رواية عشقت التميم الفصل التاسع 9 - بقلم الكاتبه رنوشه

تميم: أحب أقولك إن فرحي الخميس الجاي. ندي بتفرح بس بتلم ضحكتها لما بيكمل كلامه. تميم: هتجوز رانيا. ندي بغيظ: نفسي أعرف هي أحلى مني في إيه؟ زياد بيروح ورا أماني الحفلة وفي إيده كرتونة شيبسي. أماني لما بتشوفه بتجري عليه: لا راجل راجل يسطا وقد كلمتك. بتكمل بجدية: احم احم سوري يا حضرة الظابط. زياد: إنتي حد لاعب في فيوز مخك وإنتي صغيرة؟

أماني: لا بقي مش عشان احترمتك هتاخد وتدي معايا في الكلام، هات الكرتونة دي ويلا يابا ورينا عرض كتافك. زياد: مفيش كراتين شيبسي. أماني بسرسجة: لا بقولك إيه فاكرني هخاف وأكش عشان إنت ظابط؟ لا يابا إحنا ما بنهبش حد. زياد بيبصلها ببلاهة: إنتي إيه... إذا كان كلك على بعضك خمسة سانتي جايبة الثقة دي كلها منين؟ أماني وهي بتمسك ياقة هدومها بفخر: لا دي حاجة كده رباني. زياد بيرمي عليها كرتونة الشيبسي: خدي على الله تشبعي.

أماني بتفتح عينيها بصدمة: قصدك إني طفسة؟! زياد ببرود: أيوه. أماني: شفتني فين إنت عشان تقول عليا طفسة؟ زياد بدون وعي: أومال كنت بستناكي تحت البيت في العربية ليه؟ كنت براقبك. بيستوعب اللي هو قاله وبيحاول يغير الموضوع: هو باباك فين؟ أماني بضحك على شكله وبتشاورله: بابا هناك أهو. زياد: طب استأذنك أنا. أحمد: إيمان. إيمان: ها؟ أحمد بغيظ: في واحدة محترمة تقول لجوزها المستقبلي "ها"؟ إيمان بتناحة: آه عايز حاجة؟

ده إذا رضيت بيك. أحمد بضحك: ههههه دمك خفيف. كمل بجدية: ده غصب عنك. إيمان بتحدي: طب وريني إزاي هتجوزني غصب؟ بيخلص عيد الميلاد والكل فرحان ما عدا ندى بتشيط. بيجي يوم الخميس اليوم المنتظر. حنان بتدخل على إيمان ورانيا وأماني الأوضة وهي بتزغرت: مبروك يا حبايب قلبي. التلاتة بإستغراب: في إيه؟ حنان: متقدم لكم عرسان. أماني: طب ما إحنا عارفين، إيه الجديد يعني؟ إيمان هتتجوز أحمد ورانيا هتتجوز تميم، أيوه يعني فين الجديد في كده؟

الأم: وإنتي متقدم لك المقدم زياد وفرحكم في يوم واحد. أماني بتهز راسها بدون وعي: أيوه أيوه فين الجد... بتفتح عينيها بصدمة: إنتي قولتي إيه؟ الأم: المقدم زياد متقدم لك. أماني: وإنتو قولتو له إيه؟ الأم بإستغراب: وافقنا. أماني: ورأيي أنا فين؟ الأم: خلاص هروح أقول لباباكي إنك مش عايزاه. أماني بتجري ورا

أمها وتمسكها من إيديها: لا خدي هنا مبقاش قفوشة كده الله، كنت بهزر معاكي أنا موافقة طبعًا، دهنهار عسل هيجيب لي كراتين شيبسي كتير. رانيا بتفوقها من سرحانها: صباح الفل، إنتي هتتجوزيه عشان يجيب لك شيبسي؟ أماني بجدية: أومال هتجوزوا ليه؟ عشان جمال عيونه؟ إيمان ورانيا بيضحكوا عليها. بيكون واقف قدام المرايا لابس البدلة بهيبته وبيظبط الساعة: إيه رأيك يا أمي؟

الأم بتحضنه: حبيب قلبي أمك، النبي حارسك يا ابني، هو في حلاوة ولا جمال كده؟ زياد وهو بيبوس راس أمه: ربنا يحفظك لينا يا ست الكل. بيدخل أبوه بعصبية: انت ياض ابعد عن مراتي. زياد بضحك: ما أنا ابنها يعني، جايبني من الشارع. الأب بعصبية أكتر بيشده من حضن أمه: قولت لك ابعد عن مراتي يا ابن الـ... زياد بمكر: بتشتمني نفسك؟ آه منك يا غيران. الأب: امشي من قدامي يا حيـ... الأم: ما تسيبه يا عاطف الله. أبو هبه: هبه يا حبيبتي.

هبه: نعم يا بابا. الأب: دكتور مصطفى متقدم لك. هبه بفرحة: بجد يا بابا؟ الأب: أفهم من كده إنك موافقة؟ هبه بلهفة: آه طبعًا موافقة. الأب: على خيره الله يا حبيبتي، ألف مبارك. هبه بتحضن أبوها: بحبك أوي يا أجمل أب. أحمد: تفتكر هتحبني يا تميم؟ تميم ببرود: يابني إنت أهبل، إنت مش بتشوف شكلها عامل إزاي لما إنت بتبقى موجود؟ أحمد: إزاي؟ تميم وهو مش عارف يوصف: يعني كسوف وطايرة من الفرحة وخايفة، متفهمش كده مالها؟

أحمد بضحك: بس عشان إنت عكيت الدنيا... إلا صحيح مشوفتكش قمت تلبس. تميم: هقوم شوية. أحمد بخبث: بتكلم مين؟ شات؟ تميم بإرتباك: ا... ده واحد صاحبي. أحمد بغمزة: صاحبك برضه؟ تميم بغيظ: عايز إيه ياض إنت؟ بكلم رانيا إنت مالك. أحمد: الله يسهله يا عم. أماني بهدوء: يا بنات. رانيا وإيمان بينتبهولها: خير. أماني بقلق: طب افرض زياد مجبليش كيس شيبسي ولا شوكولاتة ولا أي حاجة من اللي في دماغي أعمل إيه ساعتها؟ إيمان

بترميها بالمخدة بغيظ: يا شيخة غوري قطعتيلي خلفي. رانيا بضحك: وقتها أبقى أقول له طلقني. أماني: فعلًا ممكن أطلق لو مجبليش اللي أنا عايزاه... قوموا قوموا نجهز. إيمان: يلا فعلًا. رانيا بتكتب وهي ماسكة الفون: لحظة واحدة يابنات. أماني بمشاكسة: ده شكله بيثبتها من دلوقتي. رانيا: اتلمي يا أماني. أماني بتحط إيدها على خدها: آهيني اتلميت، أما نشوف آخرتها. منة بتلاقي الفون بتاعها بيرن: الو... مين؟

محمود: احم احم أنا محمود اللي كان معاك في المستشفى. منة بتفتكر: أيوه أيوه أهلاً بحضرتك، كان في حاجة؟ محمود بإحراج: هو أنا كنت عايز أجي أقابل الحاج. منة بإستغراب: حج مين؟ محمود: احم احم والدك. منة بحزن وهي بتفتكر الماضي: الله يرحمه. محمود: أنا آسف والله مكنتش أعرف. منة: لا ذنبك إيه، إنت عادي، متتأسفش. محمود بإحراج: احمم هو أنا كنت عايز أتعبك. منة بتوتر: مينفعش. محمود كشر: ليه؟ منة بقلق: عشان أنا حامل.

محمود: أيوه يعني كنتي متجوزة قبل كده، معنديش مانع. منة: لا ما اتجوزتش. الصورة بتوضح قدام محمود وبيضايه مجرد ما بيتخيلها. محمود بيقفل في وشها. ندي: عايز إيه يا فارس؟ فارس: ندي أنا بحبك وكنت عايز أتعبك. ندي بإستحقار وتعالي: ههه أنا أتعبك إنت؟ إنت آخر واحد ممكن أفكر أتعب. فارس: ندي ارجوكي اسمعيني. ندي بقرف: اخرج بره، أشكالك دي ملهاش مكان هنا. مني: الو مين؟ قاسم: معجب.

مني: احترم نفسك ومترنش هنا تاني، اللهي تنشك في إيدك ما تلحق تتهني. قاسم: يا ساتر يا رب، أعوذ بالله منك ومن لسانك. مني بتقفل في وشه. بيرن عليها تاني بترد وتتكلم بعصبية: عايز إيه يا بتاع إنت؟ قاسم: أنا قاسم يا مني. مني بغيظ: لما إنت زفت بتستظرف ليه؟ الكل بيجهز وبيجي وقت عقد القرآن. تميم وهو بيبص لرانيا بعيون كلها حب: أخيرًا يا رانيا، الحلم بقى حقيقة. رانيا بحب: حلمنا إحنا الاتنين وبقى حقيقة.

أحمد: احم احم بعتذر لقطع اللحظة السعيدة دي، بس المأذون وصل وكتب على الكل، مفيش غيركم يلا. تميم: خلاص ماشي جايين. رانيا: يلا. المأذون: بارك الله لكما وبارك عليكما. الزغاريت ملت البيت والكل مبسوط وفرحان. بعد مرور خمس سنين. أماني: فين كيس الشيبسي يا زياد اللي كان تحت السرير؟ زياد: أنا أكلته. أماني بصدمة: اللهي ياكلك كلـ... يا بعيد. زياد: في إيه يا بت بتدعي عليا على كيس شيبسي؟ أماني: عشان ده بتاعي. زياد: بفلوسي.

أماني بضيق: بقولك إيه طلقنييي. زياد: ماشي يا حبيبتي تعالي بس اقعدي. أماني: زياد. زياد: عيونه. أماني: أنا بحبك، متسبنيش. زياد: حاضر يا حبيبتي. أماني بعصبية: بتقول حاضر، طلقني يا زياد. زياد بنفاذ صبر: حبيبتي بعد ما تولدي هطلقك، ماشي؟ تعالي اقعدي، ربنا يهديكي. تميم: رانيا. رانيا: نعم يا حبيبي. تميم: غيث فين؟ رانيا: بيلعب مع بنت خالته. تميم: الواد ده طالع جدع لأبوه، عنده نظرة مبعدية. رانيا بسخرية: قصدك بصباص زي أبوه.

تميم وهو بيحضنها: هو اللي معاه القمر برضه يروح يبص برا على النجوم. رانيا بكسوف: كل مرة كده تثبتني بكلمتين. إيمان: أحمد تعالي شوف ابن أخوك السافل ده. أحمد بيضمها ليه: مالك يا حبيبتي كده متعصبة، أهدي... في إيه؟ إيمان بنرفزة: الواد غيث اللي مشافش بجنيه تربية حاضن روز. أحمد بضحك: هههه طالع لأبوه سافل... خلاص يا حبيبتي هروح له. مصطفى بيصحي هبه: هبه يا حبيبتي. هبه: هممم.

مصطفى: قومي يا قلبي شوفي منه جايه هي وابنها برا وبنتك لازقة في ابنها. هبه: بنتك دي مش متربية، روح الحقها، المرة اللي فاتت كانت هتديله بوسة. مصطفى بضحك: أنا مش عارف هي طالعة لمين.