رواية عشقت الرعد الفصل الثاني عشر 12 - بقلم أسماء محمد

بعد مرور شهر. في فيلا رعد الحناوي. عشق نازلة من على السلم ونورين معاها وبيضحكوا. جرس الباب رن وفتحت الدادة ودخلت نسرين. عشق أول أما شافتها كشرت. نورين: طيب بعد إذنكوا. نسرين بحب وحنية: عاملة إيه يا عشق؟ عشق: شيء ميخصكيش. نسرين بدموع: عشق، إنتي نسيتي كل حاجة لمجرد غلطة. ليه يا عشق؟ عشق، أنا كل يوم بموت وأنا مش عارفة أقرب منك ولا آخدك في حضني زي زمان. عشق بجمود: عارفة لو يوم القيامة دلوقتي مش هسامحك.

نسرين بحزن ودموع: طب حطي نفسك مكاني لما تعرفي إنك مش بتخلفي. عشق قاطعتها: طب على الأقل استني وشوفي حكمة ربنا خلاكي تخلفي وتكوني أم. إنتي مش ضريتي نفسك بس إنتي ضريتي عيلة ودمرتيها. سيبنا بقى نعيش الباقي من عمرنا مرتاحين، وبعد إذنك عشان عندي مشوار. وسابتها ومشيت. نسرين واقفة بتعيط ومشيت بخيبة أمل وعياط. رعد واقف على السلم وكان سامع كل حاجة. عشق بعد أما نسرين مشيت فضلت تعيط. أسيل: طب اهدي، بتعيطي ليه بس؟

عشق: صعب أوي استحمل اللي بيحصل معايا ده. أنا تعبت، ليه أتوجع من أقرب الناس ليا. أسيل مشت إيديها على شعرها. رعد: سيلا، سيبنا لوحدنا ممكن. أسيل سابتهم ومشيت. رعد بحنية: بصي يا عشق، هي غلطت وأنا معاكي إنك تفضلي كدا وده حقك. بس فكري شوية، شوفي مين فضلت معاكي وكبرت لحد أما بقيتي دكتورة. شوفي مين اللي لما بتكوني في مصيبة بيساعدك. باختصار، حطي الحاجات الكويسة اللي عملتها معاكي وشوفي إذا كنتي تقدري تسامحيها ولا.

عشق بدموع: لو إنت تقدر تسامح أمك، أنا كمان هسامحها. رعد في لحظة دي حس بغضب وقام وقف. رعد بغضب: عشق، انسي كل اللي قلته. بس حابب أقولك حاجة، جميلة هانم مش زين. نسرين بوجع، فيه فرق كبير أوي بينهم. وسابها ومشي. عشق زادت في العياط. في مكان آخر. نورين لما سابت عشق خرجت تتمشى وماسكة الفون. وفجأة جه حرامي وسرق منها الفون. نورين بصريخ: حراااامي. وواقفة بخوف.

لحد أما شخص قالها: اتفضلي يا آنسة فونك أهو. والحرامي سلمته لأمين شرطة كان ماشي. نورين بتوتر: شكراً يا. عمر: عمر، اسمي عمر. نورين بابتسامة: شكراً يا أستاذ عمر. عمر بود: قولي يا عمر، وممكن نكون أصحاب. ومد إيده يسلم عليها. نورين بابتسامة: أكيد. ومدت إيديها تسلم عليه. عمر بمرح: إيه رأيك نشرب حاجة؟ نورين: خليها وقت تاني، لأن المفروض أمشي دلوقتي. عمر: طب إيه رأيك بكره كويس؟ نورين: إن شاء الله، بس احتمال أجيب معايا حد.

عمر بخبث: تنور. نورين اتفزعت على صوت حد بغضب: نوووورين. نورين بخوف: نعم حضرتك. جاسر: إنتي بتعملي إيه ومين ده؟ نورين: وإنت مالك، غريب أوي. وبعدين بصت لعمر تمام، على اتفاقنا. بعد إذنك. وسابته ومشيت. جاسر ماشي وراها بغضب لحد أما مسكها من دراعها. جاسر: بت، إنتي اتعدلي معايا فاهمة؟ نورين بوجع: إنت عايز إيه مني؟ وبعدين إنت مالك؟ جاسر بغضب: قسماً بالله يا نورين، لو شفتك معاه في أي وقت وأي مكان هكون قاتلك، سامعة؟

نورين بتريقة: وده بمناسبة إيه بقى إن شاء الله؟ جاسر بتحدي: بمناسبة زوجك المستقبلي يا عمري. وسابها ومشي. نورين لسه بتستوعب: نعم؟ هههههههههههه، دا بيهزر. ومشيت عادي وراحت البيت وهي بتفكر في عمر. ودخلت الفيلا وهي بتضحك. عشق: إيه اللي واخد عقلك؟ نورين: اسكتي يا عشق، لحسن هو أي طول بعرض حاجة كدا تفرح القلب. عشق: هههههههههههه، هو مين ده؟ آآآه، ليكون جاسر. إنتوا متفقين بقى سواء؟ نورين بعدم فهم: متفقين إزاي؟ مش فاهمة.

عشق بضحك: أصل جاسر لسه طالب إيدك من رعد. هههههههههههه. نورين بصدمة: نععععععععم؟ عشق باستغراب: إيه مالك، في إيه؟ نورين: بس أنا مش عايزاه. عشق: ليه؟ نورين: عشان بحب واحد تاني. عشق: تعرفيه من امتى واسمه إيه؟ نورين بهيام: أعرفه من امتى؟ لسه دلوقتي. اسمه إيه؟ اسمه عمر وهقابله بكرة وقلت له إنك هتيجي معايا. عشق: نهار أسود! إنتي عارفة لو رعد عرف هيعمل فيكِ إيه ولا فيا أنا؟

نورين: بصي، إحنا هنقول إننا رايحين نجيب حاجة. ولو مش عاجبك، هوافق على جاسر. ها، إيه رأيك؟ وبعدين تعالي هنا، إنتي مش كنتي مش بتطيقه. إيه اللي جرا؟ عشق: طلع كل اللي عمله معايا عشان مصلحتي وإنه خايف عليا. هبقى أفهمك بعدين. المهم، معاكي صورة ليه؟ نورين: هو أنا لحقت أتكلم؟ ما أنا لقيت عم حزومبل ده جاي بيزعق. عشق: هههههههههههه، حزومبل. طيب يا أختي، أنا هروح أعمل نسكافيه، تيجي معايا؟ نورين: اوكي، يلا. في المساء. في بيت أسر.

ريم: أسر، أسر. أسر: نعم. ريم: هو إنت مش ناوي تقول لنور إنك بتحبها؟ أسر: وإنتي عرفتي منين إني بحبها؟ نور بضحك: عيب لما أكون أختك ومش عارفاك ولا أحس بيك. أسر ابتسم: ماشي يا خلبوصة. عايزة إيه؟ نور بحب: عايزة إك تروح وتطلب إيدها. أسر باستعباط: خلاص، طالما إنتي عايزة كده يبقى بكرة بليل نروح نخطبها سوا. ريم ضاقت عينيها: طالما أنا عايزة، مش إنت. وحدفت المخدة في وشه. أسر: أه يا بنت الـ. وفضلت تزغزغ فيها وهي تضحك.

ريم: خلاص والنبي يا أسر. خلاص هههههههههههه، خلاص بقى هههههههههههه. أسر قام وهو بيضحك وهي كمان بتضحك. أسر: أنا داخل أعمل أكل بدل غسيل المعدة اللي بعمله كل شوية بسببك. ريم طلعت لسانها ليه، وأسر دخل المطبخ. وبعد دقايق، رسالة وصلت على فونها. المحتوى: (لو خايفة على نورين، قابليني بكرة في كافيه نادي المعادي الساعة 5 المغرب. وأوعي حد يعرف وإلا اقري الفاتحة على ناني هههههههههههه) ريم بخوف: مين ده؟ ونورين إيه دخلها؟

أسر: إيه مالك؟ ريم: ها، ولا حاجة. بس نورين بعتت ماسج وقالت إن في عريس اتقدم ليها. أسر: بجد؟ مين ده؟ ريم: جاسر. أسر: هههههههههههه، هو عملها. طيب يلا تعالي كلي. ابتسمت ريم بتوتر وقعدت تاكل. في فيلا الدمنهوري. نور قاعدة على الاب توب. ولقت رسالة جت ليها. وكانت نفس محتوى رسالة ريم، بس باختلاف الاسم بدل نورين، عشق. نور بخوف: عشق. نور بزعيق قامت جري. نور: ماما، مامااااا. نسرين: في إيه مالك؟

نور كانت هتقول لأمها، بس افتكرت إن الرسالة فيها تهديد إن محدش يعرف. نسرين: إيه؟ في إيه؟ نور: ها، عملتي إيه عند عشق؟ نسرين: لسه واخدة على خاطري مني. نور: ربنا يحنن قلبها. وسابتها ودخلت أوضتها وهي قررت إنها تروح المكان ده بكرة. في فيلا الحناوي. في أوضة رعد. عشق قدام المرايا. عشق: رعد، رعد. رعد بغضب: عايزة إيه؟ عشق قربت جنبه على السرير. عشق بدموع: أنا آسفة. متزعلش مني. أنا اللي مريت بيه صعب حد يستحمله.

رعد قلبه وجعه من دموعها وقرب منها ومسح دموعها. رعد: أنا مش زعلان خلاص. وبعدين بلاش دموع عشان غالية عليا أوي. عشق ابتسمت له بحب. رعد: بحبك. عشق: آه، صح. أنا ونورين رايحين بكرة نشتري شوية حاجات. رعد بغضب: يخربيت أم الفصلان! إنتي إيه مش عندك رومانسية نهائي؟ عشق حركت رأسها زي الأطفال: توء توء. رعد رفع حاجبه: والله؟ طيب. وابتدي يزغزغ فيها. (نسيبهم بقى في حبهم وعشقهم 😂) في أوضة نورين. عمر اتصل بيها. نورين: الووووو.

عمر: آنسة نورين. نورين: أيوه، مين؟ عمر: أنا عمر. نورين: آه، ازيك. عمر: تمام. أنا اتصلت عشان غيرت الميعاد. بكرة الساعة 5 المغرب في كافيه نادي المعادي، يناسبك؟ نورين: أكيد تمام. نتقابل هناك. عمر قفل معاها. أمير: دول أول دفعة من الفلوس، عشرين ألف. وهتاخد زيهم بعد المهمة تخلص. عمر: اشطا. بس هتعمل إيه مع جميلة؟ أمير: دي واحدة أنانية أصلاً. وأنا معرفش إزاي ترضى كده على بنتها. بس ليها موتة محترمة عندي.

أمير وعمر في صوت واحد: هههههههههههه.