رواية عشقت قمر الصعيد الفصل الثاني والأربعون 42 - بقلم ندي سامي

ناديه: أنا هروح بقى عشان أشرف على الأكل بتاع الحفلة والناس اللي بيحضروا ليها، أنتي عارفة بقى صالح باشا مشغول هو وباسل وسايبين كل حاجة عليا. قمر: ربنا يعينك يا نور عيني. قمر احتضنتها، وفجأة الباب فتح ودخل باسل. باسل: طب وأنا ماليش حضن ولا إيه؟ باسل غمز. نادية ضحكت، وقمر اتكسفت. نادية: إيه اللي جايبك أوضة قمر يا باسل ها؟ باسل: أبداً يا ماما، أنا سألت عليكي قالولي إنك هنا. نادية: وكنت عايز إيه يا سيدي؟

باسل بغضب بسيط: إزاي يا ماما تعزموا شيري وأهلها؟ نادية: بابا اللي عزمهم يا حبيبي عشان البيزنس مش أكتر، لكن إحنا علاقتنا مش هتكون زي الأول. قمر: أنا آسفة، أنا اللي خليتكم تبعدوا عن بعض. باسل: متقوليش كده تاني، ده اللي يزعلك امحيه من على وش الدنيا، أحم قصدي كلكم يعني. نادية بضحك: طب يلا يا أخويا عشان تجهز، ونسيب قمر تجهز هي كمان. نادية خرجت هي وباسل، وباسل لسه واقف. نادية: يلا يا ابني بقى.

باسل: جاي يست الكل وراكي على طول. قمر: إيه واقف ليه؟ ما تروح تجهز عشان حبيبة القلب ممكن تيجي. باسل بخبث: أها، ما هي جاية فعلاً، هي أول حد اتعزم على الحفلة. قمر بغيظ: طب يلا مع السلامة، مش فاضيين، يلا عشان هنرش ميه. باسل بضحك: هههههه، ماشي ياستي، متزعقيش بس ها، بدل ما أتهور ها. باسل غمز. قمر قفلت الباب وقعدت تضحك عليه. باسل: هههه، مجنونة والله، بس مسير الجميل يحن. كلهم راحوا يجهزوا عشان الحفلة. بعد ساعة. في بيت رامز.

رامز: إيه يا جماعة، ده كله لسه مجهزتوش؟ ده أنا جهزت. أماني: إحنا جهزنا أهو. علي: في إيه يا ولد بتزعق لي كده؟ رامز: الحفلة هتبدأ وإحنا لسه مروحناش. أماني: هنلحق يا حبيبي إن شاء الله. علي: يلا يا ابني بقى. كلهم طلعوا من البيت وركبوا العربية، وفي طريقهم لفيلا الدمنهوري. في فيلا مجدي الكيلاني. ساهر: ملوش لازمة إننا نروح الحفلة يعني. شيري: وإنت مالك؟ إنت مش عايز تروح اقعد.

وفاء: خلاص يا ولاد، إنتوا صغيرين على الحاجات دي ولا إيه؟ يلا، أمال فين مجدي؟ مجدي: أنا جيت أهو، يلا. خرجوا، وساهر ركب عربيته، وشيري ركبت عربيتها، ووفاء ومجدي ركبوا سوا. كله جهز. صالح وباسل كانوا بيستقبلوا رجال الأعمال. ونادية كانت بتستقبل الناس أصحابهم. تالين فتحت الباب على قمر. تالين: قمر يا قمر أنا... بسم الله ما شاء الله، إيه القمر ده بس! قمر: ده إنتي اللي قمر يا توتة والله.

تالين: نيجي فيكي إيه يا بنتي، بس يبخت اللي هياخدك. ضحكوا الاتنين. قمر كانت لابسة فستان سواريه أسود وطرحة نفس اللون، وحاطة ميكب خفيف وهيلز. وتالين كانت لابسة فستان لونه بينك بس قصير شوية ومن غير حجاب. باسل لسه بيتكلم مع واحد، وفجأة شاف قمر وهي داخلة الحفلة، وقد إيه كانت جميلة أوي، وفضل متنح كده لحد ما وصلت عند مامته. الشخص: باسل باشا، يا باشا. باسل: ها، بتقول حاجة؟ الشخص: لا، ده إنت مش معايا خالص. باسل: طب عن إذنك.

قمر كانت رايحة عند نادية، ونادية أول ما شافتها. نادية: اللهم بارك، إيه الجمال ده! قمر: روح قلبي يا ماما، إنتي اللي ذوقك يجنن، تسلم إيدك. باسل من وراهم: لا، ده الفستان زاد جمال لما إنتي لبستيه. بقولك إيه، تعالي أقولك حاجة. نادية: عيب كده يا ولد، ده أنا واقفة. باسل: متقلقيش والله يا حبيبتي. باسل ضحك. باسل مسك قمر من إيدها وخدها على جنب شوية. قمر: إيه يا باسل؟ إنت خدتني ليه؟ أنا عايزة أقف مع ماما.

باسل: متخافيش يا بنتي، أنا كنت عايز أقولك حاجة، بس أول حاجة عايز أقولك إن إنتي قمر في كل حالاتك، وذوقي في الفستان طلع يجنن، بس إنتي اللي محلياه طبعاً. وندخل في المهم، قمر أنا عايز أقولك إن أنا... شيري: إنت إيه يا باسل؟ ما تكمل. باسل بغضب: شيري، إنتي اللي جابك هنا وبتدخلي لي ليه أصلاً ما بينا؟ شيري بغضب شديد: عشان إنت بتاعي أنا وبس، إنت فاهم؟ وبعدين مسكت باسل من دقنه وقالت بمياصة: مش أنا برضه حبيبتك ولا إيه يا باسل؟

باسل شال إيدها بقرف. باسل: أوعي إيدك دي بدل ما أتصرف معاكي تصرف ما يعجبكيش، إنتي فاهمة؟ باسل لسه بيبص عشان يشوف قمر، لقاها مشيت. قدامه بص لشيري بغضب ومشي. باسل: قمر يا قمر، خدي تعالي هنا. باسل مسكها من دراعها. قمر بغضب: إيه؟ في إيه؟ سيب إيدي. باسل بنفاذ صبر: قمر، اهدي، إنتي فاهمة غلط، إنتي شايفه إن هي... قمر بتسرع: مش محتاج تبرر، سيبني عشان الناس بتبص علينا، وعايزة أروح أقعد مع ماما. ولسه هيكلمها فجأة...