رواية عشقت براءتها الفصل السادس عشر 16 - بقلم زولة وحيد

قربت جويرية من كيان ببطء وحطت السكينة في رقبتها. كيان بخوف: آسر! آسر بغضب وصدمة: انتي بتعملي ايه يامجنونة انتي؟ جويرية: مش بعمل حاجة ياحبيبي، أنا برجع مكاني في قلبك وبس. كيان: قصدك ايه؟ جويرية وهي بتقرب السكينة أكتر لكيان لدرجة أنها نزلت دم: انتي اسكتي خااالص. آسر بغضب: جويرية ابعدي عنها والا هدفنك حية. جويرية: مش بيهم، المهم اني أخلص منها. وكان الدم بينزل أكتر وأكتر. كيان ببكاء: آسر البت دي مجنونة، اهرب.

آسر بهدوء: بصي ياجويرية، أنا هعملك اللي انتي عايزاه بس سيبي كيان. جويرية: عايزة الأملاك بتاعتك كلها يا آسر. آسر بسرعة: موافق. كيان بصدمة: آسر! جويرية: آخر طلب، عايزاك تطلقها وتتجوزني أنا وتجوزها لخويا وتروح تعتذر منه ع اللي عملته فيه. كيان بدموع: آسر لا، أرجوك متشمعش كلامها. جويرية: آسر قرر بسرعة، حبيبتك هتموت. آسر: أنا... أنا... كيان بدموع: آسر أرجوك لا. جويرية: آسر عندك 10 ثواني والا الهانم هتموت… وبدأت العد….

جويرية: 10. 9. 8. 7. 6. 5. 4. 3. كيان: آسر اوعك توافق. جويرية: 2…. آسر بسرعة: أنا موافق. جويرية بعدت عن كيان وراحت حضنت آسر. آسر أشار لكيان علشان تهرب. كيان قامت. بس جويرية وقفتها. جويرية: رجالي واقفين برا ومحاوطين القصر كله، مش هتقدرو تهربو، وفي رجالة كمان قصاد كل أوضة في القصر، يعني أقل خطأ كلهم هيموتو يا آسر.

آسر حس بغضب لأنه لأول مرة هو يكون خايف كدا. آسر الهواري عمره مخفش من حد، بس دلوقتي هو خايف ع أهله وع حبيبته. آسر: طب أنا هعمل اللي عايزاه، بس رجالتك ميعملوش حاجة لأهلي. جويرية: من عيني. فجأة في مأذون دخل ومعاه رجالة جويرية. جويرية: يلا ع الصالة، وقالت للرجالة يجيبو كيان. آسر بغضب: خليهم يبعدو عنها. جويرية: متلمسوهاش، بس أقل حركة منها تكسرو رجليها. الرجالة: أوكي. وأخدوها ع الصالة وكلهم قعدوا.

جويرية: الاتنين دول هيطلقو وهتجوزني لآسر. كيان: لا، أنا مش هطلق. آسر بجمود: كيان، انتي طالق. كيان بدموع: حبيبي، انت بتقول ايه؟ جويرية: متقوليش حبيبي بعد كدا. الشيخ عطا ورقة الطلاق لأسر. آسر وقع وعطاها ل كيان. كيان: أنا مش هوقع. جويرية: وقّعي والا روح وجاسر وطنط زينب وصاحب آسر كمان، كلهم هيموتو. آسر بغضب: وقّعي ياكيان، أنا معدتش عايزك. كيان حست بوجع في قلبها ودمعة كسرة نزلت من عينيها. جويرية: يلا وقعي ياعسل.

كيان أخدت الورقة ووقعت وهي بتعيط في صمت. آسر في نفسه: آسف، بس دة عشان أحميكي ياحبيبتي. كيان بتبصله كأنها بتقولو: كان ممكن نوقف جنب بعض ونقدر نتخلص من المشكلة دي، كان في مليون خيار تاني، بس انت اخترت الخيار الأصعب لينا الاتنين. جويرية: يلا حبيبتي اطلعي من بيتك. كيان: مش هطلع. جويرية بضحكة شر: دانتي عينك قوية، دة دلوقتي بيت جوزي مش بيتك ياهانم. كيان: بس انتو متجوزتوش، وكمان أنا هفضل هنا لحد ما أولد.

جويرية وآسر بصدمة: اييييه؟ كيان: أيوه، أنا حامل بابنك يا آسر، ومش هطلع من هنا غير وانا مأمنة ع مستقبل ابني….