رواية عشقت الرعد الفصل الحادي عشر 11 - بقلم أسماء محمد

في صباح يوم جديد، عشق نايمة على سرير المستشفى وبتعيط. اسر ورعد واقفين بره. أسيل اغمي عليها من الصدمة وكمال واقف مع رعد واسر. كمال بفرحة: رعد، أنا عايز أعمل أكبر حفلة في العالم، عايز الناس كلها تعرف إنها بنتي، ويا ريت لو تكون بكرة. رعد بغموض: أنا مقدر فرحتك، بس سيبها هي دلوقتي تعبانة، لما تفوق إن شاء الله هنعمل كل اللي أنت عايزه. كمال بخيبة أمل: طيب، هي هتخرج امتى؟

رعد: الدكتور قال إنهارده هي وسيلة، وبعد يومين كده نعمل الحفلة اللي أنت عايزها. كمال: تمام، أنا رايح أطمن عليهم. بعد ما كمال مشي، اسر: هههههههههههه، أنا مش فاهمك الصراحة، أنت ما قلتش ليه إنك عامل بارتي النهارده؟ رعد: أنت أهبل يلا، اسر اسكت ممكن، ويلا قول لريم ونورين يجوا وياخدوا عشق معاهم وينفذوا كل اللي قلت عليه. اسر: ماشي يا ريس. (ويغمز له ويضحك) الليلة ليتك هههههههههههه. رعد: امشِ يلا من هنا. اسر: طيب هههههههههههه.

رعد سند على الحيطة وابتسم تلقائي. عند ريم في شقتها، نورين: اخلصي يا زفتة، رعد هيقتلنا. ريم: طيب، أهو أنا مش فاهمة أخوك مستعجل على إيه، دي لسه حتى مخرجتش من المستشفى. نورين: طب بطلي رغي ويلا علشان نلحقها في المستشفى، قلتي لصاحبتك إننا هنكلمها؟ ريم وهي بتلم الحاجة: آه، يلا بينا. ونزلوا من الشقة وراحوا على المستشفى. في المستشفى، أسيل: أنا خلاص جهزت، هي عشق مش عايزة تشوفني ليه؟

كمال: هي أكيد من الصدمة لسه مش مستوعبة. تعالي دلوقتي نكلمها. أسيل: طيب. الممرضة بتساعد عشق وعشق واقفة بتلبس الطرحة. الباب خبط ودخلوا أسيل وكمال. كمال بحب: ممكن أدخل؟ عشق بدون كلام سمحت لهم بالدخول. أسيل بحب ودموع: بصي، أنتِ عارفة إنه صعب عليكي إنك تعرفي إن فيه أم ليكِ غير اللي أنتِ تعرفيها، بس أنا ذنبي إيه؟ (وبتعيط) أنا نفسي آخدك في حضني، نفسي أحس بالأمومة، أنا ماليش دعوة باللي حصل، هما السبب. (وبتعيط جامد)

هما اللي خدواكي مني، أنا كان نفسي تكبري في حضني، عارفة يعني إيه تكتشفي فجأة إنك موتِ؟ أنا فضلت سنة في المصحة علشان مش مستوعبة. (وتضحك بوجع) أبوكي بقى الله يسامحه طلقني علشان فاكر إني موتِك، بقا أنا أموت ضنايا. عشق مديها ضهرها وبتعيط. أسيل بعياط: بالله عليكي متحرمنيش من حضن الأم اللي نفسي فيه من زمان. (وبتعيط) عشق مش قدرت تمسك نفسها وجرت في حضنها وماسكة فيها جامد وبتعيط. وآسيل حضنتها جامد وبتعيط.

عشق في حضنها وبعياط: أنا أول مرة أحس الإحساس ده، عمري ما حسيته مع نسرين أبداً، كنت بكدب نفسي، أنا شوفت حاجات كتير أوي في حياتي كنت محتاجة فيها. أسيل بعياط: آسفة يا حبيبتي، عمري ما هسيبك تاني أبداً. كمال بغيرة: وأنا إيه؟ شفاف؟ ضحكوا الاتنين وكمال انضم لحضنهم وحضنوا بعض هما التلاتة والممرضة واقفة بتعيط. ما هي إلا لحظات ودخلوا نورين وريم. الاتنين في صوت واحد: بتعملوا إيه؟ مش وقت حنية خالص.

أسيل وهي بتمسح دموعها: إيه يا بت انتي وهي؟ مالكوا؟ نورين: إحنا واقعين في مشكلة ومافيش حد هيحلها غير عشق، وبعدين بصت لعشق: ممكن تساعدينا؟ عشق بحب: لو أعرف طبعاً مش هتأخر. ريم: بصي، في واحدة صاحبتي في طولك كده ونفس حجمك وكل حاجة ومحجبة كمان، وهي مسافرة واحنا لازم نساعدها علشان نشتري ليها فستان الفرح. عشق: طب وأنا أعمل إيه؟ نورين: المفروض إنك تقيسي الفستان ده، وطبعاً بالميك أب وكده وهنصورك ونبعته ليها، ها قلتي إيه؟

عشق: طيب، بس إمتى؟ ريم وهي بتشدها: حالا، يلا. نورين وهي خارجة وراهم، كمال مسك دراعها. كمال: كل ده مش داخل دماغي، ببصله. نورين: أنا مستعجلة، كلم اسر وهو هيقولك، يلا باي. ومشيت. بعد مرور ساعتين، في البيوتي سنتر، عشق لبست الفستان وكان تحفة جداً عليها. الفستان كان بأكمام واسعة وضيق عند الصدر ونازل على واسع وفيه فصوص ألماس بلمعة تحفة جداً جداً، ولفت الطرحة جميلة جداً.

عشق: أنا مش فاهمة، بقالي ساعتين هنا وبعد دا كله المفروض أقلعه؟ وشغلانة بقى. وبعدين انتوا لابسين كدا ليه؟ نورين: استحملي، كلها 3 ثواني تعرفي كل حاجة، يلا عدي معايا. 1. 2. 3. وإذا دخل رعد بهيبته والبدلة السوداء، بدلة العريس، ويبتسم ليها. رعد بابتسامة: مبروك يا حرم رعد الحناوي. عشق بمتاهة: ها، هو فيه إيه؟ رعد وهو ماسك إيديها: هتعرفي كمان شوية، يلا بينا. ريم ونورين واقفين بيضحكوا. عشق: همشي كده؟

رعد في سره: يخربيت الغباء. رعد خد نفسه: آه، تعالي بس. عشق ماشية معاه وهي تايهة. وما هي إلا دقائق ووصلوا إلى فيلا رعد، لأنها كانت قريبة من البيوتي سنتر. عشق نزلت من العربية ودخلت الفيلا ولقيت الجنينة مليانة ناس ومتزينة بطريقة تحفة، وهي داخلة في ورد على الأرض. عشق ماشية بفرحة، وأول أما وصلت عند البوابة في ورد نزل من السما عليها هي ورعد. عشق فرحانة بالورد أوي. الناس كلها بتسقف وعشق ورعد داخلين.

وأسر ونورين وريم ماشيين وراهم وبيضحكوا. رعد وعشق وصلوا نص الجنينة ورعد سابها ومشي، وعشق واقفة وعينها بتدور على حد معين، وهي (نورررررررررر) عشق كانت هتعيط بس سمعت صوت مايك ولفت ولقيت نور واقفة على الاستيدج. نور في المايك: إنتي عارفة يا عشق إني بحبك صح؟ (وبتمسح دموعها) حتى لو طلعنا مش أخوات، هفضل أحبك، وإنتي أكيد هتحبيني، ولا معاملتك هتتغير؟ (وبتمسح دموعها وبتضحك) عشق بدموع جريت عليها وطلعت على الاستيدج وحضنتها.

عشق: أنا عمري ما هسيبك وهفضل أحبك على طول، مش لازم تكوني أختي بالدم، إنتي اللي عيني فتحت عليها. نور بعياط: أوعي تسبيني يا عشق، أنا من غيرك أموت. الناس كلها متأثرة وفي اللي بيعيط. نور: أنا مش قادرة أتخيل إنك... قاطعتها عشق: شششش. (وبتمسح دموعها ودموع أختها) إنتي عايزة تبوظي فرحتي ولا إيه؟ نور بضحك: لا طبعاً، ألف مبروك يا حبيبتي. رعد مسك المايك: احم احم، إحنا هنقضيها أحضان ولا إيه؟

رعد مسك إيد عشق وقعد على الأرض ومعاه المايك. رعد بحب: مدام عشق الحناوي، أنا رعد الحناوي، أعترف قدام العالم إني حبيتك يوم ما شوفتك، أول لحظة وأول دقيقة شوفتك فيها حبيتك، عمري ما حسيت معنى الحب إلا معاكي، أنا كنت رعد اللي ديماً رافض أي تعامل مع واحدة، من نظرة منك اتغيرت خالص، وأنا بقول قدام الناس كلها بحبك، بحبك وهعمل أي حاجة علشان تكوني مبسوطة ومستعد أضحي بروحي. (وضحك) هي جايه متأخرة بس ملحوقة.

رعد بحب: تقبلي تتجوزيني؟ عشق بدموع هزت راسها بنعم. رعد قام من على الأرض ولبسها الخاتم وحضنها وداخل بيها. رعد بصوت عالي وسط تسقيف الناس: بحباااااااااااااااااك. ونزلها ورقصوا مع بعض سلو. بعد مرور ساعات، الحفلة خلصت ورعد وعشق راحوا أوتيل. عشق بتوتر: أنا حابة أشكرك على اللي عملته معايا النهارده. رعد حضنها من ضهرها وبحب: أنا مش عايز شكر، كفاية بس إنك تحبيني.

عشق: أنا مش بحبك، أنا عشقتك يا رعد، أنا فعلاً في الأول كنت بكرهك، بس معرفش حبيتك إمتى وإزاي. رعد بحب: وأنا مش عايز غير إنك تحبيني. عشق حضنته ورعد بادلها الحضن. (نسيبهم بقى ونروح الشر 😂) في مصر، في مكان آخر بيتفقوا عصابات الشر. (عمر -امير -جميلة) عمر خرج من السجن بنفوذ امير. امير: كل واحد فهم هيعمل إيه. جميلة بغل: آه. عمر: أنا بردو مش فاهم، أعمل إيه؟

امير: أنت غبي يلا، أنت هتروح لريم وتتمسكن عليها شوية لحد أما تصدقك وتروح مكان تشربوا فيها حاجة وأنا هكون مظبط ليك الدنيا وعيش بقى. عمر بطمع: أنا مش عايز ريم بس، واخت رعد علشان أندمه على اللي عمله معايا. امير بص لجميلة. جميلة بدون رحمة وغل: أنا كل ده ميهمنيش، كل اللي يهمني موت رعد وفلوسه بس. عمر بشر: يبقى اتفاقنا؟ جميلة: أنت هتجيب عشق البيت عند عمر إزاي؟

امير: مالكيش دعوة، أنا ماشي ومش عايز أي مكالمة غير لما العملية تخلص، مفهوم؟ جميلة: طيب.