رواية عشقت معاق الفصل السادس عشر 16 - بقلم نادين محمد

البنت دخلت وعمر مشغول في أوراقه. عمر وهو باصص للورق: أهلاً وسه... ماسه!! ماسه بابتسامة احراج: احم.. أهلاً يا عمر. عمر قام من المكتب: بتعملي إيه هنا؟ ماسه بتوتر: اااه... احم... كنت جاية أقدم على وظيفة هنا... في حاجة. عمر بص لها بطرف عينه: والله. ماسه ضحكت باحراج وبعدين هزت رأسها لتحت. عمر قرب منها وقال لها: جاية تشتغلي هنا، امم. ماسه بتبعد: في إيه بتقرب كده لي؟ وهو بيقرب أكتر.

ماسه بتبعد: يا عم في إيه وربنا مش وقته خالص. قرب أكتر لحد ما لزقها في الحيطة وفضل باصص لها شوية وهي بتبص يمين وشمال تحت وفوق، المهم عينها متجيش في عينه وخلاص. بعدين قرب منها وهمس في ودنها: بس احنا هنا ما عندناش مكان فاضي. ماسه بتكشيرة: إزاي يعني شركة طويلة عريضة ما فيهاش شغل؟ عمر: أيوه. ماسه: اا... ممكن تشغلني سكرتيرتك الشخصية؟ عمر: أومال ليلى دي بتعمل إيه هنا؟

ماسه: عادي يا عمر يعني شغلها أي حاجة هنا مش لازم سكرتيرتك عشان خاطري. رجع خصلات شعرها ورا ودنها وقال: ممكن. ماسه بابتسامة: بجد؟ عمر: اممم بجد. ماسه: طب إمتى أستلم الشغل طيب؟ عمر: دلوقتي لو حابة. ماسه: يا ريت أنا أصلاً زهقانة ومش لاقية حاجة تسليني وقاعدة لوحدي ونادين وعلياء نايمين و.... عمر قاطعها لما حط إيده على بقها وقال: أول شرط هنا مش بحب الرغي الكتير... لينا كلام في البيت. ثانياً كلامي يتنفذ. فوقته. ثالثاً...

خلينا نشوف إذا كنتي تقدري تستحملي شغل السكرتيرة ده.. متفقين؟ وبعدين شال إيده. ماسه هزت رأسها لتحت وعمر ساب المكتب ومشي. ماسه: خلتني أنسى اللحظة بكلامك اللي زي الدبش ده... أوووف. عمر: سامعاك على فكرة. ماسه: يوووه. راحت قعدت على مكتبها وهي بتراجع الأوراق اللي كانت على المكتب ومش فاهمة منها حاجة خالص. ماسه طلعت بره عشان تدور على عمر ييجي يفهمها، لقيته واقف مع بنت. زعلت وكشرت وراحت ليهم. أوليفيا بدلع: أهلاً وسهلاً...

إنتي سكرتيرة عموري الجديده؟ ماسه: نعم... عموري!! هي وصلت لعموري يا عمر؟ أوليفيا: مالك؟ you are so sad باين عليكي. ماسه: تقربي إيه لعموري بقى يا حلوة انتي؟ أوليفيا بدلع: حبيبي. عمر بص لها بصدمة وقال في سره: يابنت الكدابة. ماسه: ح... حبيبك صح؟ أوليفيا: اهمم. ماسه: اهاااا... وبدون سابق إنذار مسكت شعرها وشدته. ماسه: حبيبي يا كدابة يابنت الكذابين... انتي عارفة ده مين... ده جوزي يا ماما وأنا مراته ها... مراتههه...

ياريت تفهمي ده يعني وكفاية كدب الله يخليكي. أوليفيا: سيبي شعري اااه. سابته وبصت لها بقرف وراحت عالحمام. دخلت وقفت قدام الحوض وغسلت وشها وأيدها وقعدت تكلم نفسها في المراية: قال حبيبي قال... بتقولي حبيبيي نينينينينينينيني... مستفزة... بت متدلعة وشايفة نفسها على أي... قال وجاية شعرها مكروت وتقولي كيرلي.. الله يرحم أبوكي كان بيسرح شعره بالمشط بتاع الكلاب وفكره مشط عادي وخلصت ودخلت المكتب تاني لقت عمر قاعد على المكتب.

عمر: ماسه هاتي نوته الشغل بسرعة. ماسه: حاضر.. أهي. عمر: اقرأيها. ماسه: احم احم... أستاذ عمر أنت عندك موعد مع الساعة 12 الضهر... وعندك موعد مع المغرب... وبس. عمر: بس كده! ماسه: أيوه. عمر: تمام... جهزي نفسك عندنا حفلة بليل. ماسه: حفلة!! ليه؟ عمر: في إيه هي حفلة. ماسه: تمام طيب متزعقش. عمر: شوية كده وهتروحي تلبسي تمام... فيه فستان عندك في الدولاب البسيه. ماسه: طيب ماشي.. وراحت قعدت على مكتبها تاني. *بليل*

عمر روح القصر الحفلة جاهزة طبعاً... كل المعازيم موجودة وبعد شوية لقى ماسه نازلة... لابسة فستان بنفسجي قصير شوية... وعاملة شعرها كيرلي.... والفستان كان مفتوح من عند الرقبة سيكا... وراحت وقفت جنب عمر. عمر: شكلك حلو بالفستان. ماسه بفرح: بجد حلو. عمر: أوي. ماسه ابتسمت ووقفت معاه.. المعازيم كلهم كانوا ناس في الشركة شغالين عنده يعني. جت أوليفيا في نص القعدة وقفت جنب عمر وبصت له ومسكت إيده. ماسه: على الأغلب مش شايفاني صح!

... يا حلوة.. بصيلي كده... اممم حلوين أوي عدساتك... بس شكلك مش بتشوفي فيهم. أوليفيا: عفوا. ماسه: إنتي اللي عفوا... أي مش شايفاني مش شايفة الخاتم يا ماما. أوليفيا: اممممم حلو عليكي... ممكن تسيبيني أنا وعموري شوية. ماسه بصت لعمر وضحكت وبعدين بصت لأوليفيا تاني: آه شوفي كده... أنا أصلاً متعصبة جداً... وجاي على بالي إني أفش غلي في حد... انتي عارفة بيلقبوني بإيه.. قاتلة النساء.

وبعدين ضربتها بالقلم عشان كانت جاية بلبس قصير وجريء وكمان قليلة الأدب. عمر شد ماسه من أيدها على فوق وطلع بيها وقفل الباب. عمر: إيه اللي إنتي عملتيه تحت ده؟ ماسه: يعني عايزني أشوفها ماسكة إيدك وبتتدلع وأسكت انت اتجننت. عمر: ده على أساس إنك بتغيري عليا أوي يعني. ماسه: لا مش بغير عليك... منظري قدام الناس... كلهم عارفين إني مراتك ويشوفوا واحدة ماسكة إيدك وبتتدلع يبقى ده اسمه هبل...

لما تبقي تطلقني أبقى أعمل اللي انت عايزه... ماشي. لفت تمشي بس ملحقتش. عمر شدها من أيدها على طول ومسك وشها بين إيديه وباسها و.....