رواية عشقت مغتصبة (2 الفصل الثالث 3 - بقلم حنين هاني

فرح: حاسة نفسي مكتومة أوي يا ليل، حاسة إني لوحدي. العيال كل واحد عايش لحياته وحاسة إنهم بعدوا عني أوي. ليل: متقوليش كده يا حبيبتي، إنتي عارفة إنهم خلاص كبروا بس مش معنى كده إنك لوحدك. فرح: مش عارفة بصراحة، بس أنا مش تمام. ليل: اهدي كده وكل حاجة هتبقى كويسة. ليالي: بتعملوا إيه من غيري؟ ليل: ليالي ادخلي ساعدي أخوكي ورني على دراين شوفيها فين.

ليالي: ماشي يا ليل، فاهمة أنا الحركات دي. بتثربيني عشان تعدوا تحكوا صح يا فروحة. فرح: سيف مش جاي. ليالي: مش عارفة، عاوزة حاجة؟ ليالي: لا خلاص، هبقى أكلمه أنا. فرح: (بشك) هي البيت دي بتسأل على سيف ليه؟ ليل: حاسة وراهم مصيبة. فرح: تفتكري. وفجأة، خبط الباب وكان سيف. سيف: سلام عليكم، عاملين إيه؟ ليل: أهلاً بالدكتور. ليالي كانت لسه بتسأل عليك. سيف: فينها هي؟ ليالي: أنا جيت، صحبي يا صحبي. سيف: عم الناس.

ليالي: عايزك كده خمس دقايق ورايحين على البلكونة. ماما أنا رنيت على دراين وقالت إنها جاية. ليل: ماشي. سيف: هي لسه مرجعتش؟ ليالي: أها، لسه قافلة. سيف: إزاي يعني تفضل لغاية دلوقتي بره؟ ليالي: (بشك) وإنت مالك متعصب ليه؟ هي على طول كده. وبعدين دي كده جاية بدري. سيف: مفيش حاجة. ليالي: شاكة فيك أصلاً، بس مكبرة دماغي. المهم. سيف: احكيلي. ليالي: طالعة الغردقة أسبوع. سيف: أوباااا! طب ما حلو ده. إمتى بقا؟

ليالي: المفروض بعد يومين. سيف: حلو. مطلوب مني إيه بقا؟ ليالي: أنا لو قولت لبابا هيفلقني نصين. مطلوب منك إنت بقا، بص، تبقى رئيس العصابة. سيف: والمقابل؟ ليالي: إنت مادي حقير كده ليه يا واد؟ وريح نفسك عشان مديونة. أنا لسه مستلفة والفلوس خلصت، ومخصوم مني أسبوع أصلاً. سيف: يا بجاحتك! يعني كل ده وكمان عايزة تطلعي أسبوع الغردقة؟ ليالي: يا صحبي، نفسيتي تعبانة، عايزة أستجم. سيف: اممم ماشي، موافق بس بشرط.

ليالي: بدأنا أهو، قول. سيف: لما أقول الكلمة تتسمع على أي حاجة. ليالي: شغل أوامر يعني؟ والكلام هيكون على الكل مش عليكي لوحدك. ليالي: بص يا سيف عشان نكون على نور، آخرك معايا في سماع الكلام لغاية ما بابا يقول موافق. آشطا. سيف: آشطا، يلا غوري. ليالي: تاخدك. ودخلت، وهو فضل واقف في البلكونة لغاية ما لقاها وصلت ونزلت.

يا الله، ياريت لو تعرف بس هو بيحبها قد إيه. ياريت لو تحس بالنار اللي جواه. قد إيه هو عشقان في حبها وبيستنى بس اللحظة اللي يخرج كل الشعور ده. مراد: يلا، الأكل جاهز. فرح: والله يا واد يا مارو، أكلك ده بيوحشني أوي. حقيقي أجمل شيف كده. دراين: سلامو عليكم، عاملين إيه؟ هموت من الجوع. وراحت على الأكل على طول. مراد: ليكي نفس تاكلي بعد ما كنتي هتولعي الشقة الصبح؟ دراين: هتولع الشقة؟ ليل: قصدها على الولاعة كانت هتفرقع.

مراد: لا، الهانم الصبح حطت الطاسة وسابتها لغاية ما ولعت عشان مش عارفة تعمل أكل لنفسها. نظرت إليها ليل. ليل: مش عارفة لغاية إمتى هتفضلي كده يا حبيبتي، إنتي كبرتي خلاص. دراين: الله، وأنا مالي أنا؟ عملت اللي عليا وحاولت أتعمل بس فشلت. مراد: ربنا يكون في عون اللي هياخدك، هتشيليه. دراين: يا حبيبي، براحتي. ده أنا أحط رجل على رجل وأقول اللي عندي وهو يوافق. غير كده مش هتجوز. فرح: طبعاً، هو في زي دراين.

دراين: قلبي يا فروحة. سيف، أخبارك إيه؟ سيف: الحمد لله. دراين: إيه يا دكتور، حضرتك بقيت تقيل ليه كده؟ ولا إحنا منشبهش زي الدكاترة اللي في المستشفى؟ سيف: لا، دي إنتي تشبهي واوي كمان. وبعدين يا دودو، إنتي اللي مش شايفاني، فعشان كده سكت. دراين: بعيد عنك، هموت من الجوع أوي بصراحة ومن الصبح شغالة لغاية ما خلاص. سيف: ربنا معاكي.

دراين: بالمناسبة الحلوة دي، هعمل لكم مفاجأة رهيبة كمان يومين. عاوزاكم كلكم تتجمعوا عشان الخبر ده لازم يتقال في جو حلو. ليالي: إيه؟ قولي، قولي. دراين: تؤتؤ، مش هينفع، مفاجأة. دب القلق في قلب سيف. معقول يكون عريس؟ وبتحب؟ معقول كلام بابا هيطلع صح وأخسرها؟ لا، مستحيل تكون لغيري. فرح لاحظت وش ابنها اللي اتخطف وعرفت هو بيفكر في إيه. فرح: أكيد عريس، صح؟ دراين: مش هينفع أقول أي حاجة. اتوقعوا بس، أنا مش هقول حاجة خالص.

دراين: ماما، اعزمي زوزو وريم وكله، كله. يوم الجمعة تكونوا موجودين. آشطا. هقوم أنا أغير وأنا تصبحوا على خير. مراد: تفتكروا الفرحة دي كلها وراها إيه؟ ليالي: أووه، يطلع عريس بقا ويبقى عندنا فرح. سيف: مش يلا يا ماما عشان الوقت اتأخر. فرح: أيوه، يلا. تصبحوا على خير. ليل: ما لسه. فرح: خلاص بقا عشان أشوف كرم وكارما. وكده كده هنتقابل تاني. ومشوا. يحيي: يا ماما، أنا جيت. سماح: حمد الله على السلامة يا حبيبي. أعمل لك عشا؟

يحيي: لا، أنا أكلت. سماح: ماشي يا حبيبي. إيه أخبار الشغل؟ يحيي: والله يا أمي مزنوقة خالص، بس الحمد لله خير إن شاء الله. أومال فين البنات؟ سماح: جوه قاعدين. يحيي، كان في موضوع عاوزة أكلمك فيه. يحيي: في إيه؟ سماح: حمات اختك جتلي النهارده وبتقولي: إحنا مخلصين من بدري وهي واقفة عليكم. ويا ريت تخلصوا. قالتلي المدة اللي اتفقنا عليها خلصانة بقالها سبع شهور والتأجيل جاي من عندكم. وراحت سايبتني وماشية. هنعمل إيه يا ابني؟

أنا عارفة الحمل عليك تقيل أوي. مش عارفة هنعمل إيه تاني. أختك لسه ناقصها حاجات كتير أوي. نور: ولا حاجة يا ماما، كل شيء قسمة ونصيب. يحيي: بتقولي إيه يا نور؟ نور: بص يا حبيبي، أنا مش هرضى أسمع كلمة وحشة عليكم وإن العيب مننا والكلام ده. وأنا خلاص قررت إن دلوقتي مش مستحملين الظروف ولا صابرين. وأنا مش هضغط عليك أكتر من كده. إنت ضحيت عشاننا كتير أوي يا يحيي. وجه الوقت اللي نتنازل فيه.

يحيي: حبيبتي يا نور، فرحان بيكي وإنتي بتقولي كده. بس لا، متقلقيش. أنا هخلص لك حاجاتك قريب ونخلص منك بقا. وحضنها وهو مش عارف يعمل إيه. بالرغم إن الورشة كبيرة بس مش جايبة هم خالص والشغل نايم خالص. وقام عشان ينام. أحمد: وحشتيني أوي يا جوجو. جوري: وإنت كمان وحشتني أوي. أحمد: عملت لك مفاجأة. جوري: قول. أحمد: أنا جمعت فلوس الشبكة وكنت هكلم بابا وماما النهارده، بس حصلت حاجة ضيقتني. جوري: حصل إيه؟ أحمد: ماما حامل. جوري:

(بفرحة) بجد؟ عمتو ريم حامل وهتجيب نونو صغنن؟ وأنا هبقى مرات أخوه بقا؟ الله. أحمد: حيلك حيلك. إنتي أصلاً بتهزري؟ ده أنا مش طايق نفسي من ساعة ما عرفت. إحنا خلاص كبرنا يعني. أكون عايز أخطب وأمي حامل؟ جوري: في إيه يا ابني؟ ده رزق من ربنا. وبعدين ده هيبقى الحب كله أصلاً. ولا إنت زعلان عشان هتتركن على الرف وهيجي واحد غيرك؟ أحمد: أكيد لا طبعاً، بس إزاي يعني؟ إحنا كبرنا خلاص.

جوري: بطل هبل. مامتك كده هتزعل منك وهتشيل في نفسها. وساعتها هتحسسها إن هي أجرمت. أحمد: معاك حق. بس من امتى العقل ده كله يا بت؟ جوري: شوفت بقا. من يومي وأنا عاقلة. أحمد: صح، منا عارف. نوح: لا يا بابا، هروح أبات في الشقة. تعبان مش قادر. إياد: ماشي يا نوح، مع السلامة. نوح طالع وبيفتح الشقة لقى اللي طالعة وزقته ودخلت وقعدت. نوح: إنتي مين؟ وإيه اللي عملتيه ده؟ البنت: أبوس إيدك متقولش إني هنا.

ولسه هتتكلم لقى الباب بيرزع وفتح. راجل كبير: ياخ، في بنت طلعت العماره دي مخبتش عليك؟ نوح: لا، أنا لسه جاي دلوقتي ومشوفتش حد. راجل: متأكد؟ نوح: بقولك إيه، أيوه متأكد. خير، في حاجة؟ راجل آخر: لا أبداً. أسفين. وكانوا طلعوا الدور اللي بعده. نوح: ممكن أفهم إنتي مين ومين دول وبتعملي إيه؟ البنت بعياط ولسه هتتكلم، أغمى عليها. نوح بصدمة. إنتي. تابعوني.