رواية عشقت معاق الفصل السابع عشر 17 - بقلم نادين محمد

عمر: إيه اللي انتي عملتيه تحت ده؟ ماسه: يعني عايزني أشوفها ماسكة إيدك وبتتدلع وأسكت؟ إنت اتجننت؟ عمر: ده على أساس إنك بتغيري عليا أوي يعني. ماسه: لأ مش بغير عليك... منظري قدام الناس... كلهم عارفين إني مراتك ويشوفوا واحدة ماسكة إيدك وبتتدلع يبقى ده اسمه هبل... لما تبقى تطلقني ابقى اعمل اللي انت عايزه... ماشية. مد يدها طول الوقت ومسك وشها بين إيديه وباسها. اتصدمت، فضلت واقفة متنحة يجي خمس ثواني كده، بعدين استجابت معاه.

عمر بعد عنها عشان تقدر تتنفس وسند جبينه على جبينها وقال: بس أنا مش عايز أطلقك. ماسه: ل... ليه؟ عمر: عشان بحبك يا ماسه. بعدت عنه بسرعة وهي مصدومة، يعني الإنسان البارد ده يحبها هي. ماسه: إنت بتضحك عليا صح؟ وهو واقف باصلها وخلاص. ماسه بدموع: والنبي قول إنت بتضحك عليا، متعشميش بحاجة. عمر بضحك: يعني إنتي كمان بتحبيني؟ ماسه بتوتر: مين... أنا... معقول أنا أحبك إنت... لأ مش بحبك طبعاً.

عمر ببرود: لو ما كنتيش بتحبيني كنتي زقيتيني يا ماسه. ما استجابتش معاه. ماسه: هو الحوار خلص... أنا مش بحبك وخلاص. عمر: بس أنا بحبك. ماسه فسرتها: بخربيتك وأنا والله. بعدين رجعت قالت: أيوه وأنا مش بحبك. عمر بهدوء: ماسه تعالي كده. ماسه: إنت منحرف أوي على فكرة، لأ مش جاية. عمر بهدوء: تعالي بس كده. ماسه بخوف: هتعمل إيه؟ عمر: هعملك إيه يعني مش هعملك حاجة. ماسه قربت: اهو... على فكرة لو لمستني هم... همشي وأسيبلك البيت كله هه.

مسك خصلات شعرها وقعد يلعب فيهم. ماسه بتوتر: في إيه؟ مش بيرد عليها برضه. ماسه: هعيط والله هعيط. في إيه؟ بيلعب بشعرها لسه وبصلها في عينيها... كالعادة بتبص يمين وشمال لحد ما هو ثبت وشها بإيده وخلاها تبصله برضه. عمر بهدوء: ماسه. ماسه بسرحان: ها. عمر: بتحبيني؟! ماسه بسرحان: أيوه. عمر: شوفتي... متحاوليش تلعبي معايا تاني بقى. ماسه بتكشيرة: يارخم. عمر: يلا ننزل. ماسه: عايزني أنزل أنا وأوليفيا دي في مكان واحد عشان أقتلها.

عمر: ماسه، أوليفيا خدوه عال مستشفى عشان بعد ما انتي ضربتيها بالقلم وقعت على الأرض ودماغها اتعورت. ماسه بطفولة: أحسن، أحسن. عمر: يلا تعالي. ماسه: لأ انزل إنت، أنا هقعد هنا عشان مش قادرة أنزل بصراحة. عمر: ليه؟ ماسه: مفيش، هقعد هنا شوية مع نفسي. عمر: شوية وهطلع. ماسه بابتسامة: ماشي. عمر نزل. ماسه طولت راحت قعدت على السرير وجابت الفون ورنت على رنا. رنا: ماسه عاملة إيه؟ ماسه: فل. رنا: في إيه؟ ماسه: أقولك.

رنا: قولي شوقتيني. ماسه: احم... عمر... رنا: ماله؟ ماسه: قالي إنه بيحبني. رنا بصدمة: بتهزري؟ ماسه بفرحة: أنا مبسوطة أوي. رنا: وإنتي صدقتيه كده؟ ماسه: أيوه، يعني هيقول كده ليه؟ رنا: بيلعب بيكي مثلاً. ماسه: رنا اسكتي أحسن، اسكتي. رنا: أيوه ماشي، ها وبعدين؟ ماسه: بت، تصدقي إنك كلبة إنتي واللي يتصل عليكي. رنا: كويس إنك عارفة. ماسه: بقولك إيه... تصبحي على خير. رنا: وإنتي من أهله. وقفلت.

دخلت قلعت الفستان ولبست بيجامة عادي وقعدت على السرير. عمر: ماسه. ماسه: نعم. عمر: صاحية لسه؟ ماسه: اتأخرت على فكرة. عمر: معلشي. ماسه: طيب يلا روح غير وتعال. دخل الحمام وغير وطلع قعد جنب ماسه. عمر: بتعملي إيه؟ ماسه: مفيش، كنت قاعدة بقرا رواية على ما تطلع. عمر خدها في حضنه ونام. عمر: اسمها إيه؟ ماسه: اسمها سرحان. عمر: وريني. ماسه بصتله: بتحب القراءة. عمر باسها برقة وقال: أيون... وريني. ماسه: اهي.

وقعدت تقرأ لحد ما ناموا هما الاتنين. *عند رنا* رنا عملت نسكافيه وراحت قعدت في البلكونة بليل وكله نايم وجابت كتاب وقعدت تقرأ فيه. قاطعها صوت موبايلها بيرن وكان المتصل أدم. رنا: هو جاب رقمي منين؟ أدم: رنا صح؟ رنا: جاب رقمي منين؟ أدم: من ماسه. رنا: أيوه ليه؟ أدم: في إيه يا رنا؟ رنا: مفيش حاجة خلاص. أدم: عاملة إيه؟ رنا: الحمدلله كويسة. أدم: بقولك إيه. رنا: نعم. أدم: تيجي معانا الاسطبل بكرة. رنا بفرحة: بجد؟ اسطبل...

بتهزر؟ أدم: إنتي بتحبي الخيل؟ رنا: أوي. أدم: خلاص تعالي بكرة. رنا: بس ممكن أجيب أخويا معايا. أدم: أيوه براحتك. رنا: ماشي. وقعدوا يتكلموا يجي ساعة كده بعدين قفلوا ورنا دخلت نامت. "تاني يوم الصبح" ماسه فتحت عينيها لقت عمر لسه نايم. ماسه: يالهوي على الكسل... عمر... عمر. عمر: اممم. ماسه: مش هتقوم؟ عمر: صحيت أهو. ماسه: طيب يلا قوم. عمر: عايزة إيه مني يا ماسه؟ ماسه: الشركة. عمر: النهار ده إجازة. ماسه: لييه؟

عمر: عشان هنروح الاسطبل. ماسه بصدمة: بتهزر... يعني خيل وكده صح؟ عمر: أيوه. ماسه: بجد؟ عمر: أيوه بجد. ماسه: يااااي! قامت نطت من على السرير نزلت تحت بسرعة. ماسه: نادين. نادين: نعم. ماسه: هتيجي معانا الاسطبل؟ نادين: العيلة كلها رايحة. ماسه حضنتها: أنا مبسوطة أوي بجد. نادين بخبث: للخيل ولا لعمر؟ ماسه: الاتنين هه. وقفت هما الاتنين في المطبخ بيعملوا فطار وبعدين قعدوا يفطروا. أدم: عمر. عمر: نعم. أدم: احم...

رنا وأخوها هييجوا معانا. عمر: رنا مين؟ أدم: صاحبة ماسه وصاحبتي. عمر: اها... ماشي. أدم ابتسم وكملوا أكل. بعدين ماسه طلعت لبست توب وبنطلون قصير شوية ونزلت. عمر: ماستي... تعالي. ماسه: إنت قولت إيه؟ عمر: ماستي... عشان إنتي ليا أنا. ابتسمت بسرحان وبعدين طلعت بره وهو ضحك عليها وطلع وراها. "بعد ما وصلوا الاسطبل" رنا: أهلاً يا أستاذ عمر. عمر: إزيك يا آنسة رنا؟ رنا: تمام. ماسه بغيره: عمر تعالي يلا ننقي الخيل. عمر: ماشي تعالي.

وراحوا مكان الخيل. ماسه وهي باصة قدامها: إيدك دي لو لمست إيد بنت غيري هقطعها لك. عمر: بتغيري؟ ماسه: مش واضح يعني. عمر: تعالي يا ماستي ننقي الخيل. ماسه: حلوة أوي دي... اسمها إيه؟ عمر: اسمها ماسه. ماسه كانت بتطبطب عليها وقفت من الاستغراب. ماسه: وده من إمتى الاسم ده؟ عمر: من أسبوع... من وقت ما بدأت أحبك. ماسه بصت للخيل تاني وضحكت. عمر: بتعرفي تسوقي خيل؟ ماسه: لأ. عمر: هعلمك... تعالي. ماسه: هتعمل إيه؟ عمر: هركبك يا بنتي.

ماسه: طيب. مسكها من وسطها ورفعها على الخيل بعدين طلع هو قدامها. عمر: امسكي فيا. ماسه بخوف: لأ أنا خايفة، نزلني. عمر: متخافيش، امسكي فيا بس. ماسه: حاضر. مسكت فيه وبعدين الخيل مشي. "رنا وأدم" أدم: بتعرفي تركبي الخيل؟ رنا: يعني كده وكده. أدم: طب تعالي. رفعها برضه على الخيل وركب قدامها. أدم: امسكي فيا. رنا: ط... طيب. ومسكت فيه والخيل مشي برضه. "أحمد ونادين" نادين: عايز إيه يا بني آدم يا سئيل؟ أحمد: أنا كلمتك يابنت.

نادين: أما إنت رخمه صحيح... اوعى، عايزة أركب الخيل. يخربيتك. أحمد: وعيت أهوه. وركبت الخيل وبصتله. بقرف ومشيت. وهو قعد على الكرسي. يعني مش بيكرب خيل. "عمر وماسه" عمر وقف عند النيل هو وماسه وقعدوا سوا. ماسه: الجو هنا حلو أوي. عمر: جدا. ماسه: عمر... أنا بحبك أوي. عمر: مش أكتر مني يا ماستي. وباس راسها. عمر: خليكي هنا، هروح أجيب عصير وأجي. ماسه: متتأخرش. عمر: حاضر. ومشي. في ست معدية (الخيل مش خاص) راحت وقفت جنب ماسه.

الست: أجرك ألف كف يا بنتي. ماسه مش بتأمن بالحاجات دي بس قالت تجرب يعني إيه المشكلة. الست خدت كفها وقعدت تمشي عليه صباعها وهي قافلة عينيها... بعدين فتحت بخضة وقالت: شايفه في بنت شبهك... بتجري بليل في المطر بفستان فرح!