رواية عشقت القاسي الفصل العاشر 10 - بقلم بشري شريف

خالد كشف عليها وقال بحزن شديد وأسف: للاسف البنت... جون: اخلص يا خالد. خالد: دخلت في غيبوبة. جون بحزن: طب ها تفوق امتى؟ خالد: مش عارف. جون: تمام يا خالد. أنا هدخل ليها. خالد: تمام يا حبيبي. جون دخل وبص على البنت اللي نايمة وشكلها ضعيفة أوي. بص على وشها وشاف بنت في غاية الجمال. هي شكلها عادي، شعر أسود ناعم طويل، بشرة قمحاوية، بس كانت في نظره بنت في غاية الجمال.

أما عند ياسمين، كانت ياسمين غيرت ولبست دريس أبيض طويل. الكمام شفافة، عليه حزام بني. وفردت شعرها ونزلت. ياسمين: صباح الخير. قاسى وميار: صباح النور. ياسمين قربت وقعدت على كرسي السفرة. ميار: أوعى تقولى ها تفطري؟ ياسمين: تؤتؤ. بس حبيت أقعد معاكم النهاردة. سوزي بسخرية: على الأساس إنه ها يفرق معانا. ياسمين مسكت الفون وقالت: ميرو بقولك في دريس عجبني أوي. بصي كدا. ميار: واو حلو أوي. لمين ده؟ ياسمين:

روما عيد ميلادها قرب وعاوزة أجيب ليها هدية حلوة. ميار: أيوة يعم. ياسمين: صح افتكرت. واتصلت وقالت: الوو يا جون. جون: الو يا ياسو. ياسمين: إيه دا؟ مال صوتك حزين كدا ليه؟ جون: أنا عملت حادثة. ياسمين: إيه؟ طب انت كويس؟ جون بحب: كويس يا قلبي. مش أنا اللي عملت الحادثة أصلاً. ياسمين: لأ افهم. إزاي عملت حادثة ومش اللي عملت حادثة؟ جون: أنا خبط بنت. ياسمين: طب هي عاملة إيه؟ جون: دخلت في غيبوبة. ياسمين:

طب مافيش حد من أهلها عارف حاجة؟ جون: مش عارف أوصل لحد. البنت مكنش معاها حاجة. ياسمين: طب اهدى يا حبيبي وابعتب ليا صورة ليها وأنا ها تصرف. جون: حاضر يا قلبي. وشكراً. إنتي أحسن أخت. ياسمين: إنت أهبل؟ إنت أخويا. أنا ماليش غيرك إنت وريم وخالد في الدنيا دي. جون: نسيت حد؟ ياسمين بضحك: ومريم؟ أكيد هي دي تتنسي. وبالمناسبة عيد ميلادها كمان أسبوع. جون: عارفين يختي. وبنجهز للعيد ميلاد. ياسمين: إنت مش ها تسافر؟ جون بستغراب: ليه؟

ياسمين: عيد ميلاد مريم ها يتعمل في تركيا السنة دي. جون بصدمة: إنتي بتتكلمي بجد؟ ياسمين: أمال بهزر. جون: لأ أقفل وأنا جاي ليكى أنا وخالد وريم علشان أفهم. ياسمين: تمام يا حبيبي. بس ما تنساش الصورة. جون: حاضر. ميار: هو إنتي كل عيد ميلاد ليها في بلدي؟ ياسمين: تؤتؤ. بالعكس. دا كل عيد ميلاد في نفس المكان. بس أنا السنة اللي فاتت كنت وعدها إني ها خدها معايا لما أسافر وكنت مخططة إني هعمل عيد ميلادها هناك. فا نفذت وعدي.

هدى بسخرية: وإنتي ها تعرفي تدفعي حق تذكرة الطيران؟ ياسمين لميار: بصي بقى يا ميرو. عايزيكي تكوني معايا في الترتيبات. ميار: أكيد يا قلبي. هدى بغضب: إنتي إزاي مش بتردي عليا؟ ياسمين لقتاسي: قاسى عيد الميلاد يوم الجمعة. أنا هسافر الخميس بالليل وهرجع الجمعة اللي بعدها. قاسى: إنتي ها تقعدي أسبوع؟ ياسمين: أه. وعلى مامتك ما تخافش. أنا علّمت شادية كل حاجة وهي ها تكون مكاني هنا لما أسافر. ميار: قاسى ممكن أكون معاها؟ ياسمين:

دا أكيد. قاسى: لأ طبعاً. ياسمين: بصي يا ميرو. إنتي ها تسافري معايا. وعلى قاسى أنا هتكلم معاه. قاسى: أعرف جايبة الثقة دي منين؟ ياسمين: من بتاع الثقة. هدى بغضب: إنتي بنت مش محترمة. ياسمين لقت رسالة من جون. مسكت فونها واتصلت وقالت: الو محمود. معاك؟ محمود: أيوه مين معايا؟ ياسمين:

أنا من مستشفى الشناوي. والدكتور خالد بيقولك في صورة عاوزها تنتشر بسرعة كبيرة. وها تكتب عليها إن البنت دي في غيبوبة. وأي حد يعرف عنها معلومة أو فين أهلها ييجي. وتكتب عنوان المستشفى. وفي مكافأة كبيرة اللي ها يلقى أهلها. محمود: تمام حاضر. ياسمين: ها بعت ليك الصورة حالا. محمود: كمان ساعة الموضوع ها يطلع تريند. ياسمين: تمام. وقفت وبعتت الصورة. سوزي: مامي أنا هروح النادي. سمير: وأنا هسافر. هدى:

أوكي يا حبايبي. وأنا كمان هسافر. البيت بقى فيه حاجة مش حلوة. الكل مشي. قاسى بص على ياسمين وقال: إنتي ليه كنتي ساكتة ومش بتردي عليهم؟ مع إن دا مش من طبعك. ياسمين: لأ من طبعي. أنا طبعي إني لما أرد على حد يبقى ليه قيمة عندي ومهم بالنسبة ليا. بس هما ولا حاجة علشان أرد عليهم وأضيع وقتي. ميار: أوبا. والله إنتي جامدة. ياسمين: عارفة. ميار: يخربيت التواضع. ياسمين ضحكت. قاسى: ليه هتعملي كدا؟ ياسمين بستغراب: هعمل إيه؟ قاسى:

هدفعي فلوس وعلشان تعرفي أهل البنت. ياسمين: لأن أخويا خبطها. وأكيد أهلها ها يكون قلقانين عليها. ولازم يعرفوا. قاسى: هو جون أخوكي؟ ياسمين: أه. بص أنا عارفة إن معروف إني وحيدة. بس دا علشان أنا خايفة عليهم. قاسى: إزاي أخواتك؟ ياسمين:

ماما كانت متجوزة قبل بابا وخلفت خالد. وبعدها بسنتين جوزها مات. وبابا اتجوزها وخلفوني. وبعدها ماما مخلفتش تاني وفضلت كدا فترة كبيرة. وبابا كان عايز الولد. فا راح اتجوز. وساعتها ماما حملت واكتشف إن مراته التانية حملت. وفي نفس اليوم ماما خلفت هي ومرات أبويا. ماما جابت ريم. ومرات أبويا جابت جون. بس مرات أبويا ماتت وهي بتولد جون. وماما اللي ربته معانا. وبس. هي دي الحكاية. قاسى كان ها يتكلم. بس في رسالة جت لياسمين. ياسمين

بصت وانصدمت وقالت بصدمة: مريم.