رواية عشقت مغتصبة (2 الفصل العاشر 10 - بقلم حنين هاني

ليل. هتجي معانا بكره يافرح عند زينه عشان جوري واحمد؟ فرح. أي ده مالهم؟ غيث. إن شاء الله بكره هنروح نطلب أحمد لجوري ونقرأ بكره فاتحة. هنا نزلت الصدمة عليها. يارا سمعت الكلام وراحت لعالم تاني. "طب وهي... وكلام عمتها اللي دايما أحمد بيحبك، أحمد مش هيكون غير ليكي، حبيه واعرفي عنه كل حاجة عشان لما تتخطبوا تبقوا فاهمين بعض." "إزاي يعني يا جوري؟ إزاي دي النتيجة النهائية؟ طيب هو قلبي كان لعبة بنسبالهم؟

عمتي كانت شايفة قلبي ولا حاجة عشان تملأ حبه في قلبي؟ ومرة واحدة يطلع كل ده كلام فاضي؟ عينها دمعت من الصدمة، وسحبت بهدوء ودخلت البلكونة تشم هوا تحاول تصدق إن اللي حصل ده مش حقيقة. فرح. لا أكيد هنروح طبعاً. مراد. ما شاء الله، الله العائلة بقى فيها عرايس كتير. يوسف. عقبالي يا رب، امتى الواحد يلاقي فريسة أحلامه. ليالي. طول ما أنت زير نساء كده عمرك ما هتلاقي. يوسف. الله وأنا مالي، هما اللي بيجروا ورايا عشان مز.

ليل. آه يا يوسف، أنت ديماً تفكرني بعزيز. ليث. آه والله كان ديما كده، يقول أنا مز ومش عارف إيه وإيه. يوسف. مش مشكلة، المهم إني مز. فرح. اهو خليك تفضل تعمل كده وتتنك على بتوع الناس لغاية ما ربنا يرزقك بواحدة تخليك وشك زي أفمك. ضحكوا كلهم وقعدوا مع بعض وقضوا وقت لطيف لغاية ما راحوا. في بيت ليث دخلت يارا على طول أوضتها من غير ما تختلط مع حد. ودخلت فرح. فرح. مالك يا حبيبتي فيكي إيه؟

من ساعة ما عرفتي موضوع جوري وأحمد وإنتي مش مظبوطة. يارا بتحاول تداري. لا أبداً مفيش حاجة يا ماما، أنا كويسة. فرح. مش عليا أنا يا يارا، في إيه مالك وبتعيطي ليه؟ انهارت يارا من العياط. يارا. آه يا ماما، قلبي وجعني أوي، قلبي حاسة حد مسكه وجاب طوبة كبيرة وقعد يرمي عليه لغاية ما اتكسر مليون حتة. فرح. ليه يا حبيبتي كل ده؟ ليه؟ يارا. هي عمتك قالتلك حاجة؟

يارا بعياط أكتر. أيوه أيوه يا ماما، ديما تقولي أحمد ده بيحبك، أحمد ليكي يا يارا، أحمد هتكوني مراته، وأنتي مرات ابني، هو بيحبك بس مش عايز يبين لغاية ما يجمع فلوسه. لغاية ما خلتني أركز معاه وأحبه، يا ماما ده أنا مش بس حبيته ده أنا عشقتُه. قالتلي أنا كلمت فرح وخلاص هانت ونخطبك وتبقي أجمل عروسة. خلتني أبني أحلام، خلتني أبني في خيالي حياتي المستقبلية. أنا مكنتش مركزة مع الموضوع، هي السبب خلتني أركز، خلتني أحبه، وفي الآخر اتكسرت، قلبي اتكسر، قلبي موجوع يا ماما.

وفضلت تعيط. كان واقف ليث وراه الباب وسامع كل حاجة قالتها يارا. "إزاي أخته عملت كده في بنته؟ إزاي تفضل تعشمها، تعشمها، وفي الآخر تطلع خسرانة." اتعصب جامد أوي ودخل أوضته. فرح. ياحبيبتي أنتي غلطانة وازاي متجيش تقوليلي حاجة زي كده. هي فعلاً كلمتني وكل فترة تكلمني بس بقولها إن شاء الله لو ليهم نصيب في بعض هيكونوا لبعض. إزاي يا حبيبتي مفكرتيش إنه ممكن ميكونش بيحبك؟ أنتي غلطانة يا يارا.

يارا. غصبن عني يا ماما، من كلامها لقيتها بتشدني له. أنا تعبانة يا ماما، تعبانة أوي وقلبي وجعني أوي. فرح. بس يا حبيبتي وبطلي عياط خلاص، يلا بطلي عياط ونامي دلوقتي. يارا. حاضر يا ماما. وطلعت ودخلت أوضتها لقت ليث قاعد شكله متعصب. فرح. مالك يا حبيبي في إيه؟ ليث. أنتي ريم كلمتك قبل كده في الموضوع ده؟ فرح. أنتا عرفت منين؟ ليث. ردي يا فرح.

فرح. أيوه يا ليث كلمتني وأنا رديت قولتلها لو ليهم نصيب هيكونوا لبعض. ومردتش أقولك عشان ميجيش في يوم يحصل اختلاف بينكم ويبقا في حساسية. بس الموضوع ده... بس المشكلة دلوقتي إنها كلت دماغ البت لغاية ما حبته. ليث. اللي حصل حصل وبلاش تعمل مشاكل بينك وبين أختك وسيب يارا، أنا هخرجها من اللي هي فيه ده. ليث. ماشي يا فرح. صباح يوم جديد وصل رحيم الكافيه، كانت ليالي قاعدة قبلها بساعتين بتعمل مقابلات عشان تظبط شغلها. دخل رحيم.

رحيم. لو سمحت فين الطربيزة تبع مقابلات شركة LSR؟ النادل. حضرتك تبع المقابلة طيب تعالي هوديكي للأستاذة ليالي. ومشي وراه. ورحيم مخدش باله من الاسم أصلاً. كانت ليالي قاعدة حاطة عينيها في اللاب وشغالة. النادل. أهي الطربيزة اللي هناك دي، اتفضل. رحيم. ماشي شكراً. وراح على الطربيزة. كل ده وهو مش شايف وشها. "صباح الخير، أنا رحيم، حضرتك بعتلي رسالة للمقابلة." ليالي حست إنها تعرف صاحب الصوت. ليالي. أيوه اتفضل.

وشالت عينها من اللاب ورفعته. ليالي بصتله. فضلو مبحوتين لبعض شوية. رحيم. هو انتي صدفه جديدة؟ ليالي بابتسامة. هي فعلاً صدفه. تحب تشرب إيه؟ رحيم. قهوة. ليالي. ماشي، لو سمحت واحد قهوة والشاي بتاعي. "طيب أعرفك بقا بنفسي، أنا ليالي المسؤولة عن الدعاية والإعلانات وأنا اللي هعملك الإعلان بتاعك." رحيم. بجد صدفه غريبة أوي. ليالي. هي. فعلاً غريبة. المرة دي أنت اللي هتطلب مني الشغل وأنا هنفذه.

رحيم. حقيقي مبقاش فارق معايا أي حاجة قد ما فارق معايا إني شوفتك تاني. ليالي ابتسمت.

ليالي. شكراً بجد. المهم بقا هكلمك عن الشغل. أنتا اتفقت ومضيت العقود مع مستر عز. أنا ال HR هكون مسؤولة عن أي حاجة تخص الشغل. المفروض هاجي عشان أشوف المكان وأصوره وأصور الشغل وأعمل اللوجو اللي تحبوه. وعشان المصداقية لازم هتعمل شغل قدام الكاميرا يعني بمعنى أصح هتكون عربية بايظة هتبدأ تشرح إيه اللي هي محتاجاها وبعدين تصلحه وتشتغل، والباقي عليا بقا. رحيم. تمام، مفيش مشكلة.

ليالي. تمام، حضرتك بقا ممكن تقولي تحب اللوجو بتاع الإعلان عامل إزاي؟ رحيم. بصراحة معنديش أي فكرة. اعمليلي على ذوقك وأنا واثق فيكي. ليالي. تمام، أنا هعمل اللوجو وهتابع معاك على الواتساب وأقرب وقت هقولك امتى التصوير. رحيم. تمام، تبعتك معايا. ليالي. تعبك راحة، ده شغلي. اتفضل القهوة. شرب رحيم القهوة. رحيم. أسف بقا لو عطلتك شوية.

ليالي. لا أبداً، أنا أصلاً شغالة من الساعة 8، الموضوع عادي يعني. وبصراحة بيني وبينك، أنت كنت آخر مقابلة والمفروض أروح الشركة بس أنا مكسلة أروح بصراحة عشان كده قاعدة. رحيم. مع اللي يشوفك يقول يعني بتحبي شغلك وملتزمة. ليالي. بصراحة بحب الشغل بس مش بحب جو الشركة، ديماً لازم التزام في كل حاجة. بص أنا بعشق شغلي بس الفكرة إني مبحبش جو الشركة والاجتماعات وكده عشان بصراحة ديما لازم أتهزق. رحيم بستغراب. إزاي؟ مش فاهم.

ليالي. فاكر أول مرة جيتلك الورشة والعربية كانت عطلانة؟ اليوم ده كان معايا مشروع، فضلت اشتغل عليه أسبوع وجاهز وكل حاجة بس راحت عليا نوم ونزلت العربية عطلت وتاخرت يجي ساعة ونص، فاطبعاً اتهزقت. فهمت قصدي؟ رحيم. آه. ليالي. صدعتك معلش، أنا صداع. رحيم. ولا صدعتني ولا حاجة، أنتي ما شاء الله عليكي يعني خفيفة على القلب. ليالي. شكراً، ده من ذوقك. إحنا كده بقينا أصدقاء خلاص، والقهوة دي بداية صداقة جديدة.

رحيم. لا معلش اسمحيلي تبقا بداية مني ليكي، معلش. ليالي. مش هينفع، أنا من الصبح طالبة حاجات كتيرة أوي. رحيم. مفيش مشكلة. ليالي. لا ده هيكون كتير عليك بجد. رحيم. مش إحنا أصدقاء؟ سيبيني أنا اللي أدفع. ودفع رحيم الحساب ونزلوا. ليالي. فرصة سعيدة يا مهندس رحيم. رحيم. أنا أسعد يا آنسة ليالي. ليالي. إيه الشغل الرسميات ده؟ بقولك إيه، أنا ليالي وأنتا رحيم، اتفقنا؟ رحيم. اتفقنا. ليالي. طيب أنتا رايح فين كده؟ أوصلك في طريقي.

رحيم. لا مش عايز أتعبك. ليالي. لا أنا كده هزعل بجد، يبقى مش عايزني أكون صديقتك؟ رحيم. لا مش كده، عشان بس... ليالي. مفيش بس، يلا بينا. وركبت العربية وهو ركب معاها. ليالي. تحب أوصلك فين؟ رحيم. أنا رايح الشغل. ليالي. اوكي. وبدأت في السواقة وفونها رن. ليالي. أي يا حبيبي؟ مراد. بقولك إيه، دراين كلمتني وبتقولي عربيتها راحت تتصلح، قاعدة خديهالي. ليالي. ماشي يا مارو، حاجة تاني يا حبيبي؟

مراد. لا، أصلاً هاجي عشان عايز أجيب حاجات ونروح سوا. ليالي. خلاص أوك، باي. وقفل. حس إنها تضايق لما سمعها بتقول "يا حبيبي". رحيم. أنتي مخطوبة؟ ليالي. لا. رحيم. وأنتا خاطب؟ ليالي. لا برضو. رحيم. أحسن برضو. ليالي. إيه؟ ليالي. قصدي يعني السنجلة حلوة يعني. وقعدوا يتكلموا ويتعرفوا على بعض لغاية ما وصلوا وراحت على المول. كانت يارا عند دراين. ليالي. أنا جيت يا ولاد، عاملين إيه؟

دراين. كويس إنك جيتي عشان الناس، وهخليكي مع يارا. ليالي. مالك يا قلبي؟ يارا. مفيش حاجة. ليالي. مش واضح، في إيه؟ يارا بدموع حكتلها كل حاجة. ليالي. طيب بس خلاص، اهدى. دراين. أول مرة أضايق من عمتو بالطريقة دي بجد، إزاي تعمل كده؟ ليالي. يا جماعة هي أكيد مش قصدها. يارا. طيب وقلبي اللي اتكسر مكنش قصدها برضو؟ دراين. بصي يا يارا، أنا شايفة إن الحمد لله إن الموضوع اتكشف بدري قبل ما تبقي تفضلي تتعلقي على الفاضي.

ليالي. صح، دراين معاها حق، لازم تفوقي لنفسك وتتعلمي من الدرس ده. وأحمد أخونا أوي بعد اللي حصل، علاقتك بيه تتغير، هو الموضوع خارج عن إرادته. وجوري، أوعي تفكري تغيري، لازم تتقبلي الوضع. يارا. عندكم حق. دراين. يلا فكي كده وروقي، ويلا هشربك عليكوا وهغديكوا على حسابي. يارا. كتر خيرك يا فنانة. في الشركة كان غيث شغال وخبط ليث ودخل. غيث. إيه ده، الدكتور ليث عندنا؟ بدأت نفسك مشرفنا. ليث. مش فايق يا غيث، بجد.

غيث. مالك، في إيه؟ ليث. غيث، أنت عرفت باللي ريم عملته؟