رواية عشقت التميم الفصل العاشر 10 - بقلم الكاتبه رنوشه

غيث بهيبته وهو بيقعد على مكتبه بيتكلم ببرود: إيه يا ليث، احكي. ليث بضحك: اللوا مطلعنا مهمة في مكان مرشق مزز. غيث بيأس على أخوه: المهمة فين؟ ليث: المهمة في قرية الحوريات. غيث رفع حاجبه بإستغراب: قرية حوريات؟! موجودة فين على الخريطة دي؟ ليث ببساطة: أنا اللي سميتها كده، فيها شوية بنات جمالهم معدي جمال الحوريات. غيث بيحاول يهدي نفسه: امشي اطلع عشان متغباش عليك. ليث بيشوح بإيده: ماشي، بس متزقش. عمر: ماما. أماني:

إيه يا نيلة. عمر: بقى أنا بقولك يا ماما وإنتي تقوليلي يا نيلة، فين التقدير يا أما؟ أماني رفعت صباعها في وش عمر بعصبية: ولا بقولك إيه، مبحبش كلمة ياما دي. عمر: الحقني يا زياد، مراتك هتاكلني. زياد جاي من المطبخ بيضحك: أمك جبارة، محدش يقدر عليها، بتخليني أنا أعمل الأكل. زياد راح باس صباع أماني اللي رافعاه في وش عمر وخدها في حضنه بيراضيها زي الطفل: مالك بس يا أمونة، إيه اللي مزعلك؟ عمر بيخبط كف على كف:

يا حول الله يا رب، أم وأب ما يعلم بيهم إلا ربنا، دي آخرة اللي يجوز عياله صغيرين. غزل وهي بتتاوب: مالك يا ضنا، عامل دوشة على الصبح كده، ما تغور تتخمد. عمر: بس يا جحشة. بيكمل وهو بيظبط ياقة هدومه بفخر: معايا فرح. غزل بفرحة: احلف. عمر: والله معايا فرح، في إيه؟ غزل: خدني معاك والنبي. عمر بملل من أخته عارف إنها زنّانة ومش هيخلص منها: ماشي، بس انجزي، البسي بسرعة، لو اتأخرتي هسيبك وأمشي. غزل: وربنا فوريرة.

بتجري من قدامه وهو بيقعد يضحك عليها. منه: حازم. حازم: نعم يا أمي. منه: كنت رايحة مشوار كده وعايزاك تيجي معايا. حازم بإستغراب: مشوار إيه ده؟ منه بقلق: عند هبة. حازم بيفرح لما بيتخيل إنه هيشوف سيلا بعد فترة طويلة مشافهاش: ماشي، معنديش مانع، هتروحي إمتى؟ منه بفرحة: يعني بجد موافق تروح؟ حازم بإستغراب لفرحة أمه الغريبة: أيوه موافق، في إيه يعني؟ منه: مفيش يا حبيبي، روح جهز نفسك بس.

بيروح حازم يجهز نفسه ومنه بترن على هبة تعرفها إنها هتيجي هي وحازم. هبة: مصطفى يا حبيبي. مصطفى: نعم. هبة: منه جايه انهارده هي وابنها حازم. بتيجي تجري من جوه أول ما تسمع اسم حازم بتتكلم بفرحة ولهفة: بجد يا ماما، حازم هيجي معاها؟ مصطفى بيبص لبنته بحدة: في إيه يا سيلا؟ سيلا بإحراج: أنا آسفة يا بابا، بس هما كانوا وحشوني. عن إذنكم. هبة بلوم: مكنتش أحرجتها يا مصطفى كده. مصطفى بخنقة: أهو اللي حصل. أنا رايح آخد دش.

هبة بتمسك في هدومه: مصطفى، في حاجة مضيقاك؟ مصطفى بضيق: حاسس إن بنتك بتحب حازم. هبة بإستغراب: وإيه المشكلة؟ مصطفى بيمشي وهو مضايق: مش هتفهمي حاجة، مش هتفهمي حاجة. مايا: مامي. مني: إيه. مايا: أنا خارجة. هبة وهي بتربع إيدها قدام صدرها بعدم رضا: رايحة فين يا شملولة؟ مايا: انهاردة عيد ميلاد صاحبتي. هبة: خدي أختك خلود معاكي وروحو. مايا بخنقة: ماشي. هبة: ياختي مش في ركبك إن شاء الله، ما غورتي حتة، هي ناقصة قرفكم على الصبح.

روز: يزيد، ممكن ملكش دعوة بيا ومتوقفنيش تاني. يزيد: يا روز، أنا بحبك. روز: يزيد، أنا حذرتك كتير، المرة الجاية تصرفي مش هيعجبك، ابعد عني أحسن لك. يزيد لسه هيمسك إيدها بيلاقي لكمة نزلت على وشه و...