رواية عشقت جبروت الفصل الثاني 2 - بقلم سهيلة ياسر

وفي قلبي اللي سايبني ومطاوعه. غيرت هدومي ولبست بيجامه مريحه بحبها. ودخلت المطبخ عملت فنجان قهوه. سويت القهوه كويس ومحطتش سكر كتير ومكلتش معاها شوكولاته ولا أي حاجه عشان ميبقاش عكه. مع اول بوق من قهوتي افتكرت حكايه قرأتها زمان تشبه لحكايتي. كانت حكاية الجنايني اللي حب أميرة القصر. بس أنا قصتي تختلف. أنا الجنايني وهو أمير القصر. الحب من طرف واحد ملك. أنا مستاهلش إني متحبش.

أنا أستاهل إني أتحب بالطريقة اللي أستاهلها ويتمشيلي. بوق تاني من القهوه قررت إني خلاص هشيله من دماغي وهبطل أحبه. فتحت موبايلي عملت بلوك لرقمه اللي هو ميعرفش إنه معايا أصلًا. واخر بوق من قهوتي جتلي فكره حلوه تخليه يحس بيا. فاتصلت بـ رقيه صحبتي أحكيلها على الخطه الجديده. هوارجع أحبه وأفكر فيه تاني وفكيت البلوك عشان أنا مهزقه وهعمل خطه جديده عشان يحبني. وبعد دقايق من الانتظار رقيه ردت. _خير يا روز هانم. _خير يا ختي خير.

أنا جتلي فكره تخلي أخوكي يتحرك وياخد خطوه من ناحيتي. _أيه هي قولي. _نقول قدامه إن جالي عريس وقتها هو يتجنن بقا ويبقا عايزني أرفض وكده. _هو أنا مظنش إنه ممكن يعمل بس ماشي نعملها يمكن تيجي بفائدة. بكره تعاليلي ونعمل الحوار عليه. بس يا خوفي لا يعرف إننا بنحور. _وهيعرف منين يا رقيه. _متنسيش إن يوسف ظابط مخابرات يا روز يعني يعرف الكداب من الصادق. _طب والحل.

_بصي متبصيش في عينه وانتي بتتكلمي عشان قالي في مره إن اللي بيكدب في حاجه في عينه بتتحرك باين. وحاولي تسيطري على حركاتك وانتي بتتكلمي عشان ده بيفهم في لغة الجسد. _ياربي منه بيعرف في كل حاجه. _يوسف بقا هو أي حد. _طيب خلاص هجيلك بكره. _تيجي بدري قبل ما ينزل الشغل يا روز. _اتفقنا. قفلت مع رقيه وأنا بتخيل أي اللي ممكن يحصل لو خططي نجحت. نمت وأنا بفكر فيه. وجه تاني يوم صحيت بدري.

غيرت هدومي وعرفت ماما أنا رايحه فين وروحت على بيت رقيه على طول. رنيت الجرس وثواني وكان هو اللي فتح الباب. فتحوا ودخل من غير ولا سلام ولا كلام. البارد. رقيه شافتني جت عليا وقالت. _أهلًا أهلًا بالعروسه. _عروسه أيه يا رقيه لسه مفيش حاجه. طنط مامتها قالت. _أيه يا روز هنفرح بيكي قريب ولا إيه. _مش أوي يعني يا خالتي هو عريس اتقدملي لاكن أنا مش موافقه. _ليه يا بنتي أيه اللي يعيبه.

_ميعبوش حاجه والله يا خالتي بس أنا اللي مش عايزاه. أنا عايزة واحد ليه هيبه كدا مقامه عالي وياسلام بقا لو ظابط زي أبطال الروايات. _الروايات كلت دماغك إذا كنتي انتي ولا الموكوسه التانيه. اقعدي افطري يلا اقعدي. قطع كلامنا صوته من أوضته وهو بيقول. _القهوه يا رقيه. دخلت رقيه عملت القهوه وقدمتها ليه. شربها في أوضته ونزل من غير ولا كلمه. ونزلنا أنا ورقيه روحنا الشغل واحنا قفا بيأمر عيش زي مابيقولو.

_أخوكي ده بني ادم زينا ولا حجر ده لوح ده لو أبو الهول كان نطق. ده أنا قولت عايزاه ظابط أعمل أيه تاني أقول أسمه عشان يفهم. _أنا قولتلك ده مفيش حاجه هتهزه. _ماليش دعوه يا رقيه اتصرفي عايزه أتجوزه أيه الحل. _الحل إنه يحبك. _ويحبني إزاي. _معرفش يا روز معرفش يوسف أخويا غامض معرفش بيحب أيه وزوقه أيه وأيه اللي يرضيه. مححدش فاهم يوسف ولا يعرف دماغه فيها إيه. روحنا الشغل وأنا فاقده الأمل فيه وفي قلبي اللي بيحبه.

عدى يومين وأنا مبروحش عندهم وماليش دعوه بيه وهو مسألش زي عادته. وانهاردة بعد الشغل رقيه كانت مصممه إني أجي معاها عشانها مش عشانه. وفعلًا روحت معاها قعدت معاها هي ومامتها. _صحيح يا روز يابنتي عملتو أيه في حوار العريس. _رفضته والله يا خالتي. _ربنا يرزقك بـ ابن الحلال اللي يستاهل قلبك يا حبيبتي. _يارب يا خالتي عن أذنكم أمشي بقا عشان اتأخرت.

قومت وهزيت الكرسي اللي عليه العصير فا وقع عليا ومكنش ينفع أمشي بـ هدومي المتبهدله. فا لبست دريس من عند سلمى وسلمت عليهم ومشيت. وأنا على السلم شفته عيني جت في عينه ومتكلمش. وبعد خطوتين وقفني صوته وهو بيقول. _استنى. لفيت ليه وأنا مش مستوعبه إنه هيكلمني وقولت. _نعم في حاجه. _الدريس اللي أنتي لابساه ده مش قصير شويه. _ولا قصير ولا طويل معقول. ميتكلمش سابني ومشي.

هو أه حركة مش لطيفه إنه يسبني ويمشي من غير ولا كلمه بس أنا الفرحه مش سايعاني إنه اتكلم معايا. روحت البيت وأنا طايره من الفرحه. روحت البيت اتصلت بـ رقيه عشان أحكيلها. _شفتي اللي حصل. _لاء مشفتش. _أخوكي كلمني يا رقيه كلمني. _بجد قالك أي أنطقي قولي قالك أي. _كنت نازله من السلم وهو طالع وقفني وقالي استنى. قولتله نعم في حاجه. قالي الدريس اللي أنتي لابساه ده مش قصير شويه. قولتله معقول ولا قصير ولا طويل. وبس كدا سابني ومشي.

_شكل كدا والله واعلم غيران عليكي يابت ياروز عشان بعد مامشيتي هو كان طالع مضايق. _بجد غيران إني لابسه قصير. خلاص هجيلكم بكره وأنا لابسه ضيق.