رواية عشقت قمر الصعيد الفصل الثالث والثلاثون 33 - بقلم ندي سامي

قمر: أنا عايزة أروح البيت. باسل: آه طبعاً. باسل لسه هيشيل قمر. قمر: استنى، إنت بتعمل إيه؟ باسل: في إيه، هشيلك يا بنتي. قمر: لا، أنا همشي عادي، متشلنيش. قمر لسه هتقف، داخت ووقعت في حضن باسل. قمر كانت حاسة بأمان محسّتوش من ساعة وفاة والدها، وحست إنها انعزلت عن العالم ومش عايزة أي حاجة تاني غير إنها تفضل كدا. باسل كان مبسوط أوي إنها في حضنه. بعد خمس دقايق رجعت لوعيها تاني. قمر: احم، يلا نمشي.

باسل: يلا، وهشيلك ومفيش اعتراض. قمر استسلمت عشان عارفة إن باسل هيمشي اللي في دماغه. باسل شال قمر ونزل بيها قدام الشركة كلها، وكله مستغرب مين دي. قمر: باسل، نزلني، الناس كلها بتتفرج علينا، هيقولوا علينا إيه دلوقتي. باسل: يقولوا اللي يقولوه، محدش ليه دعوة. طبعاً إحنا معرفناش مين اللي اتصل على قمر وقالها إن باسل تعبان، ومين ليه مصلحة بكده. فلاش باك. باسل مسك فون ورن على رقم شخص. الشخص: ألو، يا باسل باشا، أؤمر.

باسل: وليد، أنا عايزك تيجي الشركة حالاً. وليد: تحت أمرك يا باشا، مسافة السكة. بعد ساعة وصل وليد الشركة وطلع وسأل السكرتيرة على باسل. السكرتيرة: نعم يا فندم، عايز مين؟ وليد: عايز باسل باشا. السكرتيرة: طب حضرتك واخد معاد؟ وليد: لا، بس هو اللي طلبني، ادخلي قوليلوا وليد. السكرتيرة: تمام يا فندم، ثواني أبلغه. السكرتيرة خبطت على باب مكتب باسل. باسل: ادخل. السكرتيرة: باسل بيه، في حد عايز حضرتك بره اسمه وليد.

باسل: دخليه بسرعة. السكرتيرة: حاضر يا فندم. السكرتيرة طلعت وقالت لوليد يدخل. وليد: باسل باشا، إزيك حضرتك؟ باسل: إزيك يا وليد، عامل إيه؟ وليد: بخير يا باشا، حضرتك طلبتني، أؤمرني. باسل: آه، كنت عايزك تتصل على الرقم ده وتبلغ صاحبه الرقم إني تعبان في الشركة ومش راضي أروح المستشفى. وليد: طب حضرتك لو جت واكتشفت إن حضرتك كويس. باسل: وليد، أنا عارف أنا بقول إيه، ومتخافش، مفيش حاجة هتحصلك. وليد: تمام يا باشا، تحت أمرك.

نرجع للواقع بقى. باسل فتح باب العربية وقعد قمر جنبه قدام، ولف وركب في كرسي السواق وساق. كان في عيون بتراقبهم من بعيد. الشخص: بقولك إيه، نفذ اللي اتفقت معاك عليه.