رواية عشقت براءتها الفصل الثامن عشر 18 - بقلم زولة وحيد

فجأة جت رسالة على فون كيان. كيان أخدت الفون واتصدمت من اللي شافته. كانت الصورة لـ أسر عاري الصدر في حضن جويرية. كيان زقت الفون بغضب لدرجة إنه اتكسر وراحت نامت على السرير. كيان: سوزان روحي على أوضة أسر وقولي له كيان مش بتفوق. سوزان: بس... كيان: سوزي حبيبتي بليز. سوزان: حاضر. راحت خبطت الباب. جويرية قامت بغضب وفتحت. جويرية: في إيه أنتي كمان؟ سوزان: عايزة أسر بيه. جويرية: نايم عايزة منه إيه؟ سوزان: نادية آسر بيه!

أسر فاق بسرعة وراح لبس قميص وطلع. أسر بخضة: كيان كويسة؟ سوزان: لا يا بيه هي أغمى عليها. أسر راح على أوضتها بسرعة وراح قعد جنبها. أسر بخضة: كيان حبيبتي. كيان فاقت وشدته من قميصه لدرجة إنه كان البعد بينهم حوالي سم. كيان: أنت إزاي تخليها تلمسك عادي كدا؟ أسر حط إيده على السرير وحاوطها. أسر بخبث: أصل أنا بعمل كدا عشان أنتي مقصرة معايا. كيان بحزن: أنا يا أسر. أسر: آه أنا لما بقرب منك أنتي بتبعدي.

كيان: بس أنا حامل والدكتورة... أسر بضحك على براءتها: بهزر يا مجنونة. كيان: بجد؟ أسر وهو بيبوسها من خدها: آه. كيان بوجع وهي بتشد القميص بتاع أسر. كيان: أسر بطني بتوجعني. أسر بخوف: ط... طب أهدي أنا هتصل على الدكتورة. كيان بوجع: بسرررعة. أسر أخد الفون ورن على الدكتورة. بعد وقت. الدكتورة: أنا كنت وصفت لها أدوية بس الظاهر إنها نسيت تشتريها.

أسر في نفسه: أنا السبب، أنا آسف يا حبيبتي بس أنا هعوضك عن كل الوجع اللي عيشتيه واللي بتعيشيه ده. كيان: أسر. أسر: نعم يا قلبي. وراح قعد جنبها. كيان حطت إيدها في إيده. كيان: متخليهاش تقرب منك. أسر بضحك: هو أنتي لسة بتفكري فيها؟ كيان بغيظ: آه. أسر: طب والله حصل بالغلط، أنا بس كنت تعبان شوية وهي ماصدقت وصورتني في حضنها، وع فكرة أنا كنت صاحي وبحاول أبعد عنها. كيان: واثقة فيك أكتر من حالي، مش عايزة تبررلي.

أسر بابتسامة: طب أنتي ارتاحي وأنا هجبلك الأدوية. كيان: طب متتأخرش. أسر بابتسامة: حاضر ياستي. وطلع من الأوضة وراح عند جويرية. أسر بغضب: أنتي إزاي تصوريني في حضنك وتبعتي الصورة لكيان كدا؟ جويرية: عملت كدا عشان أثبت لها إنك ليا. أسر بغضب أكتر وصوت عالي: أنا مش ليكي يا جويرية وعمري مش هكون ليكي، فاهمة؟ جويرية: بس أنا بحبـ...

أسر بسخرية: بتحبي فلوسي يا جويرية، أنتي عايزة فلوسي وأنا مستعد أديكي المبلغ اللي عايزاه بس تبعدي عن كيان خالص ولا تقربي من أوضتها، وكذلك أهلي. جويرية: موافقة بس كل يوم تديني 5 آلاف. أسر: أوك. في المساء. عند كيان كانت مجهزة عشا ومزينة الأوضة وهي كان لابسة قميص نوم مفتوح بالجانب لحد فوق الركبة. أسر دخل وحط الأدوية. أسر بانبهار: أنتي إزاي عملتي كل ده؟ كيان: عادي، سوزي ساعدتني. وراحت قعدته. كيان بابتسامة: إيه رأيك؟

أسر: مزة كالعادة. كيان ابتسمت بخجل. أسر: طب أنتي ليه لابسة ده؟ أنا... كيان عضت شفايفها بخجل: أسر. أسر بخبث: طب أنا مش عايز عشا. وقام من الكرسي. كيان مسكت إيده. كيان: متروحش عشان خاطر إيه؟ أسر: وكمان سميتيه. كيان: آه مانت مش فاضي ليا وللحاجات دي. أسر: آسف. كيان: ليه؟ أسر: عشان مش قادر أفضل معاكي براحتنا ومش فاضي ليكي. كيان بكسوف: مش مشكلة ومتعتذرش تاني، إحنا مفيش بينا كدا. أسر بابتسامة: آه بس إيه قصة الفراولة دي؟

أنتي بتكسفي بأقل حاجة. كيان: أنت اللي بتقول اللي عايز تقوله بدون خجل. أسر وهو بيشدها عليه: واتأخر ليه وأنا مع مراتي. كيان حطت إيديها على رقبته وقربت من شفايفه وووو. وعند جاسر. جاسر: إيه رأيك نروح لأمي؟ هي عايزة تشوفك. نغم: بس الوقت اتأخر. جاسر: أنا هوصلك. نغم: طيب. جاسر ونغم دخلوا على القصر بس قابلتهم جميلة عند الباب. جاسر بغضب: أنتي إيه اللي جابك هنا؟ جميلة وهي بتبص

على إيديهم وهم ماسكين بعض: اممم، شايفة إنكم حليتوا خلافاتكم. جاسر بغضب: اطلعي من هنا... يا حرس. جميلة لـ نغم: بنصحك إنك ما تتجوزيه، ده مش بيحبك، هو بيحبني أنا. نغم بصت على جاسر بحزن وكسرة. جاسر مسكها من إيدها وطلعها برا القصر ورجع لـ نغم. نغم: إذا بتحبها ليه ما اتجوزتهاش؟ جاسر: حاجة مش بتخصك.

نغم بغضب: أنا مش طفلة يا جاسر عشان تكلمني بالأسلوب ده، وأنا إذا بحبك ده مش معناه إني هاموت عليك، فإذا بتحبها روح اتجوزها، أنا مش عايزة شفقة منك. جاسر بغضب: آخر مرة تكلميني فيها بالأسلوب ده يا نغم. روح طلعت. روح بخضة: في إيه أنتو الاتنين؟ جاسر مسح على وشه بضيق وطلع من القصر بأكمله. نغم بغيظ: إنسان بارد. روح بضحك: كلهم كدا، بس حصل إيه؟ نغم حكت لها كل حاجة وهم قاعدين في أوضة روح.

روح: يا بنتي البت دي تافهة، متشغليش بالك بيها. نغم بدموع: بس هو بيحبها يا روح. روح: لا، جاسر بيحبك أنتي بس، هو يمكن مش عايز يعترف لك لأنه كان بيحبها وحاسس إنه عنده لها شوية مشاعر، بس صدقيني جاسر بيحبك، لأنه لو مش بيحبك مكنش راح هدد أحمد يلغي الخطوبة. نغم: يعني هو اللي عمل كدا؟ روح: آه. كيان دخلت فجأة. كيان: بقولك ياروحي هو فين البت جويرية عشان... ثم أكملت وهي تنظر لـ نغم: نغم هو أنتي هنا؟ طب فين جاسر؟

روح: قصة طويلة، تعالي اقعدي. بعد مدة. كيان: بصي يانغم، جاسر ده ليكي أنتي، امسكي فيه قوي واعملي كل اللي عليكي عشان تاخديه، بس أوعك تخلي الهانم جميلة دي تاخده، وإحنا لازم نعمل خطة عشان نطلع الاثنين دول من حياتنا، جويرية وجميلة. روح: وأنا معاكم. كيان: تمام، بصوا بقا هنعمل إيه. روح بابتسامة: دانتي طلعتي خطيرة أوي يا كوكي. كيان: من يومي كدا. نغم: طب هننفذ الخطة إمتى؟ كيان: الليلة. نغم: تمام. جاسر دخل. جاسر: يلا يا نغم.

نغم قامت وراحت معاه. في العربية. نغم برقة: هو أنت زعلان مني؟ جاسر: مش عارف. نغم حطت إيدها على إيده: طب آسفة مش هرفع صوتي عليك تاني، بس بشرط. جاسر: إيه هو؟ نغم: تبعد البت جميلة دي عن حياتنا، وصدقني مش هزعلك تاني. جاسر: اممم. نغم: جاسر أنا بقولك كدا إذا إنت بتحبني وعايز نعيش سعيدين، بس إذا بتحبها روح لها وأنا مش هزعل والله. جاسر بص لها بطرف عينه: وإزاي ده؟

نغم: صح، أنا بحبك بس مش أنانية، مش هجبرك تكون معايا وأنت بتحب واحدة تانية وهكون مبسوطة لما أشوفك مبسوط. جاسر حط إيده على راسها وباسها من راسها. جاسر: أنا بحبك أنتي وبس، وهطلع البت جميلة من حياتك. نغم حضنته بفرح. جاسر بضحك: بس يا مجنونة، أنا سايق. نغم ابتعدت بخجل: سوري. جاسر بضحك: متعتذريش. عند كيان. دخلت أوضتها لقت أسر نايم. راحت قعدت جنبه وفضلت تتأمل ملامحه الوسيمة. فجأة فون رن. أخدت الفون وهي بتفوقه برقة.

كيان: أسر حبيبي. أسر بنوم: كيان، في إيه؟ كيان: فونك بيرن. فجأة شدها عليه وقعت فوقه. كيان شهقت بصدمة: أسر، الفووون. أسر: مش هرد. كيان: بس هو بيرن كتير، باين إنها مكالمة مهمة. أسر: مفيش أهم منك. كيان ضحكت برقة. أسر: الله على الضحكة. كيان حطت إصبعها على وشه برقة: بجد؟ أسر: اممم، إيه الحركات دي؟ كيان بضحك: عادي، بتدلع. أسر: ماشي ياستي، اتدلعى براحتك. كيان: إيه رأيك نروح على مطعم؟ أسر: بس جويرية يا كيان.

كيان قامت من فوقه بضيق. كيان بضيق: طب روح، زمانها بتجهز عشانك. أسر راح لها وحضنها من ضهرها: هو أنتي مدايقة؟ كيان: لا، مش مشكلة، كلها يومين ونخلص منها وبعدين مش هيكون ليك أعذار. أسر: آه، وعد. كيان: طيب، روح لها. أسر: هروح أجهز وبعدها هروح للشغل، متشغليش بالك. كيان بابتسامة خبيثة: طيب. أسر طلع. بعد وقت. كيان راحت لـ جويرية. كيان بجمود: فين أسر؟ جويرية: وأنتي مال أهلك؟ كيان بغضب: متجيبيش سيرة أهلي على لسانك.

جويرية: آه عشان معندكيش أهل. أسر من ورا كيان: لا يا جويرية غلطانة، كيان عندها أهل واحنا أهلها. جويرية بتوتر: أنت رجعت؟ أسر: جيت آخد مفتاحي بس سمعت كلامك وبجد زعلتيني منك. جويرية بسرعة ودموع تماسيح: لا يا أسر، أنت فاهم غلط، هي قالت لي إنها مش متربية و... أسر بغضب: بطلي كدب يا جويرية. كيان مسكت إيد أسر. كيان بصوت منخفض: آسر خلاص. جويرية باستفزاز: أنتي يا *** ابعدي عن جوزي.

أسر بغضب: لا، أنتي زودتيها أوي يا هانم، أنا هوريكي، انتي طالق يا جويرية، طالق، طالق، طالق. كيان بصت على أسر بصدمة. جويرية بابتسامة سخرية: بس فلوسك معايا كلها، يعني تطلع أنت وحبيبة القلب من بيتي طالما طلقتني. أسر: آه، هنروح، أنا مش بتهمني الفلوس ولا عيلتي. واخد كيان وراح خبط لأمه وجاسر. أسر: هنروح على بيت محمد. زينب: ليه؟ أسر: هقول لكم بعدين. راحوا كلهم على بيت محمد وأسر حكالهم كل اللي حصل.

زينب: يعني دلوقتي ثروتنا كلها ضاعت بالسهولة دي؟ أسر: مش مهم يا أما، الفلوس مش كل حاجة. جاسر: آه بس... أسر: اللي معايا أهلاً وسهلاً، واللي مش معايا يروح لـ جويرية. كلهم بصوت واحد: إحنا معاك. أسر دخل على أوضة بتعب. كيان دخلت وراه وحطت إيدها على كتفه بدعم: أنا آسفة عشان أنا السبب في كل اللي حصل. أسر: لا يا كيان، أنتي مغلطيش، جويرية هي اللي غلطت. كيان: بس أنا السبب.

أسر مسك إيدها بحب: حبيبتي، أنتي مش سبب في حاجة، أنا آسف عشان بغبائي ضيعت الأملاك دي، بس متخفيش، أنا هرجعها و... كيان بمقاطعة: أنا مش عايزة حاجة، كفاية وجودك جنبي. أسر حضنها. كيان بهمس: بحبك. أسر بنفس الهمس: بعشقك بجنون. فجأة دخلت روح بدون أي مقدمات. أسر بضيق: عايزة إيه؟ روح: في واحد برا بينادي عليك. أسر بضيق: طب اطلع. روح باستفزاز: مش هطلع، اطلع أنت وروحه. أسر طلع بغضب. بعد وقت ليس بقليل. كلهم سمعوا صوت أسر بيزعق.

كيان طلعت وأسر كان بيضرب حد والحد ده بيرد له الضربات. كيان بخوف: ااااسر. أسر بصوت عالي: كيان ادخلي جوة. كيان اتجهت على الشاب اللي بيضرب أسر وحاولت تضربه بحجر. بس فجأة الشاب مسك الحجر منها وضربها بيه في بطنها وهي وقعت على الأرض. أسر بغضب: أنااا هوريك يابن ال***. ونزل فيه ضرب لحد ما اغمى عليه. أسر شال كيان وأخدها على العربية. أسر بخوف: كيان ياحبيبتي خليكي فايقة. كيان بصوت منخفض ووجع: ا... ا ابننا يا اسر.

أسر: هننقذه وهنقذك كمان يا روحي. كيان: أنا... أنا ب... بحبك. أسر بدموع: وأنا كمان. فجأة وصل المستشفى وحطها على السرير وكان ماسك إيدها وهي ماسكة فيه أوي. أسر: أهدي وحاولي تتنفسي. كيان كانت بتعمل زي ما بيقولها. الدكتورة دخلت وطلعت أسر وبدأت شغلها. أسر كان واقف برا والدموع بتنهمر من عينه بغزارة. أسر: ياااارب ساعد مراتي. فجأة فون رن. جاسر: أنت فينك يا أسر؟ أسر بدموع: ك... كيااااان يا جاسر. جاسر بخوف: مالها؟

أسر حكاله كل حاجة. جاسر: أنا جاي، مش هتأخر، وإن شاء الله هتكون كويسة هي وابنك. أسر: يااارب. بعد وقت. الدكتورة طلعت وكان على وشها علامات الحزن. الدكتورة بحزن: للأسف مقدرناش ننقذ الطفل...