رواية عشقت الرعد الفصل العاشر 10 - بقلم أسماء محمد

مساء في المستشفى عشق بتهلوس من تأثير البينج. عشق: امممم. رعد أول أما سمع صوتها جري عليها. عشق: حبيبي احضني. ومسكت إيد رعد. رعد برق وأيده تلج. رعد بتوتر: نن نعم. عشق: انتي مش بتحبني احضني بقا. رعد قرب منها بتوتر وقعد جنبها على السرير وحضنها. عشق مسكت فيه جامد. بعد شوية رعد حاول يبعد وعشق ماسكه فيه جامد. فاضطر ينام جمبه. في صباح يوم جديد. في أوضة أسيل. الممرضة: صدقيني يا مدام هي كويسة وزمانها هتفوق بعد شوية.

أسيل بقلق: يعني الدكتورة عشق كويسة. وفي الوقت ده دخل كمال عليها. الممرضة: اهو دخل الأستاذ حتي اسأليه. كمال باس راس أسيل. كمال بحب: مالك يا حببتي في إيه. أسيل: كنت بسأل على الدكتورة عشق أنا عرفت أنها اتسممت. كمال بتوتر: آه عشق هي كويسة متقلقيش. أسيل بحزن: عايزة أشوفها. كمال: حاضر بس هي تفوق وخفي انتي بس. في أمريكا. جاءت رسالة للشخص المجهول. فتح الفون ولقى صورة لعشق ورعد في المستشفى ورعد نايم جمبها.

الشخص المجهول بغضب رمى الفون على الأرض. وهنا ظهر الشخص المجهول وهو (أميررررررر) أمير بغضب: ماشي يا عشق استني بس العملية اللي في إيدي تخلص. ووقتها ضيق عينه بشر. أمير بشر: وقتها مش هتخلصي من إيدي. في مصر. نور واقفة قدام أمها. نور بحدة: اديني رقم بابا. نسرين بخوف: ليه. نور ببرود: عايزة أشوفه أظن ده من حقي ولا هتعملي معايا زي عشق وحرمتيها من أهلها. نسرين بعياط: حرام عليكي ليه بتعملي معايا كده.

نور: لو عايزاني أسامحك تروحي المستشفى وعشق تعرف كل حاجة. نسرين ساكتة. نور: يبقى أنا هسيب البيت وهروح لبابا. نسرين بسرعة: لا خلاص هروح. نور: دلوقتي. نسرين: طيب. في المستشفى. في أوضة عشق. عشق بتحاول تفوق ورعد نايم جمبها. عشق لقت حد تقيل على كتفها. عشق بخضة ووجع قامت بسرعة. عشق: انت بتعمل إيه هنا. رعد كان صاحي بس مستني يشوفها هتعمل إيه. رعد بغضب: في حد يصحى حد كده. عشق: آه أنا انت بتعمل إيه هنا.

رعد بخبث: وآلله مش عارف أصل في حد طلب مني امبارح أبوسه وأحضنه. عشق غمضت عينها بسرعة علشان عارفة تأثير البينج إيه. عشق: بس بس بس بس. رعد قرب منها بخبث: وأنا دلوقتي جاي أنفذ اللي معرفتش أنفذه امبارح. وبيقرب منها. عشق بتوتر: اااانت بتقرب ليه. رعد بخبث وابتسامة ضحك: هتعرفي دلوقتي. وبيقرب منها لحد مابقاش في فاصل بينهم. جميلة ماشية بتكبر وغل وراحت الأوضة اللي فيها عشق وفتحت الباب واتصدمت لما لقت عشق قريبة جدا من رعد.

وضغطت على الفون جامد. جميلة بصوت عالي: طب على الأقل مش هنا يا رعد بيه. رعد فضل زي ما هو وعشق وشها أحمر من الخجل وبتحاول تبعده عنها لحد ما رعد بعد. رعد بجمود: إيه اللي جابك يا جميلة هانم. جميلة مثلت الحب: جايه أطمن على مرات ابني مش كده يا عشق. عشق بحب: تسلمي يا طنط أنا كويسة. وفي الوقت ده دخلت أسيل ومعاها كمال ونورين وأسر وريم. جميلة بصدمة: أسيل. أسيل: إزيك يا جميلة يعني ما جيتيش ولا مرة تزوريني.

جميلة بتوتر: لا أبداً أنا حتى جيت ليكي أول ما عرفت ولسه جايه لعشق وقلت أعدي عليكي. أسيل بلامبالاة: طيب. أسيل بحب: عاملة إيه يا دكتورة. عشق: انتي اللي حضرتك عاملة إيه. أسيل: أنا كويسة الحمد لله. وفي الوقت ده دخل جاسر ومعاه نور ونسرين. جميلة بتوتر أكبر: نهار أسود ومنيل إيه اللي جابها دلوقتي دي. نسرين قربت من عشق بعياط. نسرين: حبيبتي انتي كويسة. وتبوس فيها. كمال واقف بيبص لنسرين بغضب. عشق: متخافيش يا ماما أنا كويسة.

نسرين لما سمعت كلمة ماما عيطت أكتر. نسرين بعياط: سامحيني يا بنتي أنا آسفة والله كان غصب عني. عشق: في إيه يا ماما أنا مش فاهمة حاجة آسفة على إيه. نور واقفة بتعيط. عشق بقلق شديد: في إيه ما تتكلموا. جميلة واقفة بخوف. وقطع السكوت كمال. كمال: في إنك مش بنتها ولا حتى تقربي ليها. وبغضب: في إنك بنتي أنا وآسيل. في إنها خطفتنا منك. في إنها عيشتنا بعيد عن بعض سنين. في إنها واحدة أنانية ومش بتحب غير نفسها. في أقاطعته عشق.

عشق بدموع: في إيه أنا مش فاهمة حاجة ماما إيه اللي هو بيقوله ده. نسرين بتبوس إيديها وبتعيط: حقك عليا يا بنتي كان غصب عني أنا آسفة والله ما كنت أقصد. أسيل واقفه بدموع: يعني إيه مش فاهمة يعني عشق بنتي. كمال قولي الله يخليك عشق بنتي. وبتعيط. نور واقفه بتعيط. نور بعياط: شوفتي عملتي فينا إيه. أنا كنت فاكرة ليا أخت نهزر ونضحك من بعض. عارفة إحساس إن مالكيش أخت ده. عارفة الإحساس إنها يتبعد عنك مجرد إن ليها أب وأم غيرك.

ليه عملتي كده وبتعيطي جامد. ليه حرام عليكي. نسرين بعياط: والله ما أقصد. وبصت لجميلة: هي السبب. هي الشيطانه اللي لعبت في دماغي. أسيل قامت من حضن كمال واتصدمت لما لقتها بتبص على جميلة. نسرين راحت لاسيل وبعياط: اختك هي اللي قالت ليا على الفكرة دي. اختك هي اللي خلتني أخونك بعد ما كنا أكتر من أخوات. واختك هي وبتعيط. اختك هي اللي بدلت عشق بواحدة ميتة. اختك السبب. جميلة واقفه بتوتر وخوف.

أسيل بصدمة وعياط قربت ناحية جميلة وفجأة ضربتها بالقلم على وشها. وعشق بتعيط. أسيل بعياط: أول مرة أعرف إنك وسخة أوي كده. إيه يا شيخة كل السودا اللي جواكي ده. إنتي إزاي كده. جميلة حطت إيديها على وشها. أسيل واقفه بتعيط. الكل واقف منهار عياط. وفجأة رعد مسك دراع أمه. رعد بحده: انتي إيه. أنا سكت لما ضربتي اختك بالنار وقلت أمك بلاش تاذيها. وسكت وإنتي راميانا ورا ضهرك أنا ونورين. الدادة جت من وراهم وقالت: وهي اللي سممت عشق.

الكل بص ليها بصدمة. جميلة بتبلع ريقها بصعوبة. الدادة: أيوه أنا شوفتها وشكيت فيها لما لقتها خدت مني النسكافيه. فضلت واقفة بعيد وشفتها وهي بتحط حاجة في النسكافيه بتاع مدام عشق. رعد بغضب: باااااااااااااااااااااس. وراح ناحية جميلة بغضب: عارفة لو مش كنتي أمي كنت قتلتك دلوقتي على كل حاجة بتحصل وكل حاجة عملتيها. والأفضل ليكي يا جميلة هانم إنك تلمي هدومك وتغوري في ستين داهية. وبغضب: يلاااااا. جميلة مشيت من قدامه بخوف.

جميلة بغضب: . رحمة أمي لهوريكوا واحد واحد. ثم رنت على شخص ما. جميلة بغضب: اعرف ليا كل حاجة عن عشق من يوم ما اتولدت بتاكل إيه بتشرب إيه حتى وهي في أمريكا كانت بتعمل إيه. أخلص. ثم خرجت من المستشفى.