رواية عشقت القاسي الفصل الثاني 2 - بقلم بشري شريف

أول ما دخلت بصت بصدمة، وقربت من الأكل اللي على الترابيزة وفضلت تاكل لحد ما دخلت عليها الخدامة. أول ما شفتها صرخت، وياسمين أول ما سمعت صوتها وشافتها صرخت هي كمان. الخدامة: انتي مين وإيه اللي جابك هنا؟ ياسمين اتوترت، كانت مش عارفة تقول إيه. الخدامة قربت منها وشدتها وخرجتها برة، وياسمين بتقاوم وقالت: أوعي، سيبيني. الخدامة: بس... وكملت لوحدها: اطلعِ نادي قاسي بيه. والباقي، وفعلاً الخدامة طلعت. وبعد دقائق كان القصر كله متجمع. قاسي بغضب: انتي مين؟ ياسمين اتوترت وكانت مش عارفة تقول إيه. سمير ابن عم قاسي بص على ياسمين وقال بخبث: سيبها يا قاسي، براحة عليها. قاسي بص عليه بقرف، وبص لياسمين بقرف وغضب وقال: ما تقولي انتي مين يا بت، وإيه القرف اللي انتي لبساه ده؟ ياسمين بصت على نفسها، كانت لابسة فستان ضيق ومقطوع من تحت، وكانت حافية وشعرها متبهدل. أخت سمير، سوزي، ومن اسمها بعرف إنها حرباية 😂: دي أكيد حرامية. ياسمين بغضب: لا، أنا مش حرامية. قاسي بغضب أكتر: امال إيه؟ ياسمين كانت هـ تتكلم، بس قبل ما تتكلم الخدامة من فوق: قاسي بيه، هند هانم تعبانة أوي. قاسي بصوت عالي: اطلبوا الدكتور. ياسمين بسرعة: أنا دكتورة. قاسي بص ليها بقرف وقال بصوت أعلى: اطلبوا الدكتور. والكل طلع فوق ومعاهم ياسمين عشان مش تهرب. وبعد ربع ساعة دخل شاب وهو بيقول: إيه اللي حصل؟ تاني ما كملش من الصدمة.