رواية عشقت امير الصعيد الفصل الثامن عشر 18 - بقلم ايات الرحمن

أمير: صباح الخير. نزلت رضوى من غير ما تكلمه، مسك إيديها جامد. رضوى: سيب إيدي. أمير: في إيه؟ رضوى: مفيش، ممكن تسيب إيدي؟ أمير: اطلعي غيري اللبس ده. رضوى: مش هغير حاجة. أمير: أنا قولت اطلعي غيري اللبس ده يعني تطلعي. رضوى: مش هطلع أنا حرة، ما أنت لابس تيشيرت أهو ومعروف إن الصعايدة بيلبسوا جلابيب. ودي طبعًا أكتر حاجة بحبها في الصعيد. أمير: بس أنا مش صعيدي. رضوى: أومال عايش هنا ليه؟ أمير: أنا نصي مصري ونصي صعيدي.

رضوى بتبص ليه من تحت لفوق: هو اللي أنا شايفاه إن دماغك صعيدي مالوش حل، أما باقي الأعضاء من عند الرقبة مصري. أمير: هههههههههههههه. مصطفى بيبص عليهم هو والجد وعامر ويضحكوا. أمير: أنتي بلوة. رضوى: ههههههه أي خدعة. أمير: هههههه خدعة مش قادر، يلا اطلعي غيري هدومك عشان هتروحي عند عمتك حنان. رضوى: تؤ أنا هروح كده. أمير: تمام، عايز أشوفك هناك باللبس ده. هقطعه عليكي. ونزل وسابها. رضوى: نيني نيني غلس بس بعشق عيونك وضحكتك.

في بيت خلود بقيت خلاص كويسة وبتقدر تمشي عادي. مروان: إحنا بقينا أحسن أهو. خلود: أنا مش عارفة أقول ليك إيه يا مروان على وقفتك جنبي. مروان: مفيش شكر ولا حاجة، أهم حاجة بقيتي كويسة وخلاص. خلود: الحمد لله. مروان: الحمد لله، اجهزي بقى عشان هنروح عند خالتك حنان حنة بنتها النهاردة. خلود: هتاخدني معاك؟ مروان: مش همشي من غيرك. خلود: بجد؟ مروان: هتجهزي ولا أرجع في كلامي؟ خلود: لا وعلى إيه الطيب أحسن. مروان: طب يلا يا طيبة.

عند الدكتورة اللي كانت بتعالج ورد، قررت تروح تزور ورد عشان تشوف أمير، لكن بتقابل العكس بتقابل عمرو أخوه. عمرو نازل تحت وهي طالعة مع فوزية بعد ما الكل استقبلها كويس أوي. عمرو: فوزية التيشيرت الأسود الجديد فين؟ فوزية: مروان بيه لابسه. عمرو: وهو لابسه ليه؟ فوزية: ما اعرفش هو خده وخلاص. عمرو: شوفي هو راح فين وتجيبي التيشيرت منه. فوزية: هطلع الست عند الست ورد وأشوفه راح فين.

عمرو بيبص ليها بنت زي القمر عيونها زيتوني بشرتها بيضاء محجبة خدودها وردية حرفيًا كده جامدة جدًا. عمرو: فوزية روحي أنتي وأنا أوصلها. وبتوهان: يا بختك يا ورد. ماليكا: أفندم؟ عمرو: ها اتفضلي. بتدخل ماليكا مع عمرو عند ورد، ماليكا بتسلم عليها وبتتطمن على حالتها. ودي حالة عمرو حاليًا: 😮 كل واحد لقي الثنائي الخاص بيه، عمرو بيطلب من ماليكا تروح معاه وهي بتوافق، أما بالنسبة لورد أمير بيرجع ياخدها معاه.

حلو يكون لينا سند زي أمير كده مهما كان قاسي في معاملته معانا، فبيكون هو أكتر شخص في الكون كله بيخاف علينا، بس مش حلو إننا نغلط غلطة ورد، لأننا ممكن نخسر السند ده، نخسر ثقته وبعض الحب ونخسر الاحترام. ربنا يحفظنا كلنا يا رب. نكمل. ماليكا مع عمرو وخلود مع مروان وورد مع أمير ورضوى مع عامر. وسط الغنا والحفلة ورضوى بتضحك وماسكة إيد عامر والدها، فجأة شخص مجهول بيحاول يضربها بالنار. أمير بيقف قدامها والرصاصة بتيجي فيه.

رضوى: أمييييييير.