رواية عشقت قاتل ابي الفصل الأول 1 - بقلم صباح غمري

قالها بكل برود: متحاوليش، محاولاتك الفاشلة كل مرة، أنا كدا كدا مش هقربلك. اندفعت هنا بعياط وقربت منه: سنتين مجوزين وانت مش عاوز تقرب مني، سنتين كل يوم أسألك اتجوزتني ليه، ويبقى مفيش رد. أنا عاوزة أفهم انت عاوز مني إيه يا يوسف. لبست وغيرت من نفسي، خسيت تخنت، عملت كل حاجة. فيا إيه وحش؟ فيا إيه وحش إنك حتى مش قادر تبصلي. يوسف دور وشه: ابعدي يا هنا، أحسنلك. هنا قربت ومسكت وشه: بص في عيني، بصلها وقولي ليه بتعمل كدا.

يوسف بعصبية قام وزقها: عشان أنا مش بحبك. أنا عمري ما حبيتك. هنا: بتقول إيه؟ يوسف: أنا عمري ما حبيتك أبداً. جوازي منك كان كله مصلحة عشان بس والدك يوافق على الصفقة لشركتنا. وكل ما أجي عشان أعترف لك أمي تمنعني لأنها بتحبك وبتخاف على مشاعرك. هنا بضحك وقهر: بتحبني؟

هي لو بتحبني عمرها ما كانت هتقبل تشوفني بتعذب كدا دايماً. وقعتني في حبك وخدعتني، وبعد ما اتجوزتني رميتني زي الكلبه. كل يوم سهر وبنات وأرف. انت إيه يا شيخ، انت مش بني آدم! يوسف قرب منها ومسكها من إيديها: احترمي نفسك بدل ما أمد إيدي عليكي. هنا بصتله بتحدي: طلقني. يوسف بضحكة: بسهولة كدا؟ مفيش طلاق. هنا: هتطلقني وإلا والله العظيم لأهد الدنيا عليك، وانت عارف إني في ثانية أقدر آخد منك كل حاجة. يوسف مسكها من شعرها: تقدري؟

هنا بتزق إيده: أقدر ونص. مسك يوسف تليفونه بإيديه التانية وفتح الاسبيكر: الو. محمد: أيوا يا ريس. يوسف: فين هو دلوقتي؟ محمد: قاعد قدامي على الكافيه. هنا بصريخ: هو مين دا؟ تقصد مين؟ يوسف: هاني باشا، هيكون مين غيره. محمد: انفذ دلوقتي يا ريس؟ هنا بصريخ وعياط: لااا لااااا! أرجوك، هعملك كل الانت عاوزه، أوعى تأذي بابا، هعيش طول عمري معاك بس أوعى تأذي، أرجوك. *** مها: يوة، اومال فين هنا؟ يا عزة يا عزة.

دادة عزة: أيوا يا ست هانم. مها: فين هنا ويوسف؟ عزة بتوتر: في أوضتهم. وبصراحة... وبلعت ريقها... فيه صوت صريخ عالي. مها بخوف: من أوضتهم؟ عزة: أيوا يا ست هانم. مها طلعت تجري على السلم وبتفتح الأوضة لقيتها مقفولة. مها وهي بتخبط: يوسف، يوسف افتح، افتح يا يوسف بقولك، لو آذيت هنا أنا مش هسيبك. يوسف بضحك: ها، آخر كلام؟ هتنفذي كل اللي أقوله؟ هنا بانهيار: كل حاجة. يوسف: نامي على السرير واقلعي. هنا بذهول: قولت إيه؟

يوسف: نامي على السرير واقلعي. صعبة عليكي ولا إيه؟ هنا لسه كانت هتتكلم بس افتكرت أبوها وحبها له، ونفذت كل اللي بيقوله وهي خالية من أي تعابير أو مشاعر. يوسف بص لها بشهوة وقرب منها، ميل عليها وباسها في رقبتها. هنا وجسمها بيترعش: انت هتعمل إيه؟ يوسف بعد عنها: روحي نامي واستغطي. هنا استغربت وعملت اللي قاله. يوسف قلع القميص بتاعه وفك الحزام. هنا خافت واتوترت جدًا. مها: يوووسف افتح بقول.

يوسف راح يفتح الباب: يووووه، إيه فيه يماما. مها بصدمة: .......