رواية عشقت معذبي الفصل الخامس 5 - بقلم بسمه صلاح

فهد شاف ليلى واقفة في المطبخ وبتتحرك بعشوائية. كانت لابسة بنطلون من بتوعه، رجل واحدة بس، وتشيرت واصل لحد الركبة. فهد قعد يضحك عليها، ودي كانت أول مرة يضحك. ليلى بخضة: -انت... انت خضتني. وبعدين قالت بغضب: -وانت بتضحك على إيه؟ فهد قرب منها وبصلها بابتسامة. فهد: -هو سؤال... إزاي عرفتي تمشي بالبس ده؟ ليلى: -ماله؟ مش فاهمة. فهد مقدرش يمسك نفسه وضحك أكتر. ليلى دورت بإيدها عليه لحد ما لمست دراعه وضربت فيه.

فهد مسك إيدها بضحك: -أهدي يا مجنونة، خلاص. ليلى: -والله انت رخــم. فهد: -طب تعالي أشوفلك لبس. إنتي لبستي اللبس بتاعي ليه؟ ليلى بصدمة: -هو بتاعك إزاي؟ مش قولتلي إن فيه هدوم ليا في الدولاب؟ فهد: -أيوه، بس أنا كنت حاطط هدومي في الدرفة التانية، وكنت لسه هنقلهم النهارده. ليلى: -ومقولتليش؟ أوووف. فهد: -خلاص، اهو اللي حصل. هدومك أهي. هاتي إيدك أعرفك.

فهد مسك إيدها، وهي حست برعشة في جسمها. هو فرح، بس هي كانت هتشيل إيدها، بس هو ضغط عليها. فهد: -متخافيش، هوريكي الحاجة وبس. فهد عرفها على اللبس، وعرفها مكان الدولاب والشقة علشان متتخبطش في حاجة. فهد: -صحيح، هو إنتي كنتي في المطبخ ليه؟ ليلى: -أنا كنت عطشانة، فناديت عليك مسمعتنيش، فدورت على المطبخ عقبال ما لقيته. فهد: -لو عايزة حاجة ابقي خبطي عليا، وانتِ كده كده عرفتي الأماكن. ليلى:

-بس أنا عايزة أمشي. مينفعش نقعد أنا وانت في شقة واحدة، الناس مش هتسكت. فهد: -خلاص، عندي حل. ليلى: -إيه هو؟ فهد: -نتقابل... قبل ما يكمل، الباب خبط. مراد: -عرفت مكانها. مراد قام بسرعة واتنفض. مراد: -نعممم! ده أنا هقتلها وهقتله النهارده. جهزوا العربيات بسرعةههه! فهد فتح الباب شاف واحد واقف. أول ماشافه كان هيضربه، بس فهد مسك إيده وزقه. مجدي: -بنتي فين؟ انطقلي. ليلى انتفضت بخوف وراحت ورا فهد. فهد: -بنتك معندناش بنات هنا.

ليلى: -بابا. مجدي: -أيوه يا روح أمك. هو انتي فاكرة إني ممكن أسيبك على حل شعرك؟ تعالي هنا، يلا علشان نمشي. فهد مسك إيد ليلى. فهد: -وليلى مش هتمشي من هنا. ليلى مسكت في جاكيت فهد. ليلى: -انت رميتني لما جيتلكم. مجدي: -عايزني آخدك معايا وانتي أصلاً متجوزة؟ فهد: -متجوزة؟ ليلى بصويت: -ده عمره ما كان جوزي، ده شيطان. أنا بكرهه وعمري ماهرجعله تاني. أنا هطلق منهم. راد: -لما تشوفي حلمه ودنه.