رواية عشقت معاق الفصل السابع 7 - بقلم نادين محمد

سليم: مراتي ياسه بصتله بصدمه إنه قال عليا مراته وهو بصلي وغمزلي. سهي: وهنت عليك ياسيمو. ماسه بغيره: إيه سيمو دي... ماتتعدلي يابت إنتي بلاش دلع. سهي: وإنتي مالك... أنا بكلم سيمو مش بكلمك إنتي. ماسه: لا ياحبيبتي... ميغركيش المنظر النضيف دانا أقتلك.. اسكُتي أحسن بدل ما أجيبك من شعرك وأمسح بيكي الأرض. سهي بقرف: إيه الشرشحة دي يابيئة. ماسه: آهه.. إنتي شكلك عايزة تتربي من أول وجديد بقا. ومسكتها من شعرها.

سهي بصريخ: ااااااه. سليم بزعيق: خلاص ياماسه.. اسكُتي. ماسه: ده على أساس إني غلطانة يعني. سليم: مينفعش تضربيها كده. وخد الرخمة أقصد سهي في حضنه. بصتله بغضب وطلعت فوق. قعدت في الأوضة اللي قابلتني وقعدت أعايط على الأرض. سليم: إيه يانكدوم. مستمرة في العياط. سليم: تصدقي بالله إنك رخمة. ماسه بزعيق: آه رخمة.... روح اقعد مع السنيورة بتاعتك انت عايز إيه مني. سليم: ودي أعتبرها غيرة. ماسه بتوتر: ااا.... لا مش غيرة...

وقوم امشي بقا. سليم: الغيرة كانت باينة في عينيكي على فكرة. ماسه: وأنا أعملك إيه يعني... ما تبان. سليم: يعني اعترفتي كمان... ما شاء الله. ماسه: ولا إنت بارد يلا... قوم أمشي. قرب مني: ولو ممشيتش. ماسه بتوتر: ابعد عشان أنا لما بتوتر بيغمى عليا. قرب مني أكتر: والله؟!! ماسه بتوتر: ينعل أبو شكلك يا أخويا... ابعد بقا. قرب مني أكتر وبقى وشه قريب من وشي أوي.

وأنا ساعتها اغمي عليا لأني قولت للغبي إنه بيغمى عليا بس مفهمش لأنه غبي أصلا. سليم: دانتي طلعتي مش بتكذبي بقا. شالني وحطني على السرير وسابني ونزل. (بعد شوية) صحيت وأنا مدروخة وافتكرت اللي حصل. ماسه: عيل بااااااارد. سليم: سامعك على فكرة. ماسه بخضه: يما إن...... سكتت لما لقيتو طالع من الحمام ولابس شورت بس. ماسه غمّت عينيها بسرعة: يييييه. سليم: في إيه. ماسه: ماتقول أحم يا عم مش كده.. مفيش باب قبل ما تخش حتى.

سليم: أحم أهو. ماسه: والله إنت هتستهبل... وبعدين إيه اللي دخل أوضتي يا محترم يا ابن المحترمين. سليم: ومين قالك إنها أوضتك أصلا. ماسه باستغراب: أومال دي أوضة مين. سليم: أوضتي. ماسه بصدمة: نهار أسود ومنيل... RUN. وقامت تجري برا الأوضة. سليم ضحك جامد عليها وعلى جنونها وراح يلبس. نزلت تحت لقيت المعفنة دي قاعدة. سهي بقرف: إيه ياماسه... اتأخرتي كده ليه. ماسه ببرود: أنا حرة... عندك مانع. مردتش عليا وكملت أكل.

سليم بعد شوية نزل. سليم: أهلييين. سهي بدلع: إزيك ياسيمو.. وحشتني. بصتلها بقرف ومسكت السكينة خبطت بيها عالطربيزة. سليم: ماشية. متحرجتش هي وكملت أكل. بعد خمس دقايق. سهي بتمثيل: آآآه... آآآه. سليم: مالك في إيه. سهي بتمثيل ودلع: رجلي وجعاني أوي ياسيمو. سليم قرب منها وقعد يدلكلها رجلها وهي بصتلي بانتصار. قومت بزعل وروحت وقفت في الجنينة. ه.. هو أنا بغير عليه ليه... ده مجرد شخص دخل حياتي... ه... هو.. أنا... حبيته...

معقول... لا لا أكيد أنا بحلم... أنا حبيته... طب ليه بغير عليه مادام مش بحبه. سليم: زعلتي ليه ياقمر أنا مش بحبها والله. ماسه بتمثيل: لا... أنا مش زعلانة... هزعل ليه أصلا. سليم بضحك: لا زعلتي. ماسه: بطل رخامة بقا... يلا أنا هطلع أوضتي عشان أنام. سليم: تمام. ماسه: تصبح على خير. سليم بحب: وإنتي من أهلي. ماسه باحراج وكسوف: احم.. ان... أنا هطلع أنام بقا. سليم: طيب يلا روحي. ماسه: أوكي.

ورحت عشان اطلع أنام بس وأنا عالـ باب اتزحلقت ووقعت على راسي.... مش فاكرة حاجة غير إن سليم جري عليا وكان دمي سايح حواليا.