رواية عشقت معاق الفصل الخامس 5 - بقلم نادين محمد

ماسه: كان ناقصني ده كمان... بعد ما لبست روحت قعدت وفتحت شنطتي وطلعت الموبايل.... بس المشكلة مفيش شبكة خالص. طلعت بره الكوخ وبعدت شوية وطلعت الموبايل ورنيت على رنا. رنا بقلق: يخربيتك انتي فين؟ ماسه: انسي يارنا... انسي دلوقتي أنا فين. المهم... أنا اتصلت بيكي عشان موعدكيش إني هعرف أكلمك تاني. رنا: ده وقته ياماسة... ماسة بالله عليكي انتي فين؟ ماسه: قلتلك يارنا مش مهم... أنا عايزة تعرفي بس إني بحبك أوي...

وطول عمرك هتفضلي أحلى صديقة بالنسبالي... مقدرش أقول أكتر من كده. وقفت معاها وبصيت لقيت اللي بيقول... سليم: بتعملي إيه هنا؟ ماسه بخضة: عااااااااااا... سليم: أنا سليم على فكرة. ماسه: يا شيخ ينعل أبو شكلك. سليم: إيه يابت ده؟ ماسه بزعيق: خضتني يا عم! سليم: اتنيل. ماسه ضربته في بطنه. سليم: ااااااه. ماسه: عشان تبقى تعرف تكلمني وحش تاني. سليم: طب انجري قدامي. مردتش عليه ودخلت وهو دخل وراها. ماسه: عايز إيه؟

سليم: انتي هتفضلي كده كتير.... مش هنرتاح مع بعض على فكرة. ماسه: ما إن شاء الله عنك ما ارتحت يا عم. سليم: أنا غلطان أصلاً. ماسه: تستاهل. مسك دراعها جامد ولزقها في الحيطة. سليم بتحذير: أحذرك ياماسة ودي آخر مرة أحذرك فيها... لو اتكلمتي معايا كده تاني هتشوفي الوش التاني. ماسه: دراعي ياعم ابعد عني. سليم ضغط أكتر: مش هبعد ياماسة غير لما تعرفي أنتِ مين الأول. ماسه بتعيط ومش بتتكلم بتبص له بس.

سليم بعد عنها وراح قعد على البار. وماسه راحت قعدت على الكنبة وقعدت تعيط. سليم بص لها وراح قعد جنبها. سليم بمشاكسة: فكي بقى. ماسه بعياط: ملكش دعوة بيا. سليم بصوت عالي: ماسة... أنا مش بحب اللعب. بتعيط برضو ومردتش عليه. سليم: والمصحف... مسحت دموعها ومردتش عليه. وفجأة وبدون سابق إنذار شدها لحضنه. ماسه بعصبية: والمصحف... انت هتستهبل يا لهوي. سليم بهدوء: ممكن تهدي. ماسه: انت إزاي تقدر تشدني كده ها... مين سمحلك إنك تحضني؟

سليم: أنا. ماسه: والله. سليم: إيه مش عاجبك؟ ماسه: طب ممكن تبعد عشان عايزة أنام. سليم: ما تنامي حد حايشك!! ماسه: والله إنك رخمه... أوعى بقى. سليم: مش متحرك ياماسة... اعملي اللي تعمليه. قعدت تفرك بكل قوتها بس هو أقوى منها... فـ الآخر استسلمت ونامت يعني. سليم بص لها وبعدين حط راسه على راسها ونام. (عند عمر) نادين: أنا مش مرتاحة لماسة دي ياعمر خالص. عمر بزعيق: حد سمحلك إنك تتكلمي يانادين؟

علياء: مفيش حاجة ياعمر هي بتقول رأيها.... بس أنا بصراحة حاسة إنها طيبة يعني محترمة مش عارفة... إيه سبب هروبها؟ آدم بتفكير: اممم... ممكن تكون بصت من ورا الباب وشافت إن عمر العريس... وهربت. نادين بضحك: ما عمر يهرب بلد! عمر بص لها بصة تحذير وهي سكتت. آدم: بص هي مش عشان أختي بس والله عندها حق... البت كانت شوية وهتطق. عمر ببرود: تتفلق. علياء: عمر انت هتفضل كده... كده. غلط ليك... طول الوقت متعصب وبارد لا مؤاخذة يعني.

عمر مردش عليها وسابها وطلع. علياء: أمتي يرجع عمر بتاع زمان. (تاني يوم الصبح عند ماسة) ماسه صحيت من النوم حست إن في حاجة تقيلة على راسها بصت لقت وش سليم في وشها. ماسه: عاااااااااا. سليم بنوم: في إيه؟ ماسه: انت قليل الأدب. سليم بضحك: حد قالك إني متربي أصلاً. ماسه: اممم... مهو باين مش محتاج تقولي... ابعد عني بقى يا بارد. سليم: قومي يا أختي. قامت دخلت الحمام وسليم راح قعد على البار.

ماسه طلعت: هو انت هتفضل قاعد معايا كل يوم كده؟ سليم: إيه عندك مانع؟ ماسه: والله. سليم ببرود: آه والله. ماسه: ولا انت طلعت بارد أكتر منه؟ سليم باستغراب: هو مين ده؟ ماسه: ها... لا لا متحطش في بالك. سليم: طب يلا روحي البسي عشان هنروح السوبر ماركت. ماسه بفرح: إيه ده بجد؟ سليم: أيوه بجد... يلا. ماسه: ماشي. دخلت تلبس في الأوضة ولبست تيشرت بينك وبنطلون أبيض ولبست نظارة سودة وشوز بينك. سليم: إيه كمية البمبي ده؟

ماسه: يلا بقى بلاش رخامة. سليم: يلا ياختي. راحوا ركبوا العربية وبعد شوية وصلوا على المول. ماسه: تصدق بقالي زمان مروحتش مول. سليم: معلش. دخلوا هما الاتنين. سليم: خشي السوبر ماركت وأنا هروح أعمل حاجة وأجي. ماسه: ماشي. ماسه دخلت السوبر ماركت تدور على أكل أي حاجة وسمعت صوت من بعيد مش غريب عليها. = لو سمحتي عايز.... بسرعة. = آه طبعاً يا... بيه.. اتفضل. وبصت واتصدمت. ماسه بصدمة: آدم!!