رواية عشقت فجر الصعيد الفصل الأول 1 - بقلم سارة أحمد عماد

في أحد أرجاء الصعيد، في منزل ربيع. ربيع (يعمل عاملاً في الأراضي الزراعية) صفاء (والدة فجر) : يا فجر اصحي يا بنتي النهار طلع. فجر (بنعاس) : صحيت أهو يا أما. صباح الخير. صفاء: صباح النور يا ضنايا. قومي الشغل النهارده كتير، ده غير عزومة العمدة للناس الأكابر اللي عزمهم. فجر (بكره) : آه العمدة اللي هو عمي اللي سارق حقنا وبنشتغل عنده، مش كده؟ صفاء (بدموع)

: بتزيديني عاد يا فجر. أنا مش ناقصة لكلامك ده واصل. إنتي عارفة إن أبوكي تعبان ومش حمل مناهدة. فجر: طيب يا أما. حاضر، هسكت. إيه (أخت فجر) : صباح الخير عليكم. فجر وصفاء: صباح النور. فجر: إيه يا إيه اللي مصحيكي من بدري كده؟ إيه: يوه، ده أنا صاحية من بدري جوي. روحت بعت صينية البسبوسة وكسبت 30 جنيه. فجر (بحدة) : برضك برضك يا إيه! مشيتي اللي في دماغك ورحتي تبيعي البسبوسة برضه؟ إيه: هعمل إيه بس يا فجر؟

اديني بساعد بأي حاجة. مصريفنا ومصاريف عمار أخوكي كتير. فجر: اسمعي عاد يا إيه. الفلوس هتيجي بأي طريقة هتيجي، لكن الذل بيوجع، فاهمة يا إيه؟ خلي بالك من مذاكرتك عشان تطلعي دكتورة زي ما وعدتيني، فاهمة يا خيتي؟ إيه: فاهمة يا حبيبتي. فاهمة. صفاء (باستعجال) : يلا يا بنات، الوقت اتأخر عاد. في فيلا سلطان العامري. على مائدة الإفطار. سليم: بابا، الملفات هتلاقيها جاهزة على مكتبك. سلطان (باستغراب) : إزاي يا ابني؟

ده انت راجع من الشركة امبارح هلكان. سليم: الحمد لله يا بابا. انت عارف إني دايماً بقوم أصلي الفجر، قومت واشتغلتهم كلهم. فارس: صباح الخير. ناريمان (والدتهم) : صباح الفل يا حبيبي. سلطان (بحدة) : خلصت الملفات يا فارس؟ فارس (بقلق) : لأ يا بابا. سلطان (بغضب) : طبعاً وهتخلصهم إزاي؟ وانت ترجع لي وش الصبح من الكباريهات.

سليم: ده غير اللي بعده يا بابا. والبنات اللي بتجيبهم هنا بالليل. وفاكر إننا مش حاسين، ومعرفش إن عقاب ربنا على اللي بيعمله ده كبير. فارس (بصراخ) : خلاص خلصتوا محاضرتكم بتاعت كل يوم؟ على فكرة بقى دي حياتي وأنا حر فيها. والبنات دول أنا مش بجيبهم غصبن عنهم، ده بمزاجهم. سليم (بسخرية) : على أساس إن لو واحدة قالت لك لأ، هتسيبها في حالها. فارس: ياريت نفسي واحدة تقولي لأ. سلطان (بحدة)

: خلاص خلصنا. المهم إننا رايحين البلد، لازم أقابل العمدة عشان نشتري الأرض اللي هنعمل عليها المشروع. ناريمان (بغرو) : أووه، هتروحوا عند الفلاحين دول؟ مش ممكن يا سلطان. فارس: أنا مش هروح في حتة. سلطان (بغضب) : لأ هنروح، ده شغل ولازم نخلصه. في الأراضي الزراعية. فجر (بضيق) : واه عاد يا ابوي مش قُلت لك ارتاح انت. ربيع (بتعب) : ما انتي عارفة يا فجر يا بتي، إننا مبرتحش غير وسط زراعي وأرضي. ولا اللي كانت أرضي. فجر (بتوعد)

: هترجع لك يا ابوي. وحياتك عندي لترجع لك، وقريب أوي يا ابوي. في دوائر العمدة عثمان. عثمان (بصراخ) : انتي يا بت انتي وهي! الوكل خلص ولا لسه؟ جبر يلمكم. بدور (بضيق) : وإحنا مالنا يا حاج مالعقربتين ولاد صفية لسه ما جوش، وانت مش عايزنا نجيب بداخلهم. عثمان: لأ، أنا عايزهم هما. ومش عايز غيرهم. وخصوصاً العقربة اللي اسمها فجر دي، بت قوية ولازم تبقا تحت عيني يا بدور. إيه: العوافي. بدور (بغضب)

: أهلاً يا أختي. ماهي تكية أبوكي فين المكسورة اختك؟ إيه (بضيق) : يا فتاح يا عليم. فيه إيه بس يا مرة عمي؟ بدور (بغضب) : عمى الدبب يا أختي. عثمان: خلاص عاد انتي وهي. روحوا شوفوا وراكم إيه، الناس على وصول. فجر (باستفزاز) : أنا جيت أهو. إيه اللي ورانا؟ خلينا نخلصوا من الهم ده. عثمان (بغضب) : آه، مسيري أكسر شوكتك اللي طالعة علينا ده. وهاعلمك الأدب يا بت ربيع. فجر (بكره)

: بنت ربيع دي بميت راجل من ولادك. ولسه الحرب اللي بينا منتهتش يا عمي. وكل حقنا وحقي أبويا هرجعه، وهتشوف. الغفير: يا حضرة العمدة، الجماعة وصلوا. عثمان: أفضل بس من اللي فيه، وأفضل لك يا بنت ربيع. فجر: هنروح من بعض فين يا عمي. بدور (بغضب) : اخلصي يابت، ورانا شغل كتير. في غرفة الضيوف. عثمان (بترحاب) : يا مراحب يا مراحب. البلد كأنها منورة يا سلطان بيه، انت وسليم بيه وفارس بيه.

سلطان: منورة بيك يا عمدة. كنا عايزين نتكلم في اللي كلمتك فيه. في المطبخ. قمر (باستفزاز) : يا عني سمعت يا فجر إن عتمان وأخوكي اتقدموا ليكي انتي وإيه، وانتوا رفضتوا. يعني انتوا لايقين، هو ده آخركم عاد. فجر (بغرو) : إحنا بنات ربيع يا قمر. مناخدش غير اللي يستاهل. وأنا وأختي هناخد اللي يستاهلنا يا قمر. الأ جوليلي، هو صابر إخباره إيه؟ قمر (بارتباك) : صابر؟ وأنا أش عرفني. بدور: يلا عاد يا فجر، وادي الشاي ده لضيوف.

في غرفة الضيوف. عثمان: تمام يا سلطان بيه. موجودة، وفوقيهم كام قيراط بتاع أخويا ربيع. فجر (بغضب) : مش هيحصل يا حضرة العمدة. أرض أبويا مش هتتباع واصل. فارس (بحدة) : انتي مين؟ وإيه اللي تدخلي في الكلام كده؟