رواية عشقت براءتها الفصل السابع عشر 17 - بقلم زولة وحيد

كيان : أيوه أنا حامل بابنك يا أسر ومش هطلع من هنا غير وأنا مأمنة على مستقبل ابني. أسر بهدوء: أوكي. جويرية بغضب: بس… أسر: خلاص يا جويرية هي هتقعد لحد ما تولد وهتروح. جويرية: آه بس هي هتقعد في أوضة لوحدها وأنا وأنت مع بعض. أسر: طب خلينا أول نتجوز وبعدها نشوف حل للموضوع ده. كيان قامت وهي كاتمة غضبها ودموعها، راحت على أوضة أسر وأخدت هدومها وهي بتعيط. بعد وقت كيان لمّت كل هدومها تقريبًا، أسر دخل.

أسر بفرح: حبيبتي انتي بجد حامل؟ كيان بصتله بقهر وغضب: انسى إنه ابنك، هو صح هياخد اسمك بس مش هخليه يشوفك ولا يسمع عنك، ولا أنت… أسر: مسكها من إيديها ورجعهم لورا ضهرها. كيان بتوتر: أسر… أسر قرب من ودانها. أسر: انتي ليا أنا وبس، واللي في بطنك ده ابني ومش هتطلعوا من القصر ده خالص، وأخو… مستحيل يتجوزك أو يلمسك، انتي بتاعتي أنا وبس يا كيان. وباسها من خدها وبعد. كيان كانت بتبصله بتوتر. أسر: اطلعي قبل ما أعمل حاجة تانية.

كيان طلعت بسرعة ونسيت شنطتها. جويرية دخلت. جويرية: دي كانت بتعمل هنا إيه؟ أسر: ولا حاجة، هي بس جت تاخد هدومها وباين إنها نسيتها، هروح أوديهالها. جويرية قربت منه وحطت إيدها على صدره بدلع: بس متتأخرش. أسر: بعد عنها بضيق وراح بسرعة على أوضة كيان. كيان كانت طالعة من الحمام ولافة الفوطة على جسمها. أسر دخل واتفاجئ من منظرها، كانت حلوة أوي. شهقت أول ما أسر دخل وجريت على الحمام وقفلته. أسر بابتسامة: مالك يا أم ابني؟

كيان بغضب: اطلع يا أسر. أسر: مش هطلع. كيان: هو انت ناسي إني دلوقتي محرمة عليك؟ أسر: بس انتي أم ابني. كيان: ده مش معناه إنك تشوفني كدا. أسر فتح الباب وحاصرها مع الحيط. أسر: هشـ.ـوفك بأي لبس وهنام معاكي كمان. كيان بغضب: بس ده حرام. أسر: بس احنا متجوزين. كيان بسخرية: هو انت عندك زهايمر؟ أسر بابتسامة: انتي اللي مش ذكية ياهانم، إحنا مطلقناش. كيان بعدم فهم: قصدك إيه؟

أسر: كل حاجة أنا وجاسر كنا مخططين لها، المأذون أول ما طلع من القصر قطع الورقة وأنا رديتك دلوقتي. كيان حضنته بفرح: أنا بحبك أوي يا أسر، كنت عارفة إنك مش هتسيبني بالسهولة دي. أسر: آه بس لازم ناخد حذرنا يا كيان، الإنسانة دي خطيرة أوي. كيان بدموع: وانت إزاي هتقعد معاها في نفس الأوضة؟ أسر وهو بيمسحلها دموعها: متقلقيش، أنا هعرف أتصرف معاها، وبعدين هي مش هتقرب مني يا غيورة. فجأة الفوطة اتفك جزء منها.

كيان بكسوف: أسر ممكن تبعد. أسر كان قريب منها أوي وهو اللي فك الفوطة. أسر بخبث: ليه؟ كيان عضت شفتها السفلة بخجل. أسر أخدها في قبلة عميقة. وفي صباح يوم جديد. أسر دخل عند جويرية وهي كانت بتبصله بغضب: روحت فين يوم دخلتنا؟ أسر بجمود: وصلني اتصال من الشركة، سوزان قالتلك؟ جويرية: قالتلي بس حسيتها بتكدب. أسر اتجه على الدولاب بلا مبالاة: أنا مالي، سألتيني وجاوبتك، انتي مش هتحققي معايا. جويرية طلعت بغضب.

عند جاسر كان متشيك وطالع. (جاسر قال عن الخطة للعيلة كلها عدا كيان) روح: جاسر خدني معاك على الكلية. جاسر: يلا. وراحوا مع بعض. في العربية. روح: إيه أخبار نغم؟ جاسر: مش عارف، قال هتتجوز. روح: في رأيي انت الأنسب لنغم وهي مناسبة ليك، أحسن لك تروح تطلب إيدها قبل ما تروح منك. جاسر بتنهيدة: هتتجوز اليوم يا روح، خلاص مفيش أمل، وبعدين شكلها بتحبه. روح: جاسر روح اتقدملها وبس، يمكن توافق.

جاسر بتنهيدة: وصلنا، انتي روحي على جامعتك وأنا هشوف أعمل إيه. روح نزلت وجاسر اتجه على بيت نغم. ودخل البيت وكان قاعد مع أبو نغم. نغم وهي طالعة من أوضتها وبتصلح طرحتها: بابا أنا هروح مع رفيقتي و… اتخضت لما شافت جاسر بيبصلها بإعجاب. نغم بتوتر: مستر جاسر، في حاجة؟ جاسر: أنا…. أبو نغم: جاسر متقدم لك وقال إنكم بتحبوا بعض، صح الكلام ده؟ نغم بتوتر: بابا والله إحنا مكنش بنطلع مع بعض وكده، واصلاً أنا مقولتلوش إني بحبه و…

أبو نغم بمقاطعة: عارف ياحبيبتي، وبعدين أنا بعرف جاسر الهواري ده، ولد محترم جدًا، وانبسطت لما عرفت إنكم بتعرفوا بعض… انتي عايزة تتجوزيه؟ نغم نزلت وشها بخجل. أم نغم وهي جايبة العصير: السكوت علامة الرضا. جاسر: طب أنا هجيب أهلي بكرة عشان أتقدملها رسمي وهنكتب الكتاب بالمرة والفرح بعد يومين إن شاء الله. نغم برقة: بس الوقت ده قليل. جاسر: عمو انت إيه رأيك؟

أبو نغم: أنا والله مش عارف والوقت ده فعلًا قليل، وبعدين دي بنتي الوحيدة زي ما أنت عارف و… جاسر بابتسامة: أنا عارف كل ده وعارف إنها هتوحشك، بس صدقني أول ما توحشك انت رن عليا وأنا هجيبهالك. نغم فونها رن وردت. نغم: سارة أنا مش هقدر أجي. سارة: ليه يا قلبي؟ نغم: هحكيلك بعدين. وقفت بسرعة. جاسر: احم، أنا ممكن آخدك معايا على المكان اللي هتروحليه؟ نغم بصت لباباها: روحي ياحبيبتي. نغم: شكرًا يا بابا. وراحت مع جاسر. في العربية.

جاسر: نغم انتي بتحبيني؟ نغم بتوتر: ها ا ا أنـ…. جاسر: انتي مش مجبورة تجاوبي، خلاص أنا عرفت جوابك. نغم: هـ هو انت إزاي عرفت إن أنا وأحمد فسخنا الخطوبة؟ جاسر: عادي، اللي بيحب بيعمل أي حاجة عشان يكون جنب اللي بيحبه. نغم: قصدك إيه؟ جاسر بضحك: أنا اللي خليته يفركش الخطوبة. نغم: إزاي؟ جاسر: مش لازم تعرفي، إحنا تقريبًا وصلنا. نغم: مش هتنزل معايا؟ جاسر: انتي عايزاني أنزل معاكي؟ نغم بكسوف: آه. جاسر بابتسامة جذابة: طب يلا.

ونزلوا وجاسر اتعرف على رفقات نغم، وأصلًا هم كانوا بيعرفوه لأنه نغم بتحكيلهم عنه دايما. عند كيان. كانت بطنها بتوجعها وبتستفرغ. سوزان دخلت. سوزان: مدام انتي كويسة؟ كيان بدموع: سوزان رني على أسر بسرعة. سوزان أخدت فونها ورنت على أسر بس مكنش بيرد. فجأة جت رسالة على فون كيان. كيان أخدت الفون واتصدمت من اللي شافته.