رواية عشقت قمر الصعيد الفصل الثاني والثلاثون 32 - بقلم ندي سامي

قمر قعدت تبص على المكتب وقعدت على الكرسي بتاعه ومسكت الجاكت بتاع البدلة وقعدت تحضن فيه وتبص على الصور اللي كانت على المكتب. فجأة سمعت صوت عالي بره ولسه هاتطلع تشوف مين. الباب اتفتح وكان واحد قمر متعرفوش. السكرتيرة: مينفعش يا فندم كدا، باسل بيه عنده اجتماع ومينفعش حد يدخل مكتبه. الراجل ده هو مجدي الكيلاني، والد شيري. مجدي: أما دي يتعمل إيه في مكتب خطيب بنتي. قمر خافت منه وقعدت تعيط.

السكرتيرة: يا فندم دي تبع باسل بيه، مينفعش كدا. مجدي: اخرسي خالص، أنا لما أتكلم محدش يقاطعني في الكلام. مجدي: بقا انتي الفلاحة اللي صالح مقعدها في بيته وبتلفي على خطيب بنتي وعايزة تتجوزيه. قمر مش قادرة تنطق من كتر العياط وبتبعد وهو بيقرب منها والسكرتيرة مش عارفة تعمله حاجة. مجدي لسه ها يلمس قمر وفجأة سمع صوت يعرفه كويس أوي.

باسل: أوعى تلمسها ولا تمد إيدك عليها، وإلا هنسى إن انت راجل كبير وصديق العيلة ومش هعمل أي اعتبار لأي حد، انت فاهم. مجدي خاف من شكل باسل الغاضب ورجع لورا. مجدي: أنا كنت جاي أتكلم معاك وهي اللي قلت أدبها عليا. قمر ببكاء شديد: والله يا باسل مـ... ما قولت أي حاجة ولا اتكلمت. مجدي: انتي كدابة و... لسه ها يكمل كلامه باسل قطعه. باسل: أنا عارف يا قمر ومصدقك وعارف مين بيكذب ومين لأ. مجدي: قصدك إيه يا باسل.

باسل: قصدي انت فاهمه كويس يا مجدي ومتخلنيش أعمل حاجة تندم عليها. مجدي: دا كله عشان الجربوعة دي... ولسه ها يكمل. باسل شاف قمر ونفسها بيروح وبيغمي عليها. باسل: قمررررر، اطلع بره يلا بره مش أشوف وشك في الشركة تاني. باسل: هات دكتور يا رامز بسرعة. باسل شال قمر وقعدها على الكرسي وجاب برفان من أوضة فيها كل حاجة عشان لو مروحش البيت يقدر ياخد منها اللي هو عايزه وهي في أوضة المكتب.

باسل فضل يفوّق فيها كتير ومفقتش، وجه دكتور الشركة وكشف عليها وقعد يفوّق فيها. قمر فتحت عيونها براحة وبصت لقت باسل قلقان عليها جدا ومتوتر وباين عليه الخوف. باسل أول لما شافها فتحت مسك إيدها وقالها: باسل: قمر انتي كويسة في حاجة تعباكي ها. قمر ابتسمتله وطبطبت على إيده عشان تطمنه. الدكتور: أنا نبهت قبل كدا إن محدش يزعلها. باسل: إحنا آسفين يا دكتور ومش هتتكرر تاني.

الدكتور: أتمنى يا باسل باشا، وده علاج كتبته وياريت تاخدوا بالكم منها. باسل: تمام يا دكتور. رامز راح يوصل الدكتور وباسل قعد جنب قمر. باسل: قمر انتي كويسة صح. قمر: الحمد لله كويسة، أنا عايزة أروح البيت. باسل: أها طبعًا. باسل لسه ها...