رواية عشقت معذبي الفصل الثامن 8 - بقلم بسمه صلاح

فهد بص لليلى شافها بتعيط. مسك أيدها. فهد: خليكي هنا متتحركيش. مش عايز صوت. فهد نزل وهو معاه مسدس. شاف اتنين ضخام. فهد: مش عيب تدخلوا الشقة كده. فهد ضرب واحد على رأسه بالفازة. والتاني رفع عليه المسدس علشان ميتحركش. فهد كان عنده رجالة تبعه بيراقبوا المكان. لو في حاجة، رجالتُه جت. فهد: خدوهُم على المخزن وروّقوهم. وأنا ساعة وجاي. مشوا. وهو طلع لليلى. لقاها لسه زي ما هي. عمالة تعيط وتترعش.

فهد: ممكن تهدي. أنا هروح مشوار وأجي. نامي شوية. فهد غطاها وباس راسها ومشي. فهد: مين اللي بعتكوا؟ واحد منهم قال: إحنا كنا جايين نسرق. فهد بغضب: انت فاكرني أهبل يلا. انطق مين اللي جابكوا. التاني: مراد باشا. فهد: امممم. بص لواحد من رجالتُه. فهد: خدوهُم ارموهم في أي حتة. وعايزك تجيبلي مراد على المخزن. فهد مشي. وهما نفذوا اللي قالهم. مراد كان نايم. سمع خبط على الباب. فتح قبل ما يتكلم. خدروه وخدوه.

مجدي: الراجل قالي إنه عايز ليلى بأي طريقة. وهيدفعلي أضعاف اللي طلبته كمان. حميدة: طب هنعمل إيه. البت دي لو طولتها هموتها. مجدي: مش هتيجي معايا بالذوق. والواد اللي اسمه فهد ده بيحميها. حميدة: خلاص. حالة وفاة. ليلى تموت ونخلص منها ومن الراجل ده. فهد روح. شاف ليلى نايمة على الكنبة. فهد: ليلى حبيبي. فوقي يلا. ليلى فاقت. ليلى: انت اتأخرت. فهد: آسف. كنت بعمل حاجة. ليلى: مين اللي كسروا الباب دول؟ فهد: مفيش حد. متقلقيش.

ليلى افتكرت اللي كان عايز يعمله. وعيطت. فهد بخضة: بتعيطي ليه. اهدي طيب. ليلى: انت خوفتني منك. ما صدقت أثق في حد تاني انت. فهد: شششش. خلاص. أنا آسف. أنا مكنتش في وعي. ممكن تهدي. تيجي نخرج نشم هوا. ليلى: مش عارفة. فهد: تعالي غيري هدومك ونخرج يلا. ليلى غيرت هدومها وراحتله. خدها ونزل. فهد: تحبي تروحي فين. ليلى: أي مكان. أنا عايزة أتمشى بس. فهد بابتسامة: اللي تؤمري بيه. مسك أيدها وضغط عليها برفق. علشان متشيلهاش.

كانوا ماشيين. وفهد كل شوية يبص لملامحها. قعدوا قدام البحر. فهد: نفسك في إيه دلوقتي. ليلى: اممم. نفسي أبقى حرة من غير قيود. ونفسي يحصل معجزة تخليني أنسى اللي حصل. فهد: لو عايزة تحكي. أنا معاكي. ليلى بدموع حكتله على اللي حصل. فهد قرب منها وطبطب عليها. ومسك أيدها بين إيده. فهد: عندما تدخل يدك في بحور يدي أشعر وكأنني امتلك هذا العالم. ليلى ضحكت: مبحبش الرومانسية. فهد: صدمة كبيرة. ضحكوا. وبصوا للبحر.

فهد: البحر حلو أوي من بعيد. بس لما تغطسي فيه ممكن تنجي منه أو تغرقي. ليلى انتي شجاعة. وعرفتي تنجي من اللي حصل. عارفة لو واحدة غيرك مكنتش هتكون عايشة دلوقتي أو هتكون بالصلابة دي. وأنا أقسم لك إني هجيب حقك من كل اللي آذوكي. وأولهم مراد. ليلى: ليه.

فهد: علشان حبيتك يا ليلى. أيوه حبيتك. أنا زمان كنت خاطب واحدة زميلتي في الجامعة. كان ساعتها مش معايا فلوس ولسه بكون نفسي. زهقت مني. وقالتلي انت لسه وراك حاجات كتير وأنا مش هستنى كل ده. أنا هتجوز واحد يكون معاه فلوس. الفلوس أهم من الحب. (ضحك بسخرية) . وسابتني ساعتها. قفلت على قلبي بميت قفل علشان محدش يدخله. انتي جيتي وفتحتيه بكل سهولة. ليلى أنا بحبك. ليلى: أنا عايزة أروح. فهد بيأس: حاضر. يلا.

وهما ماشيين. فهد خدها على جنب. فهد: هجيب حاجة وأجي عالطول. بعد مدة صغيرة. فهد مسك أيدها وحط فيها كوباية. ليلى: متقولش ده حمص صح. فهد: هو بعينه. ليلى فرحت. وقعدت تأكل معاه وهما ماشيين. ليلى: اليوم كان جميل نوعاً ما. فهد: هخلي أيامك الجاية كلها جميلة. انتي تستاهلي إنك تعيشي في حياة لطيفة وهادية. ليلى: فهد اسمعني. أنا منفعتكش. أنا متجوزة. فهد: هطلقك منه.

ليلى: وبعدين هتتجوز مطلقة. أنا مش هأوافق. أنا جربت نصيبي وخلاص. أنا مش عايزة أتـجوز. أنا هدور على شقة كويسة وهقعد فيها. وشكراً على اللي عملته معايا. فهد: سبتك تتكلمي براحتك. بس الكلام ده تبليه وتشربي مايته. أنا هتجوزك يا ليلى. وهتعيشي معايا هنا. وخلص الكلام. ليلى دمعت. ودخلت أوضتها ونامت. وهو مسح على وشه. وغير هدومه ونزل راح المخزن. مراد فاق. لقى نفسه في مخزن. وشاف فهد قصاده. مراد: انت جايبني هنا ليه.

فهد: براحة على نفسك شوية ياشبح. أنا لسه عملت حاجة. فهد قام وضربه بكل غل. كان بيشوف نظرات ليلى وخوفها ودموعها. لحد ما مراد اغمى عليه. فهد تف عليه. فهد: عايزك تظبطه على الآخر. وبعدها توديه القسم. عدى يومين. ومراد اتقبض عليه. وأهله عرفوا. بس مسألوش عنه. وسافروا. وليلى كانت بتحاول تبعد عن فهد بأي طريقة. فهد: ليلى. أنا نازل. عايزة حاجة. ليلى: انت هتفضل حابسني هنا. أنا قولـتلك عايزة أدور على شقة. خليني أمشي بقى.

فهد راح عندها. وباس راسها ومشي. وهي اتنهدت. بعد ساعة. كان في حد بيخبط على الباب. ليلى قامت وفتحت. وبعدها وقعت على الأرض.