رواية عشقت براءتها الفصل التاسع 9 - بقلم زولة وحيد

آسر: انت بتكلم مين؟ نغم: ثواني يا آسر هرجعلك. كيان بغضب: هو انت بتحبها وأنا معرفش ولا إيه؟ آسر: كيان اهدّي، إحنا كنا بنتكلم عن الشغل. كيان راحت ع الحمام وهي متعصبة. آسر في نفسه: اسف ياروحي بس أنا لازم أعمل كدا علشان أشوف إذا بتثقي فيا ولا لا. كيان طلعت بعد وقت وهو كان شغال ع اللاب توب. طلعت من غير ما تبصله وراحت للمطبخ. كيان لزينب: صباح الخير يا خالتي. زينب: صباح النور يا حبيبتي، مالك؟ كيان: ابنك بارد يا خالتي.

زينب بضحك: ماله؟ كيان حكتلها كل حاجة وهم بيعملو بسبوسة. زينب: بصي يا كيان، قبل ما يروح منك، إنتي لازم تعملي حاجة تمسكيه بيها. كيان بسرعة: إيه؟ زينب: أنا عملت اللي عليا وقولتلك، أنا ماليك. كيان: طيب موافقة. زينب: شاطرة. آسر دخل. آسر: مين شاطرة؟ زينب: ولا حاجة يا حبيبي، تعال اقعد. قعدته ع السفرة وحطتله بسبوسة وشاي. كيان بضيق: بس دول ليا. زينب غمزتلها. كيان راحت قعدت جنب آسر وزينب طلعت. كيان: حبيبي. آسر: نعم.

كيان: انت مدايق مني؟ آسر باستغراب: لا. كيان: طب هات حتة بسبوسة. آسر: لا دي ليا أنا، روحي خدي من الصينية. كيان: لا أنا عايزة من دي. آسر: قولنا لا والله. كيان: بحبك. آسر: وأنا بموت فيكي. كيان أخدت حتة وجريت وهي بتاكلها. آسر قام بغضب وجري وراها لحد ما وصل الأوضة وكيان قفلتها. آسر بغضب: افتحي يا كيان. بس مفيش رد. بعد مدة من الطرق كيان فتحت الباب. آسر بانبهار: إيه الحلاوة دي؟ ودخل وقفل الباب.

كيان كانت لابسة قميص نوم أبيض تحت الركبة بشوية. كيان حضنته وهي بتعيط. آسر: في إيه ياقلبي؟ كيان بشهقات: آسر انت بتحبني؟ آسر: أكتر ما تتخيلي. كيان: طب افصل البنت دي. آسر: قصدك نغم؟ كيان: آه. آسر راح قعدها ع السرير.

آسر: على فكرة نغم بنت محترمة أوي، وهي مش زي البنات الصايعات، وهي بنت مجتهدة أوي، أنا مش هقدر أفصلها كدا من غير سبب ومش ممكن أقطع رزقها كدا، عارفة يا كيان إنها هي اللي بتصرف ع البيت، هي البنت الوحيدة لأمها وأبوها، وأبوها كبير في السن ومش ممكن يشتغل، وأمها كمان، عشان كدا أنا مش ممكن أفصلها. كيان مسحت دموعها بكفوف ايديها زي الأطفال. آسر بضحك: بتغيري أوي إنتي. كيان: مش بغير. آسر: بتغيري.

كيان: آه بغير، لأنك أنت حبيبي وليا أنا وبس، ومش بحب تضحك وتهزر مع بنت غيري. آسر قرب منها وباسها. آسر: وأنا كمان مش بحب تكلمي شاب ومش بحب حد يشوفك غيري. كيان عضت ع شفايفها بخجل. آسر: إيه اللبس ده؟ كيان وهي بتحط ايديها ع رقبته: إيه مش عاجبك؟ آسر وحط ايديه ع خصرها: عاجبني أوي. كيان: احم، آسر هو إنت نسيت موضوع الكلية؟ آسر دفن راسه في رقبتها. آسر: مش وقته. كيان: بس... آسر وهو بيبوسها: هششش. كيان استسلمت ليه.

بس ثواني والباب خبط. آسر بضيق: مين؟ جاسر من برا: اطلع يالا عايزك في كلمتين. آسر بضيق: بعدين. جاسر: لا دلوقتي، أنا عايزك في حاجة مهمة يازفت. كيان بصوت منخفض: روحله، أكيد حاجة مهمة. آسر باسها من شفايفها وقام طلع، أما هي ابتسمت ع أثره وراحت ع الحمام. عند آسر وجاسر. آسر بغيظ: عايز إيه يازفت؟ جاسر بخبث: مالك مدايق، هو أنا قاطعت رومانسيتكم؟ آسر بضيق: يابني بطل واخلص. جاسر: أنا لقيت حبيبتك. آسر: مش حبيبتي يازفت.

جاسر: آه، طب جويرية. آسر: لقيتها فين؟ جاسر بضحك: هيكون فين يعني، لقيتها في النايت كلاب. آسر: وانت إيه اللي واخدك هناك؟ جاسر: منا لما الشباب قالولي روحت هناك. آسر: اها، وعملتلها إيه؟ جاسر: كلمتها، وهي كانت مفكراني إنت لأنها كانت دايخة من كتر الشرب وقالت كلام كتير. آسر: قالت إيه؟ آسر بغضب: بنت ال... أنا هوريها. جاسر: وأنا معاك. آسر حضنه: شكرا يا جاسر. جاسر: متشكرنيش يا جدع، أنا أخوك والله. آسر بضحك: آه.

جاسر: طب روح لمراتك إنت، وأنا هروح ع الشغل. آسر: أوكي. عند روح. روح كانت قاعدة في أوضتها ومحمد جنبه. محمد وهو بيحاوط خصرها: وحشتيني. روح بغيظ: ماحنا امبارح كنا مع بعض. محمد وهو بيدفن راسه في رقبتها: إنتي بتوحشيني في كل ثانية. روح بضيق: ممكن تبعد شوية؟ محمد: مش ممكن ياروح. فجأة روح بدأت تعيط. محمد حس بشهقاتها وبعد عنه. محمد بخضة: مالك بس؟ روح بدموع: أنا مش بحبك يا محمد، ارجوك ألغي الجوازة دي.

محمد بغضب: آه، بس بتحبي إياد صح؟ روح بدموع أكتر: مش بحبه. محمد حس بنغزة في قلبه، راح حضنها وهو بيمشي إيدو ع شعره. محمد: أنا اسف. روح: طلقني ارجوك. محمد بضيق: روح، أنا مش هقدر أطلقك كدا من قبل الفرح، الناس هيتكلموا عليك. روح وهي بتبعد عنه: طب نعمل إيه؟ محمد وهو بيمسح دموعها: هنعمل الفرح وهنعيش مع بعض تلات شهور وبعدها هطلقك. روح: وعد؟ محمد بضيق: وعد. روح حضنته تلقائيا وهو انبسط منها. محمد: إيه رأيك نروح ناكل آيس كريم؟

روح: بس... محمد: كـ رفقات مش أكتر. روح: موافقة. محمد: طب اجهزي وأنا هقول لخالتي. روح: أوكي. بعد مدة محمد خبط الباب وروح طلعت، كانت في غاية الجمال لابسة دريس أبيض عليه نقوش باللون الأزرق وطرحة بالازرق، وكانت عاملة شوية ميكب. محمد بانبهار: بسم الله ما شاء الله. روح ابتسمت بخجل: حلو؟ محمد: آه، كل حاجة حلوة، بس ثواني... وطلع منديل من جيبه ومسحلها الميكب. روح بحزن: بس ل... محمد: إنتي حلوة من غير مكياج ياقلبي....

قصدي يا روح. روح ابتسمتله بعفوية. محمد اخدها وطلع. وعند كيان وآسر. آسر: بكرة هيكون فرح روح ومحمد، وإحنا في نفس اليوم هنسافر ع ماليزيا. كيان: بس يا آسر هنكون تعبانين أوي. آسر: لا، دة إلا إذا كنتي عايزة ترقصي. كيان: وهو في فرح من غير رقص؟ آسر قام من الكرسي وقرب منها. آسر: بقولك يا كيان، لو لمحتك بترقصي لوريكي العين الحمرا. كيان بلعت ريقها بخوف. آسر: مفهوم؟ كيان هزت رأسها بـ آه. آسر: حلو. كيان: طب امتى هنروح السوق؟

آسر: لما روح ترجع البيت. روحي إنتي وهي مع السواق، أوعك ثم أوعك تروحي مع جاسر. كيان: حاضر. آسر: حلو، طب تعالي نشوف فيلم. كيان بمرح: أنا هعمل الفشار. آسر بضحك: أوكي. بعد مدة آسر وكيان كانو بيتفرجو ع فيلم كرتون. آسر بضيق: أنا مش عارف ليه إنتي بنت كبيرة كدا بتتفرجي ع أطفال. كيان ببراءة: بحبهم. آسر بضيق: يالله صبرني. كيان حطت راسها ع كتفه بنوم: أمين. بعد مدة كانت نامت، قام نيمها ع السرير. الباب خبط وكانت روح.

آسر بضيق: عايزة إيه؟ روح وهي بتبص لجو: فين كيان؟ إحنا اتأخرنا. آسر: كيان نايمة، إنتي روحي مع أميرة. روح وهي بتبص لسة: بس هي عندها فستان معين عايزاه. آسر بضيق: يابنتي دي أوضة اتنين متجوزين، بتبصي لجوة ليه؟ روح: اصل أنا حاسة إنك بتكدب عليا علشان متروحش وتفضل معاك. آسر: آه بكدب عليكي. وقفل الباب. روح فضلت تخبط بقوة لحد ما كيان فاقت. كيان بخضة: في إيه مين؟ آسر بضيق: روح وصلت وعايزاكي تروحي معاها.

كيان قامت بسرعة وراحت ع الحمام لبست عباية وكانت هتطلع. آسر مسكها من ايدها. آسر: متتأخريش. كيان ابتسمت وراحت باسته من شفايفه برقة، وكادت أن تبتعد لكن سرعان ما تحولت هذه الرقة لشغف وجنون. بعدت عنه بعد وقت بكسوف من عملتها، أما هو ف كان مبسوط منها. آسر: بحبك يامراتي. كيان طلعت بكسوف وراحت لروح. روح: بتعملي إيه كل ده يابت؟ كيان بسرعة: مفيش، يلا نروح علشان هنتأخر وآسر هيدايق. روح بخبث: آه آه يلا. كيان ضربتها بخفة وطلعت.

في المسا كيان وروح رجعو وكانت الساعة 10. أول ما كيان دخلت آسر راح حضنها بسرعة وهو بيبوسها في كل وشها. كيان بكسوف: آسر في إيه؟ آسر: اتأخرتي أوي. كيان: اسفة، بس الفستان اللي أنا عايزاه مكناش لاقينه. آسر: طب لقيتوه؟ كيان بتعب: لا، خليه مفاجأة، وأنا تعبانة هروح أنام. وراحت نامت وأسر كمان.