رواية عشقت معذبي الفصل السادس 6 - بقلم بسمه صلاح

ليلى بصت بخوف على الصوت ومسكت في هدوم فهد أكتر. ليلى: أنت. فهد: وأنت مين بقا؟ مراد: أنا جوزها، أوعى تكون مقالتلكش؟ تؤ تؤ، ضحكت عليك. فهد: اخرس واطلعوا بره. ليلى مش هتمشي من هنا وهي عايزة تطلق وده اللي هيحصل. مراد: وده مش هيحصل غير على جثتي. مجدي: أنا هاخد بنتي معايا، وأنت ملكش حق إنك تقول لأ، لاما هاخدها بالقانون وأنت عارف إني أقدر. وأنت هتطلق ليلى، هي مش عايزك، يبقى خلاص.

فهد مردش وسكت، وليلى قلقت وخافت إنه يكون باعها. مراد: ليلى بتاعتي، أنت فاهم، وهاخدها يعني هاخدها. أول ما خلص كلامه رجّالته جت، وهو كان جاي ياخدها بس أيد منعته. فهد بغضب جحيمي: ليلى مش هتروح معاك. أنا ظابط وهي مش عايزك، يعني أنت ملكش الحق إنك تاخدها والقانون هو اللي هيفصل بينكوا، فـ أحسن لك تمشي. مراد بص له بخبث. مراد: طيب، بس طول ما أنا عايش ليلى هتعيش أسوأ أيام حياتها. مراد مشي ومفضلش غير مجدي ومراد وليلى.

مجدي بحنية مزيفة: يابنتي أنا غلط وعايزك معايا، سامحيني. ليلى بدموع معرفتش تعمل إيه. ليلى: مسامحاك يابابا. ليلى راحت عنده وهو مسكها. فهد: احم. ليلى: شكرًا ليك يا أستاذ فهد، مش عارفة أقولك إيه. فهد: مفيش شكر ولا حاجة، ده واجبي. مجدي: يلا يا ليلى. ليلى مشيت وفهد قفل الباب وزعل، بس أوهم نفسه إنه زعل علشان بس اللي حصلها مش أكتر. ليلى مشيت مع مجدي، وأول ما روحت استقبلتها حميدة. ليلى: وحشتيني ياماما.

حميدة: أنا مش أمك يابنت، انتي أمك الخدامة، مش أنا. ليلى: إيه! فهد قعد على سرير ليلى وبص على التيشيرت اللي لبسته، خده وشامه واتنهد. فهد: حاسس إحساس مش عايز، مش عايز أحسه، ياليلى، مينفعش، أنت أرق من كده، مينفعش ياليلى. فهد قام وعمل نسكافيه وقعد في البلكونة. فهد: بس مفيهاش حاجة، أطمن عليكي بردوا. (ضرب إيده في رأسه) أنت غبي، غبي إزاي ماخدتش رقمها؟ ما أبوها؟ قلقت منه بردوا. أوووف، هدور على رقمها، وأكيد هلاقيه.

ليلى: بابا، ماما بتقول إيه؟ مجدي قرب ومسكها من شعرها. مجدي: إيه ياروح أمك! أه ياختي، كنت عاملة علاقة مع خدامة وخلفتك وماتت؟ كان نفسي أموتك بس قدرك بقى. جاية تعيشي مع واحد في شقة لوحده؟ عايزة تجيبيلي العااااار. وقعها على الأرض. مجدي: أوضتك هتبقى فيها عالطول، عقبال ما تطلقي وتتجوزي الراجل اللي عايزك، أهو هنستنفع منك في حاجة. حميدة مسكتها من دراعها جامد ودخلتها الأوضة. ليلى معترضتش، كانت مصدومة من اللي حصل.

حميدة قفلت الباب وابتسمت بشر. ليلى قعدت على السرير وعيطت جامد، بعدها بشوية مسحت دموعها بقوة. ليلى: كفاية وجع قلب بقا ياليلى، بلاش ضعف، بلااااش. مسحت دموعها وفكرت في فكرة وقررت تنفذها النهاردة قبل بكرة، مش هتستحمل أكتر من كده. مراد: عايزك تنفذ اللي هقوله بالحرف وهدفعلك اللي انت عايزه......