رواية عشقت الرعد الفصل الثالث عشر 13 - بقلم أسماء محمد

في صباح يوم جديد، نورين تجري وحاطة الهاند فري، وشخص يجري وراها. "نورين نورين" وضع يده على كتفها. نورين اتخضت وبطلت جري وشالت الهاند فري. "نعم عايز إيه؟ وبعدين إنت إزاي تسمح لنفسك تحط إيدك على كتفي؟ جاسر رفع حاجبه. "أنا حر، مراتي." نورين قربت منه. "نعععععععععم يا عمر مراتك؟ دا إيه؟ بقولك إيه يا كابتن فكك مني، سلام." ومشت. جاسر مسكها. "وراكي حاجة النهاردة؟ نورين بعند.

"ملكش دعوة، ثم إنت إيه بارد جبله معندكش دم، عيل رخيم." وسابته ومشيت. جاسر بص على نفسه من فوق لتحت. جاسر رفع حاجبه وكلم نفسه. "أنا عيل وكمان رخيم؟ طيب يا نورين أنا هوريكي مين العيل." ولبس النضارة ومشي على فيلا الدمنهوري. نور راحة جاية في الأوضة بخوف وقلق. "يارب أعمل إيه يارب." نسرين كانت واقفة على الباب. "مالها دي قلقانة ليه كدا؟ استر يارب." في فيلا الحناوي، في أوضة رعد. عشق على السرير ورعد واقف بيحط بيرفوم.

"رايح فين؟ "رايح ألعب، إيه يا عشق؟ هروح الشغل." عشق قامت من على السرير وهي داخلة الحمام. "خلي بالك، أنا ونورين خارجين النهاردة." "تمام، خلي بالك من نفسك." وخرج. عشق باستغراب. "ماله ده؟ ودخلت الحمام. في بيت أسر. ريم قاعدة في أوضتها وكل شوية تبص في الفون. أسر خبط عليها. "ادخل." "روحي يلا تعالي كلي." ريم ابتسمت. "لا ماليش نفس، كل إنت." أسر قعد جنبها. "مالك يا حبيبتي؟ ريم بحب.

"معرفش، بس خايفة أوي من إيه مش عارفة. أقولك على حاجة؟ بابا وماما وحشوني أوي، مافيش يوم بيعدي عليا غير ولازم افتكرهم، نفسي أشوفهم، عايزة أرحلهم وياخدوني في حضنهم." ودمعت. أسر. "بعد الشر عنك، كده تسيبي أخوكي لوحده؟ طب مين هيرزل على مراتي ومين اللي هخش المستشفى بعد أكلة؟ ريم وأسر ضحكوا. أسر حضنها وريم بادلته الحضن. "ربنا يخليك ليا." "ويخليكي ليا وميحرمنيش منك أبداً." "وراك حاجة النهاردة؟ "أبداً، عايزة حاجة؟ ريم بتوتر.

"لا، أصل عايزة أروح النادي شوية، ممكن؟ "أكيد طبعاً، هتروحي إمتى؟ "الساعة 5." أسر باستغراب. "اشمعنى يعني؟ ريم بتوتر. "ها، عادي يعني." "ماشي يا حبيبتي، خلي بالك من نفسك." وقام راح الشركة. في الشركة. رعد وأسر بيتابعوا شغلهم. "مالك سرحان في إيه؟ "مش عارف، ريم غريبة أوي وأنا حاسس بحاجة غريبة." "حاجة إيه دي؟ "مش عارف، ودا اللي مجنني." "تلاقيك بس مانمتش كويس." أسر هز رأسه وبيتابع عمله هو ورعد. فون أسر رن برقم غريب. "الو؟

"أستاذ أسر." "أيوه، أنا مين حضرتك؟ "أنا نسرين، والدة ريم وعشق، قصدي." "أيوه أيوه، خير حضرتك؟ *** مساء، وخاصة الساعة 5. ريم وصلت النادي وبتلف يمين وشمال في نفس الوقت. نور دخلت من باب النادي وواقفة بخوف. عشق ونورين قاعدين على الكافيه. ريم دخلت الكافيه وبتلف يمين وشمال. قلت عشق ونورين اتوترت وراحت ليهم في نفس الوقت. كانت نور دخلت الكافيه وبتبص في الفون. "نور نور." نور بصت ليها واتوترت وراحت ليهم. الكل بيبص لبعض.

"في إيه مالكوا؟ نور وريم في وقت واحد. "إنتوا بتعملوا إيه هنا؟ ومافيش حد في النادي ليه كدا؟ "إنتوا اللي بتعملوا إيه؟ نور وريم في نفس الوقت. "أنا جالي رسالة تهديد." عشق ونورين بخوف. "رسالة تهديد؟! وإذا ظهر عمر وأمير وبيسقفوا. "منورين." "وبحب منورة عزيزتي عشق." عشق بصدمة. "أمير! باقي البنات في صوت واحد. "عمر! عمر بخبث. "مفاجأة مش كده؟ وبعدين لقوا رجالة جايبين واحد متكتف، ولما قرب منهم. البنات بخوف وعياط. "أسر!

ريم بعياط. "أسر إنت بتعمل إيه؟ أسر بيحاول يفك نفسه ومافيش فايدة. "منور يا أسر بيه، كان نفسي رعد بيه يكون موجود." أسر بغضب. "قسمًا بالله يا كلب لو قربت لحد منهم هكون قاتلك." نور بعياط. "أنا خرجت من السجن إمتى؟ "أنا اللي خرجته." "إنت عايز إيه؟ في الوقت ده نورين حاولت تطلع الفون وترن على رعد. "بحبك عزيزتي." في فيلا الحناوي. رعد قاعد قدام الاب توب وفونه رن برقم نورين. "نعم يا ناني؟ وهنا سمع الحوار اللي بيحصل. رعد بخوف.

"نورين! عشق! نورين! الو الو." وقفل واتصل على جاسر. "أنا جاي حالا." رعد وهو بيركب العربية. "مافيش وقت، أنا هبعتلك العنوان." "إنت عرفت المكان منين؟ "بعدين يا جاسر، بلغ البوليس وتعالى." "طيب طيب جاي." في فيلا الدمنهوري. "إزيك يا نسرين؟ نسرين قامت. "إنتي بتعملي إيه هنا؟ مش كفاية اللي حصلي من تحت راسك؟ "هههههههههههههه، كان نفسي تفرحي والله، بس للأسف مش هتلحقي." "نعم، قصدك إيه؟ جميلة بغل.

"جاية أشمت فيكي وأقولك إن النهاردة آخر يوم هتشوفي فيه عشق ونور. جايه أقولك إنك خلاص خسرتي كل حاجة." "إنتي بتقولي إيه؟ جميلة بصت وراها. "هههههههههههههه، إنتي نورتي يا هلا بأختي العزيزة." "إنتي إيه يا شيخة بتعملي كده ليه؟ جميلة بغل. "عشان إنتي أحلى مني، كل الناس بتحبك وأنا لا، حتى الإنسان الوحيد اللي حبيته حبك إنتي واتجوزك. ماكنش قدامي غير إني أفرقكوا عن بعض." أسيل بوجع على أختها.

"إنتي إنسانة مريضة نفسياً، ربنا يعلم قد إيه بحبك، عمري ما كنت أتوقع منك الغل ده كله، ربنا يهديكي." "دلوقتي أقدر أمشي، باي باي." أسيل قعدت على الكرسي تعيط. ونسرين راحة جاية بقلق من كلام جميلة. جميلة كانت خارجة من الفيلا وماشية في الشارع. في عربية جت من وراها وقتلتها.