم تردوا على طول وملكمش دعوه بالشباب خالص ولو شفت واحده واقفه مع شاب انا مش مسؤل على اللي هعمله فيها وانتوا عارفينى لما بغضب بعمل ايه. كنزى وكارما بخوف: حاضر اى اوامر تانيه. عمر: يلا على مدرجك منك ليها.

ذهب كنزى وكارما الى المدرج وعمر ذهب الى مكتبه. عند الثلاثي المرح. بيدخلوا الجامعه وبيشوفوا ياسمين مستنياهم. مريم: عامله ايه يا غراب الباركه انتي. ياسمين: عامله مربى تاخدى حته. مرام: اخبارك ايه يا حبيبتي. ياسمين: بخير يا روح قلبي. مروان: طب يالا بقى يا حبيبي عشان المحاضرة هتبدأ. ياسمين: يالا سلااام. مريم ومرام: سلااام. ومروان وياسمين راحوا مدرجهم. مريم ومرام في نفس الوقت: هييحح اوعدنا يارب. ضحكوا ومشوا.

ومريم وهي ماشيه خبطت في حد وكانت هتقع والشخص لحقها. الشخص بتريقه: خلي بالك من نفسك يا بتاع انت. مريم عرفت مين صاحب الصوت. مريم بصتله بإحتقار و طااااخ على وشه بالقلم. الشخص بعصبيه: وووووو.