رواية عشقت القاسي الفصل الأول 1 - بقلم بشري شريف

كانت تجري بأقصى سرعة عندها وهي تبص حواليها بخوف، مش حاسة بنفسها ولا إنها حافية، هدومها ضيقة أوي وشكلها متلخبط. الناس اللي بتبص عليها باستغراب من منظرها، كانت بتجري لحد ما لقت قدامها قصر ودخلته بسرعة واستخبت. بره، كان فيه كام شاب واقفين بيدوروا عليها. "كان لازم تاخد بالك، أهي هربت. وكمان هربت الصبح ومش في أي معاد، ده الظهر يعني فيه ناس، مش هنقدر نعمل حاجة." "وأنا أعمل إيه يعني؟ هي فضلت تصوت، وأنا أول لما دخلت عليها ضربتني وهربت." "بس خلاص، تعالوا نشوفها في القصر." ياسمين أول ما سمعت الجملة دي قلبها وقع في رجلها، وقبل ما يدخلوا. "إيه إيه؟ انتوا رايحين فين؟" "داخلين، اختنا دخلت هنا وعايزين نشوفها." "لأ، مفيش أي حد دخل هنا." "أنت متأكد؟" "آه." الأربع شباب مشيوا وهم بيدوروا على ياسمين. أما عند ياسمين، فبصت على البوابة لقت إن السكيورتي قفلها. ياسمين اتنهدت بحزن واتسحبت ودخلت القصر من جوه. بصت عليه ببهار وفضلت تدور على المطبخ عشان تخرج من الباب الخلفي، لحد ما لقت المطبخ. أول ما دخلت بصت بصدمة وقربت من الأكل اللي على الترابيزة وفضلت تاكل لحد ما دخلت عليها الخدامة. الخدامة أول ما شفتها صوتت، وياسمين أول ما سمعت صوتها وشفتها صوتت هي كمان.