رواية عشقت معذبي الفصل التاسع 9 - بقلم بسمه صلاح

حميدة: يلا يا نسوان، مش عايزة حتة سليمة فيها. ليلى: اوعوا سيبوني، الحقني يا فهد! حميدة مشيت وسابتهم. واحدة منهم مسكتها، والثانيين ضربوها وما همهمش صراخها لحد ما سمعوا صوت عربية، نزلوا بسرعة وهما نازلين قابلهم فهد وخلى رجالته ياخدوهم وهو طلع يجري. فهد سمع صوت أنين في الشقة، دخل بسرعة لقى ليلى واقعة على الأرض وبتستغيث بيه. فهد: ليلى، ليلى حبيبي فوقي. فهد شالها ووداها المستشفى.

بعد ساعة كان قاعد على أعصابه، الدكتورة خرجت. فهد: هي كويسة؟ الدكتورة: الحمد لله هي فاقت بس ما بتتكلمش وحالتها النفسية وحشة أوي، يا ريت تخلي بالك منها. فهد دخلها، شافها قاعدة على السرير باصة للفراغ وما اهتمتش لوجوده، فهد راح قعد جنبها، أول ما قعد قعدت تصوت وتزق فيه، كان بيهديها بس كانت بتصرخ أكثر لحد ما الدكتورة ادتها مهدئ ونامت. فهد قعد جنبها وملس على شعرها ودمع. فهد اتصل برقم.

فهد بغضب: تعمل اللي هقولك عليه بالحرف فاهم؟ حميدة ومجدي كانوا قاعدين مرعوبين لأنهم عرفوا أن فهد خد الستات اللي أجروهم. مجدي: هنعمل إيه؟ مش كنتي قتلتِيها وخلصنا؟ حميدة: الستات ما رضِيوش، قالوا هنضربها بس موت لأ. وهما بيتكلموا فهد كسر الباب ودخل. فهد: انتوا فاكريني نايم ومش واعي للي بتعملوه؟ حميدة بتوتر: قصدك إيه؟ فهد: قصدي إني عارف كل حاجة، وإن انتي وجوزك اللي عملتوا في ليلى كده.

مجدي: آه إحنا اللي عملنا، ولو نطول نقتلها هنقتلها. فهد ابتسم: مش هتلحقوا. البوليس دخل واتقبض عليهم. فهد في سره: جبتلك حقك يا ليلى. فهد راح عند ليلى وقعد قدامها على السرير لأنه خدها معاه الشقة. فهد: حبيبتي مش هتاكلي؟ ليلى ما ردتش عليه. فهد: طب ممكن تاكلي معايا؟ ليلى بصت بعيد واتنهد فهد وقام جاب الأكل وقعد جنبها.

فهد: عارف اللي مريتي بيه صعب، بس أنا معاكي وهنقدر نعديه مع بعض، بالله عليكي ما تعيطي، اهدي ما توجعيش قلبي، اهدي. فهد قعدها وحطلها أكل في المعلقة وقربه منها بس بعدت. فهد: عارفة لو ما كلتيش مش هاكل أنا كمان ها، وبرضه هتاكلي يلا من غير كلام. ليلى كلت وهو شال الأكل وجه قصادها نيمها وغطاها، كان ماشي بس ليلى مسكت إيده. فهد: عايزة حاجة يا حبيبتي؟ ليلى كانت عايزاه يقعد جنبها، راح قعد وملس على شعرها.

فهد: لما جيت كنت جاي علشان جايبلك ورقة طلاقك من مراد، خلاص انتي خلصتي منه. ليلى دمعت وحمدت ربها في سرها، وبعدها بشوية نامت. فهد: هفضل معاكي عقبال ما نعدي من المحنة دي وهنتجوز يا ليلى. عدى ٤ شهور، كان فهد بيعمل كل حاجة علشان ليلى ترجع زي الأول، كانت عايزة تمشي وتروح شقة تانية بس هو قالها لما تهدي وتخف لو عايزة تمشي هتمشي، وفعلاً رجعت زي الأول وأفضل، قرر أنه يصارحها النهارده ويعملها مفاجأة معاها.

فهد: ليلى البسي ده وتعالي يلا بسرعة. ليلى راحت لبست الفستان وراحتله. فهد: إيه القمر ده؟ ليلى: بس اسكت وقول بقى عايز إيه؟ فهد: تعالي معايا يا دبش. ليلى ضحكت ومسكت إيده ومشيت معاه وركبوا العربية. ليلى: فهد إحنا رايحين فين وماشيين طريق طويل أوي، إحنا فين؟ فهد: نبطل رغي خلاص وصلنا، تعالي اقعدي. قعدت وهي مش فاهمة حاجة. فهد: يلا اكتب يا شيخنا. ليلى بصتله بصدمة وما كانتش عارفة ترد. الشيخ: موافقة يا بنتي؟

فهد كان باصص لليلى بأمل. ليلى: ...